Jeremia 4:28 - Tshwa Bible

²⁸ Hi kota ya lezo a misava yi tava ni nkosi, Ni matilo ya le hehla ma ta boha xilenda; Hakuva mina nzi zi wulile, nzi sina nzi xuvile lezo; Nzi nga ta hunzuluka, hambu ku tlhelela nzhako.

Jeremia 4:28 Mawu Ofanana

Isaya 24:4

A misava yi le nkosini, ya lova; A misava yi tsanwile, yi na ni gome; A vahombe va misava va vumala ntamu.

Isaya 34:4

A xidlemo xontlhe xa le tilweni xi ta nyunguluka, Ni matilo ma ta songiwa kukotisa a papilo, A zidlemo zontlhe za wona zi tawa khwatsi ku tlhatlheka ka matluka ya vina, Kukotisa matluka ma wunileko ya nkuwu.

Isaya 5:30

A ka siku lego va ta dzuma hehla ka vanhu khwatsi hi kugobhoza ka bimbi, Ni loyi a langutelako misaveni, i ta wona munyama ni hlomulo, A tilo gi pfupeliswa hi munyama.

Isaya 50:3

Nzi ambexa matilo hi munyama, Nzi ma fenengeta hi nguwo ya xilenda. Ekso. 10:22; Mat. 24:29; Kuv. 6:12

Jeremia 12:11

Va gi onhile, Ga rila ka mina hakuva gi mahisilwe rumbi; A tiko gontlhe gi mahile rumbi, Hakuva a ku na munhu a gi chelelako kota.

Jeremia 12:4

Xana kala rini a tiko na gi keta. A khubyanyi na gi woma mikoveni. Hi kota ya kubiha ka lava va akileko lomo ke? A zihari ni zinyanyani za lova, Hakuva ve ngalo: A nga ta wona kugumelwa ka hina.

Jeremia 14:2

Juda wa rila, a miti yakwe yi mbhelile ntamu, Va tshama hasi na va ambele zilenda; A huwa ya zwala hi le Jerusalema.

Jeremia 23:10

Hakuva a tiko gi tele hi zibhayi, Ga rila hi kota ya nzhukano; A wuriselo ga xiwula gi swile; A mafambela yabye ma bihile, Leʼzo biha hi ntamu wabye.

Jeremia 23:20

A zanga ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa khwatsi.

Jeremia 30:24

A zanga yo tshisa ya Jehova yi nga ta bohla na a nga se ku tatisa a mixuvo ya mbilu yakwe; a masikwini ma ha tako mu ta zi pimisisa.

Jeremia 51:12

Yimiselani a makhurisi ya Babuloni a bandera, tiyisani varinzeli, mu veka varinzeli ni ku longisa a zijumani; hakuva Jehova i mahile xikungo, a tira lezi a nga zi wula hi vaaki va le Babuloni.

Jeremia 7:16

Hikwalaho u nga va kombeleli lava vanhu, u nga dzuki u tlakusa gezu ha vona hi mikombelo, u nga nzi kombeli nchumu, hakuva nzi nga ta ku ingisa.

Mikosi 2:17

Jehova i mahile lezi a zi xuvileko, I tatisile a mhaka yakwe leyi a nga yi leletela kaleloko; I khungumule, na a nga hi na kutsetsa; I tsakisile lava va ku vengako; a tlakusa a limhonzo la valala ya wena. Levi 26:14; Deut. 28:15

Ezekieli 24:14

Mina Jehova nzi wulile; zi ta tatiseka, mina nzi ta zi maha. Nzi nga ta tlhelela nzhako, ge hambu ku nyenyeletela, kutani ku hunzuluka. U ta lamulwa kukotisa a mahanyela ya wena ni zimaho za wena, ku wula Hosi Jehova.

Hosea 13:14

Nzi ta va tirula ntanwini wa Xeoli, nzi va tlhatlhisa kufeni. Kufa, yi kwihi mitungu ya wena ke? Xeole, ku kwihi kulovisa ka wena ke? A nzi na kuhunzuluka kupimeni ka mina.

Hosea 4:3

Hikwalaho a tiko ga rila, ni vontlhe va akileko ka gona va hlokiswa zinwe ni zihari za khwati ni tinyanyani ta tilo; ni zona zidluwani za bimbi za lova. Jer. 12:4; Zef. 1:3

Joeli 1:10

A masimu ma gohilwe, a tiko gontlhe gi le nkosini, hakuva a mavele ma gohekile, a vinya giswa gi pswhile, ni mafura ma womile.

Zakaria 8:14

Hakuva Jehova wa tiyimpi i ngalo: Khwatsi hilezi nzi nga xuva ku mu mahela kubiha laha a vadadani va nwina va nga vindlusa a zanga ya mina, nzi nga va tsetsi, ku wula Jehova wa tiyimpi,

Mitsengo 23:19

Nungungulu a hi munhu a hembako, Ge a hi nʼwana wa munhu a hunzulukako. Kasi hi yena wo wula a wuya a nga mahi ke? Xana ngwo wula a wuya a nga mbhelelisa ke? 1 Sam. 15:29; Tit. 1:2

Mateu 27:45

A kusukela hora ya wuntlhanu ni yinwe ku wa hi ni munyama misaveniyontlhe ku kala a hora ya wuntlhanu ni mune. Am. 8:9; Lu. 23:44

Marku 15:33

Hi xikhati xa wuntlhanu ni xinwe ku wa hi kona munyama tikweni gontlhe, ku kala xikhati xa wuntlhanu ni mune.

Luka 23:44

Hi xikhati xa wuntlhanu ni xinwe ku lota munyama tikweni gontlhe, wuva kona kala a xikhati xa wuntlhanu ni mune, Mat. 27:45; Mar. 15:33

Va le Efesusi 1:11

Ka Kristu hi nyikilwe a tshomba ya hina, hina lava hi yimiselweko yona hi kale, kota a kuxuva ka yena loyi a tirako zilo zontlhe hi khungo ga kuranza kakwe; Isa. 46:10; Rom. 8:17

Va le Efesusi 1:9

I lo hi tivisa a mifihlakalo ya kuranza kakwe kukotisa a kuxuva kakwe loku a ku xuvileko, Kol. 1:26; 2 Tim. 1:9

Maheberu 7:21

Hakunene a vanwani va enghenisilwe xikhundleni xa wupristi a handle ka kuhlambanya, kanilezi yena i lo engheniswa hi kuhlambanya hi loyi a ngaku ngalo kakwe: A Hosi yi hlambanyile, yi nga ha ta hunzuluka, yite: Wena u mupristi kala kupinzuka. Tis. 110:4

Kuvululelwa 6:12

Nzi lo wona laha yi nga namula a xifungo xa wuntlhanu ni xinwe, ku wa hi kona a kutsekatseka ka hombe ka misava; a gambo gi lo hunzuka gi maha ntima khwatsi hi nguwo ya xirilo, a hweti yontlhe yi lo maha ku khwatsi i nkhata. Joeli 2:31; Mat. 24:29

1 Samueli 15:29

Loyi a nga Ntamu wa va ka Israeli a nga hembi hambu ku hunzuluka, hakuva yena a hi munhu waku i ta hunzuluka.