Jeremia 42:10 - Tshwa Bible

¹⁰ Loku mu nonohisa mu tshama tikweni legi nzi ta mu akisa nzi nga mu wisi hasi; nzi ta mu byala nzi nga mu tsuwuli; hakuva nza xaniseka hi kubiha loku nzi mu maheleko kona.

Jeremia 42:10 Mawu Ofanana

2 Samueli 24:16

Makunu laha a ngelosi yi nga tlakusile a canja ga yona hehla ka Jerusalema a kuva yi gi lovisa, Jehova i lo tlhela kubiheni loko, aku ka ngelosi leyi yi lovisako vanhu: Basi, ku enele! Humuta a canja ga wena makunu! A ngelosi ya Jehova yi wa hi laha kusuhani ni nzhimbo wa Arauna a mujebusi. Ekso. 12:23

Tisimu 102:16

Laha Jehova a ta nga vuxa Zioni, A woneka kungangameleni kakwe.

Tisimu 106:45

A alakanya a xivumelwano xakwe hi kota ya vona, A va zwela hi wuxinji gakwe ga hombe. Deut. 30:1

Tisimu 37:3

Tsumba Jehova, u maha kusaseka; Lezo u ta aka tikweni, u tsumbeka.

Tisimu 69:35

Hakuva Nungungulu i ta ponisa Zioni, I ta akisa a miti ya ka Juda; Kasi va tshama lomo va fumela tiko.

Eksodusi 32:14

Zonake Jehova i lo tsika kubiha loko a nga wa alakanyile ku ku maha ka vanhu vakwe.

Jeremia 24:6

Nzi ta va langutela hi ku xalala, nzi ta tlhela nzi va wuyisa ka legi tiko. Nzi ta va akisa, nzi nga va wisi hasi; nzi ta va byala, nzi nga va tsuwuli.

Jeremia 26:19

Xana Hezekia hosi ya ka Juda, ni gontlhe tiko ga Juda, va mu dele ke? Xana a nga chavangi Jehova, a kombela thomo ga yena, kasi Jehova a hunzuluka a ka khombo lego a nga wa wulile ha vona? Kanilezi hina hi mahela a mihefemulo ya hina a kubiha ka hombe.

Jeremia 27:11

Kanilezi a tiko legi gi to vumela a muyoka wa hosi ya Babuloni, gi yi tirela, nzi ta gi tsika tikweni ga gona, ku wula Jehova, va ta gi rima ni ku ti akela lomo.

Jeremia 31:28

Khwatsi hi lezi nzi nga va rinzela kasi ku va tsuwula, ni ku ya pswhandlasa, ni ku va wisa, ni ku va hahlula, ni ku va xanisa; lezo nzi ta va languta loku va aka ni ku byala, ku wula Jehova.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Jeremia 43:4

Zinghaho Johannani nʼwana Karea ni tinduna tontlhe ta mabutho ni vanhu vontlhe a va ingisangi a gezu ga Jehova, gaku a va tshame tikweni ga ka Juda.

Ezekieli 36:36

Zonake a matiko lawa ma seleko kusuhani na nwina ma ta zi tiva lezaku hi mina Jehova nzi vuxileko a matshamu ma khungumulweko, nzi byala lezi zi nga hi xiwula; mina Jehova nzi zi wulile, nzi ta zi maha.

Hosea 11:8

Nzi nga ku tsikisa kuyini, wena Efraime? Nzi nga ku nyikelisa kuyini, wena Israeli? Nzi nga ku mahisa kuyini a ku ku fananisa na Adma, ni ku maha u fanana na Zeboime? A mbilu ya mina yi hunzulukile nzeni ka mina, a kuhawukela ka mina ku vukile.

Joeli 2:13

Hanzulani a timbilu ta nwina, na ku nga hi tinguwo ta nwina, mu wuya ka Jehova a Nungungulu wa nwina. Hakuva yena i na ni tipswalo ni kuhawukela, wa nonoka ku zangara na a tele hi wuxinji, wa xaniseka loku a rumele makhombo. Ekso. 34:6; Neh. 9:17

Amosi 7:3

Jehova i lo zi tsika. Zi nga ta maheka, ku wula Jehova.

Amosi 7:6

Jehova i lo zi tsika. Ni lezi zi nga ta maheka, ku wula Hosi Jehova.

Jona 3:10

Laha Nungungulu a nga wona hi mitiro yabye, lezaku va hunzulukile ndleleni yabye ya kubiha, i lo hunzuluka a tlhelisa a khombo legi a nga wulile lezaku i ta va fumela gona, a nga ha gi wiseli hehla kabye. Gen. 6:8; Ekso. 32:14

Jona 3:4

Jona i lo enghena mutini a famba pfhuka wa siku ginwe, a kanela, aku: Ka ha sele 40 wa masiku, zonake Niniva i ta hahlulwa.

Jona 4:2

I lo kombela ka Jehova, aku: Jehova, a hi zalezi nzi nga zi alakanya na nza hi tikweni ga mina ke? Hi lexi xi nga nzi maha nzi tsutsumela Tarxixi; hakuva nzi lo zi tiva lezaku wena u Nungungulu wa tipswalo, u teleko hi wuxinji, wa nonoka ku zangara, u tele hi kuhawukela, u hunzuluka u tsika tsayiselelo. Ekso. 34:6; 1 Sam. 15:29; Neb. 9:17

Mitiro 15:16

Anzhako ka lezo nzi ta wuya, Nzi ta vuxeta a tabernakele ga Davida legi gi wileko; Nzi ta vuxeta a marumbi ya gona, Nzi gi yimisa. Isa. 54:1-5; Am. 9:11

Deuteronome 32:36

Hakuva Jehova i ta yimela vanhu vakwe, Ni kambe i ta hawukela malanza yakwe, Laha a ta nga wona lezaku a ntamu wabye wu mbhelile. Ni lezaku ku nga ta sala ni munwe wa vona. 1 Tih. 14:10; 2 Tih. 14:26

Valamuli 2:18

Loku Jehova a va vuxele valamuli, i wa tshama ni mulamuli munwe ni munwani a va hlanguta valaleni vabye masikwini ya mulamuli loye, hakuva Jehova i wa va zwela wusiwana zirilweni zabye, lezi va nga wa tshekulela hi vaxanisi vabye.