Jeremia 4:22 - Tshwa Bible

²² Ihakuva a vanhu va mina va hungukile, a va nzi tivi; Mbana va zipumbu, na va nga hi na kupima. Vona va tlharihile a ku maha kubiha, Kanilezi a va zi tivi ku maha zinene. Rom. 16:19

Jeremia 4:22 Mawu Ofanana

Genesisi 39:16

Yena i lo hlayisa a nguwo ya Josefa a kala a Wuya a nuna wakwe.

2 Samueli 13:3

Kanilezi Amnoni i wa hi ni munghana loyi a vito a nga hi Jonadaba, a nʼwana wa Ximei a nakulobye wa Davida; Jonadaba i wa hi mbyhori ya hombe nguvu.

Tisimu 36:3

A timhaka ta nomu wakwe ti bihile ni ku khohlisa; I tsikile wutlhari ni ku maha kusasa.

Tisimu 36:4

I alakanyela lezi zi bihileko sangweni gakwe; I famba hi ndlela yi nga hiko nene; A nga swiriwi hi kubiha. Mav. 4:16; Mika 2:1

Tisimu 53:4

Vontlhe a vamahi va kubiha, a va na kutiva ke? Lava va gako vanhu va mina khwatsi hi loku vaga xibaba, Na va nga kombeli ka Nungungulu.

Tisimu 82:5

Kanilezi a va tivi nchumu, hambu ni ku pima, Va fambafamba munyameni; A ziseketelo zontlhe za misava za tsekatseka.

Mavingu 28:5

A vanhu va bihileko a va pimi lezi zi lulamileko; anilezi lava va hlotako Jehova va pima zilo zontlhe.

Isaya 1:3

A homu ya tiva a nwinyi wa yona, ni mbongola ya tiva a xigowolo xa nwinyi wa yona, kanilezi Israeli a nga tivi nchumu, a vanhu va mina a va pimi nchumu.

Isaya 27:11

Loku maravi ma womile, ma ta tshobyiwa, A vavasati va ta va dzivela nzilo ha wona; Hakuva i tiko gi nga tlharihangiko, Hikwalaho a muvangi wa gona a nga ta gi zwela wusiwana, Ni loyi a nga va wumba a nga ta va mahela tipswalo.

Jeremia 10:8

Vontlhe va hungukile ni kuva zipumbu, A gonzo ya zifananiso i tsanza ntsena.

Jeremia 13:23

Xana a maEtiopia a nga hunzula a hlonge yakwe ke, Hambu a yingwe a mavalavala ya yona ke? Loku zi hi tano na nwinawo mu nga zi kota ku maha zinene, Nwina lava mu toloveleko ku maha kubiha.

Jeremia 2:8

A vapristi a va wutisangi, vaku: I kwihi Jehova ke? Ni vakhomi va nayo a va nzi tivangi, A varangeli va lo nzi fularela, Ni vaprofeti ve profetile ha Baali, Va lanza lezi zi nga vuniko nchumu. 1 Sam. 2:12; 12:21

Jeremia 4:21

Nzi ta wona a nghapa kala rini, Ni kuzwa a gezu ga mpunzu ke?

Jeremia 5:21

Ingisani makunu, nwina vanhu va hungukileko, mu nga hiko ha kupima; mu nga ni mahlo ma nga woniko, na mu hi ni tindleve ti nga zwiko.

Jeremia 5:4

Zonake nzi wa alakanya ku ngalo: Hizinene, lava i vanhu va tsongwani, vona zipumbu, Hakuva a va yi tivi a ndlela ya Jehova Ni milayo ya Nungungulu wabye.

Jeremia 9:2

O mayiwako! loku nzi wa hi ni zumbo ga vafambi lomu xiwuleni, Zonake nzi wa ta ngha nzi tsikile a vanhu va mina, nzi suka xikari kabye, Hakuva vontlhe zibhayi, i hubye ya vakanganyisi. Tis. 55:6

Jeremia 9:3

Va kondla lirimi labye ku fanana ni wura kasi ku hemba mawunwa, Va na ni ntamu tikweni, kanilezi a va wu tirisi ku maha zinene, Hakuva vaya mahlweni hi kubiha ni kubiha, A va nzi tivi, ku wula Jehova.

