Jeremia 41:1 - Tshwa Bible

¹ Makunu hi hweti ya wuntlhanu ni timbiri, Ixmaeli a nʼwana Netania wa Elixama, wa yindlu ya wuhosi, a nga nduna ya hombe ya hosi, i lota ka Gedalia a nʼwana Ahikamu le Mizpa na hi ni khume ga vavanuna, va ta tshama kugeni vontlhe kwale Mizpa. 2 Tih. 25:25

Jeremia 41:1 Mawu Ofanana

2 Samueli 3:27

Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.

2 Tihosi 11:1

Laha Atalia, a nyine wa Ahazia, a wona lezaku a nʼwana wakwe i file, i lo suka a hihirita vontlhe va yindlu ya wuhosi.

2 Tihosi 25:22

Kanilezi a vanhu lava Nebukadnezare hosi ya le Babuloni a nga va siyile lomu tikweni ga ka Juda, i lo yimisa Gedalia nʼwana Ahikamu wa Xafani a kuva hosi yabye. Jer. 40:5

2 Tihosi 25:25

Kanilezi hi hweti ya wu 7 Ixmaeli nʼwana Natania wa Elixama, wa lixaka la wuhosi i lota zinwe ni 10 wa vavanuna va ta daya Gedalia, afa zinwe ni vaJuda, ni maKaldea, lava a nga wa hi navo le Mizpa. Jer. 41:1

2 Kronekele 22:10

Makunu laha Atalia, a nyine wa Ahazia, a nga wona lezaku a nʼwana wakwe i file, i lo suka a lovisa wontihe a pswalo wa wuhosi ga tihosi ta ka Juda.

Tisimu 109:5

Va nzi tlhelisela kusasa hi kubiha, Va tlhelisela liranzo hi livengo.

Tisimu 41:9

Ina, ni munghana wa mina, loyi nzi nga mu tsumba, Loye a ngaga zakuga za mina, i nzi tlakusele xirenze. Mat. 26:14; Lu. 22:4; Miti. 1:16

Mavingu 13:10

A matshanza ma vanga kuhambana; anilezi lava va vumelako ku hiwa wusungukati va na ni wutlhari.

Mavingu 27:4

A khulo gi bihile, ni zanga hi ntalo wa mati, imani a nga zi kotako ku yima mahlweni ka xiluse ke?

Jeremia 36:12

i lo relela aya ndlwini ya hosi, lomu hubyeni ya mutsali. Ku wa tshami le kona a tihosana tontlhe: hi Elixama mutsali, na Delaya nʼwana Xemaia, na Elnatani nʼwana Akbora, na Gemaria nʼwana Xafani, na Zedekia nʼwana Hanania, ni tihosana tontlhe.

Jeremia 36:20

Va lo veka a bhuku lomu ndlwini ya Elixama, a mutsali; zonake va loya hubyeni ya hosi, va ya byela hosi tontlhe leti timhaka.

Jeremia 39:14

ya lo rumisa a ku ya humesa Jeremia a hubyeni ya vanyakasani, va mu hendleleta a mandleni ya Gedalia nʼwana Ahikamu, nʼwana Xafani, lezaku aya naye kaya; lezo i lo tshama xikari ka vanhu.

Jeremia 40:13

Johannani a nʼwana Karea, ni tinduna tontlhe ta mabutho lawa ma nga hi lomu mikoveni, va lota ka Gedalia le Mizpa, va taku kakwe:

Jeremia 40:5

Kute na a ha hlwela ku famba, aku kakwe; Tlhelela ka Gedalia, nʼwana. Ahikamu nʼwana Xafani, loye hosi ya Babuloni yi mu mahileko a mufumeli hehla ka miti ya ka Juda, u tshama naye xikari ka vanhu; hambu a ku ti yela ni gihi tlhelo u gi ranzako. Zonake a nduna ya vanyakasani yi lo mu nyika timbuva ni xinyikiwo, yi mu tsika a famba.

Jeremia 40:6

Zonake Jeremia i lo famba ka Gedalia nʼwana Ahikamu le Mizpa, a tshama naye a xikari ka vanhu lava va seleko lomu tikweni.

Jeremia 40:7

A tinduna ta tiyimpi leti ti nga nkoveni zinwe ni vanhu va tona, loku va zwile lezaku a hosi ya le Babuloni yi vekile Gedalia nʼwana Ahikamu, akuva mufumeli lomu tikweni, ni lezaku i vekile; mandleni yakwe a vavanuna ni vavasati ni vanana ni zisiwana za lomu tikweni, lava va nga yisiwangiko kukhonweni le Babuloni,

Jeremia 40:8

zonake va lota ka Gedalia le Mizpa. Ku wa hi Ixmaeli nʼwana Netania, na Johannani na Jonatani a vana va Karea, na Seraia nʼwana Tanhumete, ni vana va Efai a muNetofate, na Jezania a nʼwana wa muMaakate, zinwe ni vanhu vabye.

Ezekieli 17:13

Yi lo teka nʼwana munwe wa yindlu ya hosi, yi maha naye a xivumelwano, yi mu fungisa, zonake a teka a vahombe va tiko, 2 Tih. 24:17; 2 Kro. 36:10

Johani 13:18

A nzi wulawuli ha nwina nwentlhe; nza tiva lava nzi va hlawulileko; aku kasi wu fela ku tatiseka a mutsalo lowu wu nge ngalo: Loyi a gako zibaba za mina, i nzi tlakusele xirenze. Tis. 41:9; Mat. 26:23