Jeremia 4:19 - Tshwa Bible

¹⁹ Marambu ya mina, marumbu ya mina! Nzi ni kubayiseka mbilwini ya mina! A mbilu ya mina ya radlama-ra-dlama, A nzi zi koti ku miyela; Hakuva a muhefemulo wa mina wu zwile a xiwuta xa mpunzu, Ni tihuwa ta tiyimpi.

Jeremia 4:19 Mawu Ofanana

Genesisi 49:6

A mbilu ya mina ngha yi nga engheni makungweni yabye! Moya wa mina ngha wu nga tlhangani ni makungo yabye, Hakuva a zangeni yabye va dele vanhu; Ku ti xalaliseni kabye va tsemile misiha ta tikuzi.

2 Tihosi 4:19

I te ngalo ka raru wakwe: Hloko ya mina, hloko ya mina! Yena aku ka nanza gakwe: Mu tlakule u mu heleketa ka nyine wakwe.

2 Tihosi 8:11

A munhu wa Nungungulu a si mu cwalalala lomu nghoheni yakwe kala ave ni tingana. A munhu wa Nungungulu i lo rila.

Tisimu 103:1

Muhefemulo wanga, khesa Jehova, Ni zontlhe zi nga nzeni ka mina a zi khese a vito gakwe go basa.

Tisimu 116:7

Tlhelela kuhumuleni ka wena, muhefemulo wanga, Hakuva Nungungulu i ku katekisile.

Tisimu 119:136

A mahlo ya mina ma khulunga a micongo ya mati, Hakuva a va hlayisi nayo wa wena.

Tisimu 119:53

Nzi zangara hi kota ya vakubiha, Loku nzi va wona va tsika nayo wa wena.

Tisimu 146:1

Dumisani Jehova! Muhefemulo wa mina, dumisa Jehova.

Tisimu 16:2

Nzi ngalo ka Jehova: Hi wena Hosi ya mina, A nzi na kusasa handle ka wena!

Isaya 15:5

A mbilu ya mina yi rilela Moabi; Kota lezi va tsutsumako va chikela Zoare, ni Eglat-xelixiya; Hakuva va tsutsumela xitsungeni xa Luhite na va kari va rila, Ni ndleleni ya le Horonaime vaba tihuwa ta kulobyiswa.

Isaya 16:11

Lomu nzeni ka mina ka kowutana kota xitende hi kota ya Moabi, Ni mbilu ya mina hi kota ya Kir-harese.

Isaya 21:3

Hikwalaho a xiwunu xa mina xa bayisa; A kubayiseka ku nzi khomile khwatsi hi kubayiseka ka wasati a lunwako. Nza xaniseka laha kaku a nzi zi koti ku ingisa, Ni ku dzukiswa laha kaku a nzi zi koti ku wona.

Isaya 21:4

A mbilu ya mina ya gavatana, nzi rurumela hi kuchava; A wusiku legi nzi nga gi navela, gi hunzukile gi tshisa.

Isaya 22:4

Hikwalaho nzi nge ngalo: Mu nga nzi cuwuki, kasi nza tsikwila, Mu nga ti karati mu nzi chavelela hi kota ya kulobyiswa ka nhwana wa tiko ga mina.

Jeremia 13:17

Kanilezi loku mu nga zi ingisi, Nzi ta rila zihundleni hi kota ya matshanza ya nwina, A mahlo ya mina ma ta rila nguvu, ma humesa mihloti, Hakuva a tlhambi wa Jehova wu yisiwa wukhumbini.

Jeremia 20:9

Loku nziku: Nzi nga ta ha mu kumbuka, Hambu ku xuxa vitweni gakwe; Zonake ku kona a mbilwini ya mina a ku fanana ni nzilo wu vurako, Na wu valelwe lomu marambyini ya mina, Nzi rerekile hi ku ti khoma, a nza ha zi koti.

Jeremia 23:9

Xungetano ni vaprofeti. A mbilu ya mina yi panzekile, A marambu ya mina wontihe ma gutlagutla; Nzi kotisa munhu loyi a popilweko, Ni loyi a dakilweko hi vinya, Hi kota ya Jehova ni timhaka takwe to basa.

Jeremia 4:21

Nzi ta wona a nghapa kala rini, Ni kuzwa a gezu ga mpunzu ke?

Jeremia 4:5

Byelani Juda, muba hungu le Jerusalema, muku: Banani mipunzu lomu tikweni, mu kanyuluka muku: Tsombanani, mu tsutsumela a mitini ya makhokhola.

Jeremia 42:14

muku; E, hi taya tikweni ga Gipite lomu hi to kala hi nga woni yimpi, ge hambu a kuzwa a guwa ga mpunzu, kutani kuzwa ndlala; hi lomo hi ta nga ya aka kona.

