Jeremia 4:7 - Tshwa Bible

⁷ A nghala yi humele xihlahleni xa yona, ni muhahluli wa matiko I sukile wutshanwini gakwe kasi ku hangalasa a tiko ga wena, A hahlula miti ya wena, lezaku ku nga ha ala munhu ka yona.

Jeremia 4:7 Mawu Ofanana

2 Tihosi 24:1

Masikwini yakwe Nebukadnezzare a hosi ya le Babuloni i lo hloma yimpi, Jehoiakimu a maha nanza gakwe malembe manharu; zonake i lo mu hluwuka.

2 Tihosi 25:1

Hi lembe ga wu 9 ga kufuma kaZedekia, hi hweti ya wu 10, hi siku ga 10, i lota Nebukadnezare a hosi ya le Babuloni zinwe ni yimpi yakwe yontlhe a ku ta hlasela Jerusalema. Va lo ta wu govela, va aka a tigingisi va wu ranzela. Jer. 39:1; 52:4

Isaya 1:7

A tiko ga nwina gi hahlukile, a miti ya nwina yi hisilwe hi nzilo; a misava ya nwina yi giwa hi vamatiko a kuwoneni ka nwina; yi mahile xiwula khwatsi hi loku yi phangilwe hi valala.

Isaya 5:9

Jehova wa tiyimpi i wulile tindleveni ta mina, aku: Hizinene, a tiyindlu tinyingi ti ta hahluka, A tiyindlu to saseka ni ta hombe ti ta vumala vanhu.

Isaya 6:11

Zonake mina nziku: Kala rini Hosi? Yena i lo hlamula, aku: Kala a miti yi hahluka, yi nga have na vaaki, ni tiyindlu ti nga hi na munhu, ni tiko gontlhe giva rumbi,

Jeremia 2:15

A tinghalana ti wele hehla kakwe na ti tsewuza hi gezu ga tona, Ti hanzulela a tiko gakwe, a miti yakwe yi hisilwe ku nga tshami munhu kona.

Jeremia 22:6

Hakuva Jehova i wula xungetano hi leyi yindlu ya hosi ya ka Juda, aku: A ka mina u kotisa Gileadi ni hloko ya Lebanoni, Kanilezi nzi ta ku hunzula uva xiwula, A miti yi nga hiko na vanhu.

Jeremia 22:7

Nzi ta ku vitanela a valovisi, A munwe ni munwani i tava ni matlhari yakwe; Va ta tsema a tisedare ta wena to saseka, Va ti hoxa nzilweni.

Jeremia 25:38

Yena i humele kota nghala yi humako nghuleni ya yona. A tiko gabye gi mahile marumbi, Hi kota ya kutshisa ka supado ya Jehova, Ni kota ya kuhisa ka zanga yakwe.

Jeremia 25:9

nzi ta rumela nzi ya lava a tixaka tontlhe ta le Nwalungu, ku wula Jehova, ni ka Nebukadrezzare, a nanza ga mina a nga hosi ya Babuloni; nzi ta va tisa a kulwa ni tiko legi ni vaaki va gona, ni matiko wontihe ma gamekeneko; nzi ta va lovisela magumo, nzi ta va maha a xirewukiso, ni xiruko, ni marumbi ya kala kupinzuka.

Jeremia 26:9

Hikuyini wena u profetileko hi vito ga Jehova, uku: Leyi yindlu yi ta kota Xilo, lowu muti wu tava rumbi, ku nga hi na muaki ke? Ni vontlhe vanhu va lo tsombana ka Jeremia lomu ndlwini ya Jehova.

Jeremia 27:8

A tiko kutani mufumo lowu wu to kala ku khoza ka Nebukadnezzare, hosi ya Babuloni, va ta nga ala ku veka tinhamu tabye hasi ka muyoka wa hosi ya Babuloni, nzi taba a tiko lego hi supado, ni ndlala, ni ntungu, ku wula Jehova, kala nziku gi bhi hi woko gakwe.

