Jeremia 42:18 - Tshwa Bible

¹⁸ Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 42:18 Mawu Ofanana

2 Kronekele 34:25

Hakuva vona va nzi tsikile, va ya hisela vanwani vanungungulu a tibani, va nzi zangarisa hi mitiro yontlhe ya mandla yabye; hikwalaho a zanga ya mina ya vurela legi wutshamu; cima yi nga ta timeka.

Isaya 30:3

A khokhola ga Faro gi ta mu wisa tingana, Ni kutsumba ka nwina hi nzhuti wa le Gipite ku tava kukanganyiseka.

Isaya 65:15

A vito ga nwina gi ta sala gi hi xiruko xikari ka vahlawulilweko va mina, Hosi Jehova i ta ku daya, Zonake i ta nyika malanza yakwe a ginwani vito. Jer. 29:22; Kuv. 2:17

Jeremia 18:16

Lezoke va maha tiko gabye giva xirewukiso, Ni xiruko hi laʼku nga mbheliko; Lezaku ni wihi a hunzako kona a hlamala, A ziviza hloko yakwe.

Jeremia 22:27

Kanilezi a tiko legi va xuvako ku tlhelela kona, va nga ta wuya ka gona.

Jeremia 23:40

Nzi ta mu rwexa a nzhukano wa pinzukelwa, ni tingana ti nga gumelwiko, leti ti nga hiko na ku rivalwa.

Jeremia 24:9

A ka matlhelo wontihe va tava xichaviso ni khombo a ka matiko wontihe ya misava, va tava xihlekiso, ni vingu, a xixovo, ni xiruko lomu nzi ta nga va hangalasela kona. Deut. 28:25; 1 Tih. 9:7

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 26:6

mina nzi ta maha leyi yindlu kota Xilo, ni muti lowu nzi ta wu maha xiruko ka tontlhe tixaka ta misava.

Jeremia 29:18

Nzi ta va hlongolisa hi supado, ni ndlala, ni ntungu; nzi ta va maha a xichaviso xikari ka mifumo yontlhe ya misava, ni kuva xiruko, ni xirewukiso ni xihlekiso, ni xixovo a ka wontihe matiko nzi to va hangalasela ka wona;

Jeremia 29:22

Ku ta tekiwa ka vona a gezu ga nzhukano a ka vontlhe vakhonwi va vaJuda va nga le Babuloni, gaku: Jehova a ku mahe u kota Zedekia na Ahabi, lavo a hosi ya Babuloni yi nga va rimba nzilweni.

Jeremia 33:5

Va enghena ka tona kasi kulwa ni maKaldea, kanilezi ti ta tala ni zirumbi za vanhu lava nzi va dayako a zangeni ya mina, ni xiviti xa mina, lava nzi fihleleko muti lowu a nghohe ya mina hi kota ya kubiha kabye.

Jeremia 44:12

Nzi ta khoma a misalela ya ka Juda,, lava va phikelelako a kuya tikweni ga Gipite va ya luvela; va ta lova vontlhe va dawa le tikweni ga Gipite. Va ta lobyiswa hi supado ni ndlala, a vatsongwani ni vahombe va tafa hi supado ni ndlala. Va tava xiruko ni xirewukiso, vava nzhukano va xanziwa.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 44:6

Hikwalaho a khulo ga mina ni zanga ya mina zi lo chululeka zi vura lomu mitini ya ka Juda ni lomu maruweni ya Jerusalema; inyamutlha lezi zi hahlulwe zi maha marumbi.

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Jeremia 6:11

Hikwalaho nzi tele hi zanga ya Jehova, Nzi karele hi ku ti khoma. Yi chulule hehla ka vanana lomu maruweni, Ni hehla ka tihlengeletano ta majaha, A nuna ni sati va ta khonwa zinwe, A zikhosana ni loyi a teleko hi masiku.

Jeremia 7:20

Hikwalaho Hosi Jehova i ngalo: Nzi ta chulula a zanga ya mina ni khulo ga mina wutshanwini legi, a hehla ka vanhu ni hehla ka zihari, ni hehla ka tisinya ta khwati ni mihanzu ya misava; zi ta vura zi nga kotekiku timiwa.

Mikosi 2:4

I kondlile a wura gakwe kukotisa a nala, a nawuluta canja gakwe ga xinene khwatsi hi nhenha, A lovisa zontlhe lezi zi nga tsakisa mahlo. Lomu tendeni ga nhanyana wa Zioni i chulule a zanga yakwe khwatsi i nzilo.

Mikosi 2:6

I hahlule a tabemakeli gakwe aku khwatsi gi wova simu; a fuvisa a wutshamu gakwe ga tihlengeletano. Jehova i mahile a va le Zioni va rivala a mitlhangano ya zimuse ni tisabado, Hi kota ya zanga yakwe a nyenya a tihosi ni vapristi.

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 20:34

Nzi ta mu humesa lomu vanhwini, nzi mu tsombanyisa hi le matikweni lawa mu hangalakileko ka wona hi canja ga ntamu, ni woko gi nawulutilweko, ni zanga yi chululweko.

Ezekieli 22:22

Mu ta nyekiswa xikari ka wona ku fanana ni siliva yi nyekiswako lomu nzhimbyeni; zonake mu ta zi tiva lezaku mina Jehova nzi chulule a zanga ya mina hehla ka nwina.

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Danieli 9:27

Yi ta maha xivumelwano xi tiyileko ni vanyingi ka viki ginwe. Hi khihlanya ga viki yi ta maha a miphahlelo ni minyikelo ya tinzhoho yi yima. A muhahluli i tata hehla ka tipapa ta manyalataniso ya mbalakasa, kala a tsayiselelo lowu wu yimisilweko wu chululiwa hehla ka muhahluli. Isa. 28:22; Mat. 24:15; Mar. 13:14

Hosea 7:16

Va tlhela, kanilezi na ku nga hi kuya ka Loyi a nga Hehla-hehla. Va fanana ni wura gi khohlisako. A tihosana tabye ti ta dawa hi supado hi kota ya tinzhukano ta tirimi tabye. Va ta hlekulwa ha zona tikweni ga Gipite. Kol. 3:1

Nahume 1:6

Himani a nga yimelako a zanga yakwe? Himani a nga tiyelako a kuhisa ka zanga yakwe? A khulo gakwe gi halaka khwatsi i nzilo, a maribye ma panzeka mahlweni kakwe.

Zakaria 8:13

Khwatsi hilezi mu nga hi xiruko xikari ka matiko, nwina yindlu ya ka Juda ni ya ka Israeli, lezo nzi ta mu hanyisa, muva xikatekiso. Mu nga chavi, kanilezi tiyani hlana.

Mitsengo 5:27

Makunu loku a mu nwisile mati lawo, loku yena a ti nyenyezisile, ni loku yena a gohele a nuna wakwe, a mati lawo ma vangako nzhukano ma ta enghena lomu, nzeni kakwe ma mu vangela mhango; ni rumbu gakwe gi ta vimba, a mahangaswa yakwe ma ta wuna, ni wasati i tava nzhukano lomu tikweni gabye.

Kuvululelwa 14:10

yenawu i tanwa a vinya ga zanga ya Nungungulu, legi gi chelilweko gombeni ga zanga yakwe gi nga luhlanywangiko; i ta xaniswa hi nzilo ni solufa mahlweni ka tingelosi to basa ni mahlweni ka Yivana. Tis. 75:8; Isa. 51:17; Jer. 25:15; Zip. 16:19; 18:6; 19:20; 20:10