Jeremia 39:1 - Tshwa Bible

¹ Hi hweti ya wukhume ya lembe ga wu 9 ga kufuma ka Zedekia a hosi ya ka Juda, Nebukadrezzare a hosi ya le Babuloni i lota ni yimpi yakwe yontlhe a ta vukela Jerusalema, a gi vimbezela. 2 Tih. 25:1

Jeremia 39:1 Mawu Ofanana

2 Kronekele 36:17

Hikwalaho i lo va rumela a hosi ya maKaldea, yi ta daya majaha yabye hi matlhari lomu ndlwini yabye yo basa; a nga nyenyeletelangi majaha, hambu ni vanhanyana, ge hambu zikhosana zi nga ni wuvu; i lo va nyikela vontlhe mandleni yakwe.

Jeremia 32:1

Hi leyi a mhaka yi tileko ka Jeremia hi ka Jehova, hi lembe ga wukhume ga Zedekia hosi ya ka Juda, a lembe lego gi wa hi ga wu 18 ga Nebukadrezzare

Jeremia 34:1

A mhaka leyi yi tileko ka Jeremia hi ka Jehova, laha Nebukadnezzare hosi ya Babuloni ni yontlhe a yimpi yakwe, ni yontlhe a mifumo ya misava leyi yi nga fumiwa hi yena, ni matiko wontihe va ngalwa va vukela Jerusalema ni yontlhe a miti ya gona, 2 Tih. 25:1

Jeremia 34:22

Languta, nzi ta va leletela lezaku va wuyela ka lowu muti, ku wula Jehova, va talwa nawo, va wu khozisa, va wu hisa hi nzilo; ni miti ya ka Juda nzi ta yi maha xiwula, ku nga hi na muaki ka wona. 2 Tih. 25:9; Jer. 37:8

Jeremia 42:18

Hakuva Jehova wa tiyimpi, a Nungungulu wa Israeli, i ngalo: Laha mu ta nga enghena Gipite nzi ta chulula a zanga ya mina hehla ka nwina, khwatsi hilezi nzi nga yi chululisisa zona hehla ka vaaki va Jerusalema. Mu tava xiruko ni xirewukiso, mu rukiwe ni ku xanziwa; mu nga ta ha wona legi wutshamu.

Jeremia 52:1

Zedekia i wa hi ntangeni ya 21 wa malembe laha a nga sangula ku fuma; i lo fuma 11 wa malembe le Jerusalema. A vito ga mamani wakwe i wa hi. Hamutali a nʼwana wa Jeremia wa le Libna. 2 Tih. 24:18; 2 Kro. 36:11

Jeremia 6:6

Hakuva Jehova wa tiyimpi i ngalo: Tsemani tisinya, mu maha lihlavu la ku bhiyela Jerusalema. Hakuva i muti wu feleko ku tsayisiwa, Wu tele hi kutsimbeketa.

Ezekieli 33:21

Hi lembe ga wukhume ni mambiri ga wukhumbi ga hina, hi hweti ya wukhume, hi siku ga 5 ga hweti, a munwe loyi a nga ponile le Jerusalema i lota ka mina, a taku: A muti wu hlulilwe!

Ezekieli 4:3

Zonake teka a barita ya simbi, u yi yimisa yi maha khurisi xikari ka wena ni muti; u ta cuwukana na wona, wu ta vimbezelwa, wena u ta wu vimbezela. Xi tava xikombiso ka yindlu ya ka Israeli.

Ezekieli 40:1

Hi lembe ga 25 ga wukhumbi ga hina, a kusanguleni ka gona, hi siku ga 10 ga hweti, ku nga hi 14 wa malembe anzhako kakuva a muti wu fuvisilwe, a ka siku lego a canja ga Jehova gi wa hi hehla ka mina, a nzi yisa tikweni ga Israeli. 2 Tih. 25:4; Ezek. 33:21

Ezekieli 5:2

U ta hisa a xipanze xa wunharu xikari ka muti loku a masiku ya kuvimbezelwa ma mbhelile. U ta teka xinwani xipanze xa wunharu u xi tsemelela hi supado u renzelekela muti; ni xinwani xipanze xa wunharu u ta xi hangalasa moyeni, nzi ta xi hlongolisa hi supado.

Zakaria 8:19

Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Deuteronome 28:36

Jehova i ta ku yisa wena, zinwe ni hosi ya wena leyo u ta nga yi veka hehla ka wena, ka tiko lego u nga gi tiviko, hambu ni vararu va wena, leyo mu taya khozela vanungungulu vanwani va tisinya ni va maribye.