Jeremia 49:2

Hikwalaho masiku mata, ku wula Jehova, lawa nzi ta ngaba ha wona a nyiwo yo vukela Rabba wa vana va ka Amoni. I ta maha a nhulu ya marumbi, ni miti yakwe yi ta hiswa hi nzilo. Zonake Israeli i taga a tshomba ya lava va ngaga tshomba yakwe, ku wula Jehova.

Jeremia 50:22

A guwa ga kulwa gi zwala tikweni, ga kulobyiswa ka hombe.

Jeremia 6:24

Hi zwile a wudumo gabye, a mawoko ya hina ma mbhela ntamu, Hi telwe hi hlanekera ni kubayisa ko kota wasati a lunwako.

Jeremia 8:18

Nzi ta ti chavelelisa kuyini a kubayisekeni ke? A mbilu ya mina ya xaniseka.

Jeremia 8:21

Nzi karateka hi kota ya mbanga ya nʼwana wa xisati wa vanhu va mina, Nzi na ni hlomulo, nzi khomilwe hi kuchava.

Jeremia 9:1

O mayiwako! loku a hloko ya mina yi wa hi mati, Ni mahlo ya mina a kuva xibuka xa mihloti, Kasi nzi zi kota mumu ni wusiku a ku rilela Lava va delweko va nhwana wa vanhu va mina!

Jeremia 9:10

Nzi ta halata mihloti nziba nkosi hi kota ya zitsunga, Nzi rilela a wuriselo ga xiwula, hakuva gi swile; A ka hi na munhu a hunzako kona, Hambu kuzwa a kubhoma ka tihomu; A tinyanyani ta tilo ni zihari zi tsutsumile, zi fambile.

Mikosi 1:16

Hi lezi zi nzi rilisako, mahlo ya mina ma halaka mihloti; Hakuva a muchaveleli loyi a nga te ngha a vuxa moya wa mina i le kule. A vana va mina va le kuxanisekeni hakuva a nala i hlulile.

Mikosi 1:20

Jehova, languta a hlomulo wa mina, a moya wa mina wa karateka, A mbilu ya mina yi hunzukile nzeni ka mina, hakuva nzi ti alisile; Le handle a supado yi nzi dayela a vana va mina, te kaya kufa ntsena. Deut. 32:25; Isa. 16:11

Mikosi 2:11

A mahlo ya mina ma mbhela hi mihloti, a mbilu ya mina ya karateka, A nyongwa ya mina ya halakela lahasi hi kota ya mbanga ya nhanyana wa tiko ga mina; Hakuva a zihlangana ni tisana za titivala lomu maruweni ya muti.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 7:15

Mina Danieli, a moya wa mina wu lo xaniseka xikari ka mina, nzi karateka hi kota ya miwoniso ya mina.

Danieli 7:28

Hi wona magumo ya timhaka. Makunu mina Danieli nzi lo karateka maalakanyweni ya mina, a nghohe ya mina yi hunzuka; kanilezi nzi lo hlayisa timhaka leti mbilwini ya mina.

Danieli 8:27

Makunu mina Danieli nzi lowa nzi mbhela ntamu, nzi babya masiku yo kari; zonake nzi lo vuka nzi tira mitiro ya hosi. Nzi lo hlamaliswa hi muwoniso lowu, kanilezi ku wa nga hi na munhu a nga wu pima.

Amosi 3:6

Ku nga biwa mpunzu lomu mutini a vanhu va nga dzuki ke?. A muti wu nga welwa hi khombo na gi ngati hi le ka Jehova ke? Isa. 45:7; Jer. 11:11

Habakuka 3:16

Nzi zi zwile, a mbilu ya mina yi rurumela, Hi gezu lego a milomu ya mina yi dzudzumela; Ku enghena kubola marambyini ya mina, na nzi kari nzi rurumela. Nzi yimelwe hi ku rinzela a siku ga khombo, A siku legi a tiko gi ta nga hlaselwa hi valala.

Mitsengo 10:9

Ni loku mu hloma yimpi lomu tikweni ga nwina a ku yalwa ni valala va nwina lava va mu vukelako, mu taba mipunzu yo hlomisa, zonake mu ta alakanywa mahlweni ka Jehova, Nungungulu wa nwina, mu hlangutwa mandleni ya valala va nwina.

Va le Roma 10:1

Vamakabye, a kuxuva ka mbilu ya mina, ni mukombelo wa mina ka Nungungulu ha vona, hi lezaku va hanyiswa.

1 Va le Korinte 14:8

Loku a mpunzu wu hi ni pfumawulo lowu wu nga tibyiwiko, himani a ta nga hloma a kuya yimpini ke?

Va le Galatia 4:19

Vana vanga, lava nza ha tlhelako nzi lunwa ha nwina, kala Kristu a wumbiwa nzeni ka nwina, 1 Kor. 4:15

Valamuli 5:21

A congo wa Kixoni wu lo va kukuleta; A congo lowu wa kale, a congo wa Kixoni. O muhefemulo wanga, u kanzihele mintamu.