Jeremia 44:12 - Tshwa Bible

¹² Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Jeremia 44:12 Mawu Ofanana

Isaya 1:28

Kanilezi a vahambunyeti ni vaonhi va ta lobyiswa khatiginwe, ni lava va tsikako Jehova va tafa.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 18:16

Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 29:22

Ku ta tekiwa ka vona a gezu ga nzhukano a ka vontlhe vakhonwi va vaJuda va nga le Babuloni, gaku: Jehova a ku mahe u kota Zedekia na Ahabi, lavo a hosi ya Babuloni yi nga va rimba nzilweni.

Jeremia 42:1

Zonake a tinduna tontlhe ta mabutho na Johannani nʼwana Karea, na Jezania a nʼwana Hoxaia, ni vontlhe vanhu, lava va tsongwani ni vahombe,

Jeremia 42:22

Hikwalaho zi tiveni khwatsi lezaku mu ta dawa hi supado, ni ndlala ni ntungu, a wutshanwini legi mu lavako ku ya luvela ka gona.

Jeremia 43:11

I ta ta hlasela a tiko ga Gipite; lava va yimiselweko kufa va ta dawa, ni lava va yimiselweko wukhumbi va taya wukhumbini; lava va yimiselweko ku dawa hi supado va ta dawa hi supado.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 9:6

Va ta panzanyeka hi kota ya lobyiselelo; Gipite i ta va tsombanyisa, Memfisi a va lahla. A zibya zabye za siliva lezi va zi ranzako zi ta fenengetiwa hi feha, ni mizwa yi ta mila matendeni yabye.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Mitsengo 5:27

Makunu loku a mu nwisile mati lawo, loku yena a ti nyenyezisile, ni loku yena a gohele a nuna wakwe, a mati lawo ma vangako nzhukano ma ta enghena lomu, nzeni kakwe ma mu vangela mhango; ni rumbu gakwe gi ta vimba, a mahangaswa yakwe ma ta wuna, ni wasati i tava nzhukano lomu tikweni gabye.