Jeremia 39:14 - Tshwa Bible

¹⁴ ya lo rumisa a ku ya humesa Jeremia a hubyeni ya vanyakasani, va mu hendleleta a mandleni ya Gedalia nʼwana Ahikamu, nʼwana Xafani, lezaku aya naye kaya; lezo i lo tshama xikari ka vanhu.

Jeremia 39:14 Mawu Ofanana

2 Tihosi 22:12

A hosi yi lo leletela mupristi Hilkia na Ahikamu nʼwana Xafani, na Akbora nʼwana Mikaia, na mutsali Xafani, na Asaya a nanza ga hosi, aku:

2 Tihosi 22:14

Zinghaho mupristi Hilkia, na Ahikamu, na Akbora, na Xafani, na Asaya va loya ka Hulda a muprofeti wa xisati, a sati wa Xaluma a nʼwana Tikva wa Harhasa, a muhlayisi wa tinguwo; i wa akile le Jerusalema hi tlhelo ga wumbiri ga muti, va lo ya wulawula naye.

2 Kronekele 34:20

Yi lo leletela Hilkia na Ahikamu nʼwana Xafani, na Abdoni nʼwana Mika, na Xafani a mutsali, na Asaya a nanza ga hosi, yiku:

Tisimu 105:19

Kala xikhati lexi ku nga tatiseka a gezu gakwe, A mhaka ya Jehova yi lo mu ringa.

Jeremia 26:22

Hosi Jehoiakimu i lo rumela a vanhu va mu lanza le Gipite, hi Elna-tani a nʼwana Akbori, ni vavanuna vo kari zinwe naye.

Jeremia 26:24

Kanilezi a woko ga Ahikamu, a nʼwana Xafani, gi wa hi zinwe na Jeremia, lezaku a nga nyikelwi mandleni ya vanhu a dawa. 2 Tih. 22:12, 14

Jeremia 32:2

A ka xikhati lexo a tiyimpi ta hosi ya Babuloni ti lo vimbezela Jerusalema. A muprofeti Jeremia i wa valelwe hubyeni ga vanyakasani, a ndlwini ya hosi ya ka Juda. 2 Tih. 25:1

Jeremia 37:21

Zonake hosi Zedekia a va laya lezaku Jeremia a vekiwa hubyeni ya vanyakasani; a nyikiwa a xibaba xinwe siku ni siku hi le ruweni ga vabhiki, kala a zibaba zontlhe zi mbhela mutini. Lezo Jeremia i lo tshama hubyeni ya vanyakasani.

Jeremia 38:13

Zonake va lo koka Jeremia hi tingoti, va mu humesa rinzini; na Jeremia i lo tshama a hubyeni ya vanyakasani. Zedekia a engeta a lomba wusungukati ka Jeremia.

Jeremia 38:28

Na Jeremia i lo tshama lomu hubyeni ya vanyakasani kala a siku legi Jerusalema a nga khoziswa ha gona.

Jeremia 39:13

Zonake Nebuzaradani a nduna ya vanyakasani, na Nebuxazbani, Rabsarisi, na Nergal-xarezeri, ni wahombe wa titlhari ni tontlhe tinduna ta hombe ta hosi ya Babuloni,

Jeremia 39:15

A mhaka ya ka Jehova yi lota ka Jeremia na a ba khotselwe hubyeni ya vanyakasani, yiku:

Jeremia 40:1

A mhaka leyi yi tileko ka Jeremia hi ka Jehova anzhako ka kuva Nebuzaradani nduna ya vanyakasani a mu tlhatlhisile le Rama, laho a nga mu kuma kona na a bohilwe hi mangenje, na a hi xikari ka lava va khomilweko vontlhe va Jerusalema ni ka Juda, lavo va nga yiswa a wukhumbini le Babuloni.

Jeremia 40:5

Kute na a ha hlwela ku famba, aku kakwe; Tlhelela ka Gedalia, nʼwana. Ahikamu nʼwana Xafani, loye hosi ya Babuloni yi mu mahileko a mufumeli hehla ka miti ya ka Juda, u tshama naye xikari ka vanhu; hambu a ku ti yela ni gihi tlhelo u gi ranzako. Zonake a nduna ya vanyakasani yi lo mu nyika timbuva ni xinyikiwo, yi mu tsika a famba.

Jeremia 40:6

Zonake Jeremia i lo famba ka Gedalia nʼwana Ahikamu le Mizpa, a tshama naye a xikari ka vanhu lava va seleko lomu tikweni.

Jeremia 40:7

A tinduna ta tiyimpi leti ti nga nkoveni zinwe ni vanhu va tona, loku va zwile lezaku a hosi ya le Babuloni yi vekile Gedalia nʼwana Ahikamu, akuva mufumeli lomu tikweni, ni lezaku i vekile; mandleni yakwe a vavanuna ni vavasati ni vanana ni zisiwana za lomu tikweni, lava va nga yisiwangiko kukhonweni le Babuloni,

Jeremia 41:1

Makunu hi hweti ya wuntlhanu ni timbiri, Ixmaeli a nʼwana Netania wa Elixama, wa yindlu ya wuhosi, a nga nduna ya hombe ya hosi, i lota ka Gedalia a nʼwana Ahikamu le Mizpa na hi ni khume ga vavanuna, va ta tshama kugeni vontlhe kwale Mizpa. 2 Tih. 25:25