Jeremia 4:4 - Tshwa Bible

⁴ Mahani zitshiva ka Jehova, Mu susa a dewu ga timbilu ta nwina, Nwina vavanuna va ka Juda ni vaaki va Jerusalema, Kasi a zanga ya mina yi nga ta vutsuka kota nzilo, Wu vura lezaku wu nga timiwi, Hi kota ya kubiha ka mitiro ya nwina. Deut. 10:16; Rom. 2:28; Kol. 2:11

Jeremia 4:4 Mawu Ofanana

2 Kronekele 34:25

Hakuva vona va nzi tsikile, va ya hisela vanwani vanungungulu a tibani, va nzi zangarisa hi mitiro yontlhe ya mandla yabye; hikwalaho a zanga ya mina ya vurela legi wutshamu; cima yi nga ta timeka.

Isaya 10:17

A kuwonekela ka Israeli ku ta hunzuka ku maha nzilo, Ni Wa ku Basa wakwe i ta maha langavi, Gi ta vura gi hisa a mizwa ni zigetlwani zakwe hi siku ginwe.

Isaya 30:33

Hakuva Tofeti kale na gi longisilwe, Ina, gi longiselwe hosi; I khele ga hombe go eta, Gi tele hi nzilo ni tihunyi to tala; Na gi dzivelwa hi kuhefemula ka Jehova ku fananako ni congo wa solufa. 2 Tih. 23:10; Jer. 7:31; Kuv. 19:20

Isaya 51:17

Vuka, vuka, suka u yima Jerusalema! Loyi u nwileko canjeni ga Jehova a gombe ga zanga yakwe, U nwile a gombe legi gi popisako, u gi heta. Jer. 25:15; Kuv. 14:10; 16:19

Jeremia 15:14

Nzi ta ku maha u tirela valala va wena tikweni legi u nga gi tiviko; hakuva a nzilo wa zanga ya mina wu dzivelwe, lowu wu ta nga mu hisa. Deut. 32:22

Jeremia 21:12

Nwina yindlu ya ka Davida, Jehova i ngalo: Lamulani hi kululama na ga hi mixo; mu ponisa loyi a phangiwako mandleni ya loyi a mu tsimbeketako; kasi a zanga ya mina yi nga vuri kota nzilo, yi hisa lezaku ku vumaleka ni mutimeli, zi maha lezo hi kota ya kubiha ka zimaho za nwina.

Jeremia 21:5

Mina wutsumbu nzi talwa na nwina hi canja gi tlakusilweko, hi woko ga ntamu, ni zanga, ni khulo ni xiviti xa hombe. Deut. 29:28

Jeremia 23:19

Langutani, a xipupuri xa Jehova, xi nga xiviti xakwe, xi vindlukile hi ntamu, xi fana ni xingulu; xi ta wela hehla ka tihloko ta vabihileko.

Jeremia 36:7

Kutani va ta khongela mahlweni ka Jehova, va hunzuluka munwe ni munwani mahanyeleni yabye yo biha. Hakuva a khulo ga Jehova ga hombe ni xiviti lexi a sinako a xi wulile hi lava vanhu.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 9:25

Languta, a masiku mata, ku wula Jehova, laha nzi ta nga tsayisa lava va nga zitshiva, na va hi makhuna timbilwini tabye:

Jeremia 9:26

Gipite, na Juda, na Edome ni vana va Amoni, na Moabi, ni vontlhe ya akileko xiwuleni va nga ni misisi yi kayilweko mareveni. Wontihe matiko ma hi makhuna, ni yindlu yontlhe ya ka Israeli i khuna mbilwini. Levi 19:27; Miti. 7:51; Rom. 2:28

Mikosi 4:11

Jehova i mbhetisile a khulo gakwe, i chulule a zanga yakwe yo tshisa; I dzivele a nzilo le Zioni, lowu wu hisileko a ziseketelo za gona.

Ezekieli 16:38

Nzi ta ku lamula ku fanana ni lezi va lamulisiwako zona a vavasati lava va tshovako wukati ni lava va halatako a nkhata; nzi ta halata a nkhata wa wena hi zanga ni xiluse. Gen. 9:6; Mitse. 35:31; Joba 8:5

Ezekieli 18:31

Cukumetani a zihambunyeto zontlhe za nwina lezi mu zi mahileko, mu ti kumela a mbilu yiswa ni moya muswa. Mu ta lova hikuyini, nwina va yindlu ya ka Israeli?

