Jeremia 44:10 - Tshwa Bible

¹⁰ Kala nyamutlha a va se nga ti tsongahata, ge hambu ku chava, kutani ku famba hi milayo ya mina ni zileletelo lezi nzi nyikileko nwina ni vakoko ya nwina.

Jeremia 44:10 Mawu Ofanana

1 Tihosi 21:29

Xana u zi wonile lezi Ahabi a ti koramisisako zona mahlweni ka mina ke? Kota lezi a ti koramisileko mahlweni ka mina, nzi nga ta neha khombo masikwini yakwe; nzi ta neha khombo ka yindlu yakwe masikwini ya nʼwana wakwe.

2 Tihosi 22:19

kota lezi a mbilu ya wena yi olovileko, na u ti koramisile mahlweni ka Jehova, laha u ngazwa hi lezi nzi wulileko xungetano hi wutshamu legi, ni vaaki va gona, lezaku va ta lobyiswa vave xiruko, u hanzula tinguwo ta wena u rila mahlweni ka mina, minawu nzi ku zwile, ku wula Jehova.

2 Kronekele 32:26

Kanilezi laha Hezekia a nga wa ti koramisile kutikukumukiseni ka mbilu yakwe zinwe ni vanhu va Jerusalema, a zanga ya Jehova a yi tangi hehla kabye masikwini ya Hezekia.

2 Kronekele 33:12

Laha a nga wa hi lomu tikhuruxwini, i lo khongela mahlweni ka Jehova Nungungulu wakwe, a ti koramisa nguvu mahlweni ka Nungungulu wa vadadani Vakwe.

2 Kronekele 33:19

A mukhongelo wakwe ni ku hlamuliwa ka wona, ni kuonha kakwe, ni kuhambuka kakwe, ni wutshamu legi a akileko ka gona a matshamu ma tlakukileko, ni laha a nga yimisa kona a zifananiso za Axtarte, ni zifananiso zi vatlilweko, na a nga se ti koramisa, zi tsalilwe lomu ka matimu ya vawoni.

2 Kronekele 34:27

Kota lezi a mbilu ya wena yi olovileko, u ti koramisa mahlweni ka Nungungulu a siku legi u ngazwa a timhaka takwe xungetano ni wutshamu legi ni vanhu va kona, u hanzula a tinguwo ta wena u rila mahlweni ka mina, mina nzi ku zwile, ku wula Jehova.

Tisimu 34:18

Jehova i kusuhi ni lava va tshovekileko timbilu; A hanyisa lava va nga ni moya wu panzekileko. Isa. 57:15; 66:2; Lu. 18:13

Tisimu 51:17

A muphahlo lowu wu xalalisako Nungungulu hi moya loʼwu tshovekileko; Nungungulu, cima u nga ta nyenya a mbilu leʼyi tshovekileko, yi xanisekelako zionho. Isa. 66:2

Tisimu 78:10

A va hlayisangi a xivumelwano xa Nungungulu, Va lo ala ku famba hi nawo wakwe.

Eksodusi 10:3

Zonake Mosi na Aroni va loya ka Faro va yaku ngalo kakwe: Jehova, Nungungulu wa maHeberu, i ngalo: U ta ala kala rini a ku ti koramisa mahlweni ka mina? Tlhatlha a vanhu va mina va ya nzi khozela.

Eksodusi 9:17

Loku wa ha ti kukumukisa hehla ka vanhu ya mina, u ala ku va tlhatlha va famba,

Eksodusi 9:30

Kanilezi wena ni malanza ya wena nza zi tiva lezaku a mu se nga mu chava Jehova Nungungulu.

Mavingu 14:16

Loyi a tlharihileko wa chava, a huma kubiheni; anilezi a xipumbu xi honisa xi ti tsumba.

Mavingu 16:6

A kugoha ka vinyiwa hi wuxinji ni zinene; i ku chava Jehova a vanhu va huma kubiheni.

