Jeremia 38:19 - Tshwa Bible

¹⁹ Hosi Zedekia i lo hlamula Jeremia, aku: Nzo chava vaJuda lava va pfowoleleko ka maKaldea, lezaku nzi nyikelwa canjeni gabye, va hlakana ha mina.

Jeremia 38:19 Mawu Ofanana

2 Kronekele 30:10

Zinghaho a mitsukano yi lo famba ka muti ni muti lomu tikweni ga ka Efraime ni ga ka Manasa kala va chikela le Zebuloni; kanilezi va lo va hleka va va tseketsela.

Nehemia 4:1

Kanilezi laha Sanballati a ngazwa lezaku hi kari hi vuxa a ligingisi, i lo zangara nguvu, a tseketsela a vaJuda.

Joba 31:34

Nzi wa chava a xidlemo xa vanhu, Nzi dzukiswa hi xixanzo xa mingango, Lezaku nzi rutisa, nzi nga humi lahandle ke? Ekso. 23:2

Mavingu 29:25

A ku chava vanhu ku neha ziyo, anilezi loyi a tsumbako Jehova i ta pona. Mat. 10:28

Isaya 57:11

U wa dzukiswa hi mani, u chava mani ko kala u nga tsumbeki, Lezi u nga kala u nzi alakanya hambu ku nzi khatalela ke? Kasi a ku nzi chavi, hilezi nzi miyeleko xikhati xo leha ke?

Jeremia 20:7

O Jehova, u nzi vumelisile, nzi vumele a ku kholwiswa; Wena u ni ntamu a ku nzi hunza, u nzi hlulile. Nzi mahile xihlekiso gontlhe siku, Vontlhe va nzi tseketsela.

Jeremia 38:22

Languta, a vavasati vontlhe lava va seleko a ndlwini ya hosi ya ka Juda va ta yiswa ka tihosana ta hosi ya Babuloni; a vavasati lavo va taku: A vanghana va wena va ku kanganyisile, Ve ku hlulile; A milenge ya wena yi kari yi njhibila maropeni, Vona na va tlhelele nzhako! Obad. v. 7

Jeremia 38:5

Hosi Zedekia i lo hlamula, aku: Langutani, i le mandleni ya nwina, hakuva hosi a yi zi koti ku mu alela nchumu.

Jeremia 39:9

A vanhu va nga sala mutini, ni lava va seleko lomu tikweni, zinwe ni vapfowoli lava va nga ti nyikele, va lo yiswa Babuloni hi Nebuzaradani a nduna ya vanyakasani.

Johani 12:42

Ahemba-lokoke, hambu ni vanyingi va vahombe va lo kholwa ka yena; kanilezi a va zi wulangi hi kota ya vaFarisi, hi lezaku va nga humeswa sinagogeni;

Valamuli 16:25

Laha a timbilu tabye ti nga wa tsaka, va te ngalo: A ku vitanwe Samsoni a ta hi hlekisela. Va lo ya teka Samsoni lomu paxweni a ta va hlekisela, na va mu yimisile laha xikari ka timhanze ta tempeli.

Valamuli 9:54

Zonake Abimeleki i lo hatlisa a vitana a muweleli wa matlhari yakwe, aku kakwe: Hlomula a tlhari ga wena u nzi daya; va ngaku: I delwe hi wasati. A jaha lego gi lo mu tlhava afa. 1 Sam. 31:4

1 Samueli 15:24

Zonake Saule aku ka Samueli: Nzi onhile, hakuva nzi hambunyetile zileletelo za Jehova ni magezu ya wena, hi kota ya lezi nzi nga chava vanhu nzi ingisa timhaka tabye.

1 Samueli 31:4

Zonake Saule i te ngalo ka muweleli wa matlhari yakwe: Hlomula a supado ya wena u nzi gwaza ha yona, kasi a makhuna lawa ma nga dzuki ma nzi gwaza ma nzi xanula. Kanilezi a mukhomi wa matlhari yakwe a nga vumelangi, hakuva i wa chava nguvu. Zonake Saule i lp teka a supado yakwe a ti tlhava ha yona.