Jeremia 33:10

Jehova i ngalo: A ka wutshamu legi nwina mu nge xiwula, gi nga hiko na munhu hambu xihari, ni le mitini ya Juda, ni lomu maruweni ya Jerusalema lawa ma gohetelweko lezaku ku nga hi na munhu kona, hambu ni muaki ge ni xihari,

Jeremia 34:22

Languta, nzi ta va leletela lezaku va wuyela ka lowu muti, ku wula Jehova, va talwa nawo, va wu khozisa, va wu hisa hi nzilo; ni miti ya ka Juda nzi ta yi maha xiwula, ku nga hi na muaki ka wona. 2 Tih. 25:9; Jer. 37:8

Jeremia 4:29

A muti wontihe wu tsutsuma wu chava Hi kota ya guwa ga vakhileli va mahaxi ni vamawura; Va fihlala lomu ka tikwara, na va kanziha hehla ka maribye. Yontlhe miti ya siyiwa, a ku na munhu kona.

Jeremia 44:2

Jehova wa tiyimpi a Nungungulu wa Israeli, i ngalo: Mu wonile a makhombo wontihe lawa nzi ma nehileko hehla ka Jerusalema ni miti yontlhe ya ka Juda. Hi nga wonani, inyamutlha yi mahile marumbi, a ka hi na munhu ka yona,

Jeremia 46:18

Nza hlambanya hi kuhanya ka mina, ku wula Hosi, Leyi yi tibyako Jehova wa tiyimpi, Hizinene wata, na a fanana ni Tabor xikari ka zitsunga, Aku khwatsi hi Karmeli hi laha bimbini.

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Jeremia 50:17

Israeli i yivu leyi yi lahlekileko, leyi yi hlongolisilweko hi tinghala. A ku ranga i lo giwa hi hosi ya le Assiria, ku gamela Nebukadrezzare a hosi ya le Babuloni i lo kutsa a marambu yakwe. 2 Tih. 17:5; 25:1

Jeremia 50:44

Languta, i tata kota nghala yi humako hi lomu xihlahleni xa Jordani, yiya wugelweni go nyuka. Nzi ta mu hlongola xikanwe; ni wihi loyi nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Jeremia 9:11

Nzi ta maha Jerusalema a tinhulu ta maribye, A wuakelo ga mahlolwa; A miti ya ka Juda nzi ta yi maha marumbi, ku nga hi na munhu. Tis. 79:1; Isa. 34:13

Ezekieli 12:20

A miti leyi yi nga ni vanhu yi ta hahlulwa, ni tiko gi ta maha xiwula; zonake mu ta zi tiva lezaku hi mina Jehova.

Ezekieli 21:31

Nzi ta chulula a zanga ya mina hehla ka wena, nzi ta ku pupuxela hi nzilo wa khulo ga mina, nzi ku nyikela mandleni ya vanhu va tihanyi, lava va tlharihileko kuloviseni.

Ezekieli 32:2

Nʼwana wa munhu, bana nkosi, u bela Faro a hosi ya le Gipite, uku kakwe: Wena u fanana ni role ga nghala ya matiko, Na kasi u wa fanana ni drako ga lomu bimbini, U hlambela micongweni ya wena, U vindlusa a mati hi milenge ya wena, U nyenyezisa a micongo ya wona.

Danieli 5:19

Hi kota ya wukulu legi a nga mu nyika gona, a va matiko wontihe ni tixaka ni tirimi va lo chava va rurumela mahlweni kakwe. I wa daya ni wihi a ranzako ku mu daya, a hanyisa ni wihi a ranzako ku mu hanyisa, a tlakusa ni wihi a ranzako ku mu tlakusa, ni ku tsongahata ni wihi a ranzako ku mu tsongahata.

Danieli 7:4

A xo ranga xi wa fanana ni nghala, na xi hi ni tipapa ta gama. Nzi lo xi cuwuka kala a tipapa ta xona ti tsuwuliwa, xi tlakuswa misaveni, xi yitniswa hi milenge ya xona kukotisa munhu, xi nyikiwa a mbilu ya munhu.

Levi 26:31

Nzi ta hahlula a miti ya nwina, yi maha marumbi; nzi ta hangalasa matshamu ya nwina yo basa; cima nzi nga ta ha nuhetela a masema ya minyikelo ya nwina. Isa. 1:13

Levi 26:33

Na nwina nzi ta mu hangalasa lomu matikweni, nzi mu hlongorisa hi matlhari, a tiko ga nwina gi sala gi maha xiwula, ni miti ya nwina yi maha marumbi.