Jeremia 9:5

Vona vontlhe va kanganyisana, A va wulawuli zinene; Va gonzisile a tirimi tabye ku hemba mawunwa, Va ti karata hi ku maha kubiha.

Ezekieli 16:30

Ku kulisile kuyini a kunavela ka mbilu ya wena, ku wula Hosi Jehova, lezi u mahako zontlhe lezi, wu nga ntiro wa xibhayi xo tshisa;

Hosea 4:1

Zwanani a mhaka ya Jehova, nwina vanana va ka Israeli, hakuva Jehova wa kecara a vaaki va tiko, hakuva lomu tikweni a ku na zinene, a ku na wuxinji, ge hambu ku tiva Nungungulu.

Hosea 4:6

A vanhu va mina va lova hi kota yo vumala wutivi. Hilezi u alako wutivi minawu nzi ta ku ala, kasi u nga have mupristi wa mina. Lezi u riveleko a nayo wa Nungungulu, minawu nzi ta rivala a vanana va wena.

Hosea 5:4

A va zi koti ku tlhelela ka Nungungulu wabye hi kota ya zimaho zabye; hakuva a moya wa wubhayi wu lomu nzeni kabye, Jehova a va mu tivi.

Amosi 3:10

A ku maha kululama a va zi tivi, ku wula Jehova, va hlengeletela ziluvelweni zabye a zilo lezi va zi phangileko hi kanu ni mubango.

Mika 2:1

I khombo ka vona lava va alakanyelako kubiha, va hlota xikungo xo biha masengweni yabye, va zi maha loku gi cile, hakuva zi le ntanwini wa mandla yabye.

Mika 7:3

A mandla yabye ma tlharihile ku maha zobiha. Hosana yi kombela, zinyikiwo, ni mulamuli i ranza ku xavelelwa; a wahombe i wulawula a, kumbilukela ka mbilu yakwe, lezo va hlengela ku tlavinyela timhaka.

Luka 16:8

Ni hosi ya yona yi lo dzunza a nekwa yo biha, hilezi yi mahile hi wutlhari. Hakuva a vana va misava leyi va tlharihile ka xizukulwana xabye a ku hunza a vana va kuwonekela. Joh. 12:36; Efe. 5:8; 1 Tes. 5:5

Johani 16:3

Va ta maha lezi, hakuva a va tivangi Dadani na mina. 1 Kor. 2:8; 1 Tim. 1:13

Va le Roma 1:22

Na va ti wula lezaku va tlharihile, va lo maha maphuphulu. Jer. 10:14

Va le Roma 1:28

Kota lezi va nga ala ku mu tiva Nungungulu, Nungungulu i lo va nyikela kupimeni ku solekako, va maha zilo lezi zi nga faneliko. Efe. 5:4

Va le Roma 16:19

Hakuva a kuingisa ka nwina ku la su gafe ka vanhu vontlhe. Hikwalaho nza tsaka ha nwina, kanilezi nza lava a kuva mu tlhariha zilweni zo saseka, muva lava va nga tlharihangiko ka lezo za kubiha. Mat. 10:16

Va le Roma 3:11

A nga kona loyi a zi pimako, A nga kona loyi a lavako Nungungulu.

1 Va le Korinte 14:20

Vamakabye mu nga mahi zihlangi kupimeni ka nwina, kanilezi mahani zihlangi ka zakubiha, mu maha madota kupimeni. Tis. 119:99; 131:2; Mat. 11:25; 18:3; 1 Ped. 2:2

Deuteronome 32:28

Hakuva vona i tiko gi nga hiko na makungo, Ku hava kupima ka vona.

Deuteronome 32:6

Kaxana mu ta tlhelisela ka Jehova hi za kunghahi ke? Nwina vanhu va zipumbu, mu nga hiko na wutlhari? Kasi a hi yena dadani wa wena, loyi a ku mahileko ke? Hi yena a ku wumbileko a ku yimisa.