Ezekieli 20:33

Nza hlambanya hi kuhanya ka mina, ku wula Hosi Jehova: nzi ta mu fumela hi canja ga ntamu, ni woko gi nawulutilweko, ni zanga yi chululweko.

Ezekieli 21:17

Minawu nzi taba a mandla ya mina, nzi rengisa a khulo ga mina. Mina Jehova nzi zi wulile.

Ezekieli 24:13

Kota lezi a chaka ga wena gi bihileko nguvu, ni kota lezi nzi nga ku hlaza kanilezi a ku basangi, hikwalaho a chaka ga wena gi nga ta hlaziwa kambe kala loku nzi rengisile a zanga ya mina hehla ka wena.

Ezekieli 24:8

kasi ku vuxa a zanga yi to phota ha wona, nzi chulule a nkhata lowu a wu halatileko hehla ka ribye ga likwembu, kasi wu fela ku kala wu nga seletelwi. Levi 17:13; Deut. 12:16, 24

Ezekieli 44:7

hakuva mu enghenisile a vamatiko, va nga makhuna timbilwini ni nyameni, a kuva ndlwini ya mina ya kubasa, va yi nyenyezisa laha mu nyikelako a mafura ni nkhata zi nga kuga ka mina; mu tshovile a xivumelwano xa mina hi manyalataniso ya kunghahi. Mitse. 18:4; Jox. 9:27; Ezra 8:20

Ezekieli 6:12

Loyi a nga le kule i ta dawa hi ntungu; loyi a nga kusuhani i tafa hi supado; loyi a ta nga sala a vimbezelwa, i ta dawa hi ndlala. A zanga ya mina yi ta tatisekisa lezo hehla kabye.

Ezekieli 8:18

Hikwalaho minawu nzi ta va holovela. A tihlo ga mina gi nga ta va nyenyeletela, ge nzi nga ta va zwela wusiwana. Hambu loku va rila tindleveni ta mina hi gezu ga hombe, nzi nga ta va ingisa. Mav. 1:28; Jer. 11:11

Levi 26:28

zonake nzi ta mu vukela hi zanga, nzi mu tsayisa kambe ntlhanu wa makhati ni mambiri hi kota ya zionho za nwina.

Levi 26:41

kota lezi minawu nzi hambene navo, nzi va yisa matikweni ya valala vabye; loku a timbilu tabye leti ti nga hiko minkwera ti ti solisa, ni loku va amukela zitsayiso za kuonha kabye,

Amosi 5:6

Hlotani Jehova, mu ta hanya; kasi a nga weli a yindlu ya Josefa khwatsi i nzilo, na a nga hi kona le Beteli loyi a nga wu timako.

Zefania 2:2

hi mahlweni a nyiwo na yi nga se ku tatiseka, hakuva a siku lego gata khwatsi i mungu lowu wu kukuletwako, hi mahlweni a zanga ya Jehova yi nga se ngata ka nwina, hi mahlweni a siku ga zanga ya Jehova na gi nga se ngata ka nwina.

Va le Roma 2:25

Hakunene a wukwera ga vuna loku u hlayisa nayo; kanilezi loku u hi muhambunyeti wa nayo, a wutshiva ga wena gi mahile wukhuna. Gal. 5:3

Deuteronome 10:16

Enghenisani wukwera a timbilu ta nwina, mu nga nonohisi tinhamu ta nwina;

Deuteronome 30:6

Na Jehova Nungungulu wa wena i ta enghenisa wukwera a mbilu ya wena, ni timbilu ta zizukulwana za wena, kasi wena wa fela ku ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, kasi wa fela ku hanya. Jer. 4:4; Ezek. 11:19; Rom. 2:29; Fil. 3:3

Deuteronome 32:22

Hakuva a nzilo wa zanga ya mina wu vurisilwe, Wu vura kala le wutshanwini ga lava va fileko, Wu hisa misava zinwe ni mihanzu ya yona, Wu hisa ziseketelo za zitsunga.

Va le Kolosi 2:11

Ka yena mu enghenisilwe wukwera hi wukwera legi gi nga mahiwangiko hi mandla, kanilezi a wukwera ga Kristu, legi gi mahiwako hi ku tlhatlha a miri wa nyama, Deut. 10:16; Rom. 6:6