Jeremia 43:10 - Tshwa Bible

¹⁰ uku kabye: Jehova wa tiyimpi a Nungungulu wa Israeli, i ngalo: Nzi ta vitanisa Nebukadrezzare a hosi ya le Babuloni, a nanza ga mina, nzi ta yimisa a xitshamu xakwe xa wuhosi hehla ka maribye lawa nzi ma fihlileko; i ta gwimba a tenda gakwe ga wuhosi hehla ka wona.

Jeremia 43:10 Mawu Ofanana

1 Tihosi 20:12

Makunu laha Ben-Hadade a ngazwa a gezu legi na a kari anwa zinwe ni tihosana takwe lomu mixaxeni, i te ngalo ka malanza yakwe: Hlomani! Zinghaho va lo hloma va ya vukela a muti.

1 Tihosi 20:16

Va lo huma lahandle laha hlikanhini, kanilezi Ben-Hadade i wa hi lomu mixaxeni na a kari anwa, a popiwa zinwe ni 32 wa tihosi leti ti nga wa mu vunetela,

Tisimu 18:11

I lo tumbela munyameni, Wu maha tenda gakwe. Ku woneka mamati ya ntima ni marefu yo phuma.

Tisimu 27:5

Hakuva i ta nzi fihla xiluvelweni xakwe hi siku ga kuxaniseka, A nzi fihla xihundleni xa tenda gakwe; A nzi kanzihisa hehla ka ribye. Jer. 36:26

Tisimu 31:20

U ta va fihla xihundleni mahlweni ka wena, kule ni vaxanisi; U va hlayisa xaxeni wa wena a ka mahlevo ya tirimi. Jer. 36:26

Isaya 44:28

Nzi wula ka Kurusi, nziku: Murisi wa mina! I ta maha kontlhe kuranza ka mina; A ka Jerusalema i taku: U ta aketwa; Ni ka tempeli: A xiseketelo xa wena xi ta akiwa luswa.

Isaya 45:1

Jehova i wula ka a totilweko wakwe Kurusi, Loyi nzi mu khomileko hi canja gakwe ga xinene, Lezaku nzi hlula matiko mahlweni kakwe, Nzi tlhatlha a tifunga ta tihosi; A vululelwa tivati, ti nga valiwi, aku:

Jeremia 1:15

Hakuva nzi ta ramba a tixaka tontlhe ta matiko ya le Nwalungu, ku wula Jehova; linwe ni linwani li ta ta yimisa xitshamu xa wuhosi xa lona laha tinyangweni ta Jerusalema, kasi ku vukela a makhurisi ma ranzelekeleko muti, ni ku vukela a miti yontlhe ya ka Juda.

Jeremia 43:9

Teka a maribye ya hombe u ma mehela hi murongwa lomu lilonzeni laha nyangweni ya yindlu ya Faro le Tahpanhesi, u zi maha mahlweni ka vanhu va ka Juda,

Jeremia 46:13

A mhaka leyi Jehova a nga yi wula ka muprofeti Jeremia, xungetano ni lezi Nebukadrezzare a hosi ya le Babuloni a ta nga tisa zona a ta hlasela a tiko ga Gipite.

Jeremia 49:38

Nzi ta yimisa a xitshamu xa mina xa wuhosi le Elami, nzi lovisa a tihosi ni tihosana ta kona, ku wula Jehova.

Ezekieli 5:12

A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.

Danieli 2:21

Hi yena a hunzulusako a zikhati ni tinguva; i susa tihosi ni ku ti yimisa; i nyika wutlhari ka titlhari ni wutivi ka vanhu va pimisisako.

Mateu 22:7

Zonake a hosi yi lo zangara; yi lo rumela tiyimpi ta yona, ti ya lovisa vadayi lavo, ni ku hisa muti wabye. Dan. 9:26; Lu. 19:27