Mavingu 28:14

I katekile a munhu loyi a nga ni livalo xontlhe xikhati; anilezi loyi a nonohisako a mbilu yakwe i ta wela khombyeni.

Mavingu 8:13

A ku chava Jehova ku venga kubiha; ina nza venga matshanza, kutikulisa, ni mahanyela yo biha, i nomu wu khohlakalisako.

Isaya 42:24

Himani a nyikeleko Jakobe a kuva a phangiwa, Na Israeli mandleni ya vaphangi ke? A hi Jehova loyi hi mu onheleko ke? Loyi va alileko ku famba tindleleni takwe, Va nga ingisi nayo wakwe.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 66:2

Hakuva zontlhe lezi zilo zi mahilwe hi canja ga mina, Hikwalaho zontlhe zi lova kona, ku wula Jehova. Nzi ta cuwuka loyi a ti tsongahatako, a nga ni moya wu tshovekileko, Loyi a rurumelako hi gezu ga mina.

Jeremia 10:7

O Hosi ya matiko, himani a nga ku chaviko? U fanele ku chabyiwa, Hakuva xikari ka tontlhe titlhari ta vamatiko, Ni ka mifumo yabye yontlhe, Cima a nga kona loyi; a fananako na wena. Kuv. 15:8

Jeremia 26:4

Va byele, uku: Jehova i ngalo: Loku mu nga nzi ingisi, mu famba hi nayo wa mina, lowu nzi mu nyikileko wona,

Jeremia 32:23

va lota va gi khozisa, kanilezi a va ingisangi gezu ga wena, hambu a ku famba hi nayo wa wena; ni zontlhe lezi u nga va layile a ku zi maha, a va zi mahangi; u kala u va humesela wontihe makhombo lawa.

Jeremia 36:24

A hosi ni malanza ya yona loku va zwile tontlhe leti timhaka, a va chavangi hambu a ku hanzula a tinguwo tabye. 2 Tih. 22:11

Jeremia 44:23

Hikuva mu hisile tibani, mu onhela Jehova, mu nga ingisi a gezu ga Jehova, mu nga hlayisi milayo yakwe ni zileletelo zakwe ni ziyimiso zakwe, hikwalaho mu welwe hi khombo legi kota lezi zi nga zona nyamutlha.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Ezekieli 9:4

aku ka yena: Famba u ya tsemakanya muti, a xikari ka Jerusalema, u vekela xifungo zimombyeni za vanhu lava va nga ni mahika, va rilako hi kota ya manyalataniso, lawa ma mahiwako, xikari kabye.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Mateu 27:54

Laha a nduna ya zana ni lava va nga hi nayo va lavelela Jesu, na va wonile a kutsekatseka ka misava, ni zinwani zi nga wa mahekile, va lo chava nguvu, vaku: Hakunene, loyi i wa hi Nʼwana wa Nungungulu! Mar. 15:39; Lu. 23:47

Luka 23:40

Kanilezi a xinwani xi lo mu kawuka, xiku: Kasi a ku chavi ni Nungungulu ke, na u wona lezaku u konekile zinwe naye?

Va le Roma 11:20

Kunenewe, ma phatlulwe hi kota ya kungakholwi kabye, na wena u yimile hi kukholwa ka wena. U nga ti kukumukisi, kanilezi chava. Xip. 12:16; Fil. 2:12

1 Pedro 5:6

Hikwalaho ti koramiseni lahasi ka canja ga ntamu wa Nungungulu, kasi yena wa fela ku mu kulisa hi xikhati xi faneleko. Jak. 4:10

Kuvululelwa 15:4

Himani a ta nga kala ku ku chava, wena Hosi, A nga dzunzeleti a vito ga wena ke? Hakuva hi wena wece u basileko, A matiko wontihe ma tata ma ta ku khizamela: Hakuva a mitiro ya wena yi lulamileko vi wonekelisilwe. Ekso. 15:14-16; Isa. 66:23