Jeremia 36:4 - Tshwa Bible

⁴ Zonake Jeremia i lo vitana Baruke nʼwana Neria, na Baruke i lo tsala bhukwini hi nomu wa Jeremia, a magezu wontihe ya Jehova lawo a nga ma wulile kakwe.

Jeremia 36:4 Mawu Ofanana

Isaya 30:8

Makunu, famba u ya zi tsala lomu ka bakwa mahlweni kabye, u zi tsala ni lomu bhukwini, kasi za hlayiselwa zikhati zi tako, xiva xikombiso xa pinzukelwa.

Isaya 8:1

Jehova i te ngalo ka mina: Teka a bakwa ya hombe u tsala ka yona hi maletela ma wonekako, uku: Va hatlisisa ku phanga, ku tsutsumelwa wuphango.

Jeremia 25:13

Nzi ta tatisa hehla ka tiko lego tontlhe a timhaka ta mina, leti nzi ti wulileko ha gona, zontlhe lezi zi tsalilweko ka legi bhuku, lezi Jeremia a profetileko hi wontihe lawa matiko.

Jeremia 30:2

Jehova, a Nungungulu wa Israeli i ngalo: Tsala lomu ka bhuku tontlhe a timhaka leti nzi ku byelileko.

Jeremia 32:12

nzi lo hendleleta a papilo ga xavo ka Baruke a nʼwana Neria, a nʼwana Maseya, a mahlweni ka Hanameli a nʼwana raru tsongwani, wa mina, ni mahlweni ka vakustumunyu lava va sinarileko papilo ga xavo, ni mahiwani ka vontlhe vaJuda lava va nga tshama hubyeni ya vanyakasani.

Jeremia 36:14

Tontlhe tihosana ti lo rumela Jehudi nʼwana Netania, nʼwana Xelemia, nʼwana Kuxe, ka Baruke, tiku: Teka a bhuku u nga gi gonza a tindleveni ta vanhu, uta. Baruke nʼwana Neria i lo teka a bhuku ata kabye.

Jeremia 36:21

A hosi yi lo ruma Jehudi a ku ya teka a bhuku; a ya gi teka lomu ndlwini ya Elixama a mutsali. Na Jehudi i lo gi gonza a tindleveni ta hosi, ni tindleveni ta tontlhe tihosana leto ti nga yimile mahlweni ka hosi.

Jeremia 36:23

Kute loku Jehudi a gonzile tinzima tinharu hambu mune, a hosi yi lo tsema a bhuku hi mukwana a gi hoxa nzilweni wu nga lomo ka mbawula, kala gontlhe a bhuku giku bhi laha nzilweni wu nga lomu ka mbawula.

Jeremia 36:26

Zonake a hosi yi lo laya lezaku Baruke, a mutsali, na Jeremia muprofeti, va khonwa hi Jerahmeeli a nʼwana wa hosi, na Seraia nʼwana Azrieli, na Xelemia nʼwana Abdeeli, kanilezi Jehova i lo va fihla.

Jeremia 36:27

Zonake a mhaka ya Jehova yi lota ka Jeremia, loku hosi na yi hisile a bhuku legi gi nga ni timhaka leti Baruke a nga ti tsalile hi nomu wa Jeremia, yiku:

Jeremia 36:28

Ti tekele a ginwani bhuku, u tsala ka gona tontlhe a timhaka leʼto ranga ti nga hi ka bhuku go sangula, legi gi nga hisiwa hi Jehoiakimu hosi ya ka Juda.

Jeremia 36:32

Zonake Jeremia i lo teka ginwani bhuku, a gi nyika ka Baruke nʼwana Neria, a mutsali; a wihi a nga tsala ka gona hi nomu wa Jeremia tontlhe a timhaka ta bhuku lego gi nga hisiwa hi Jehoiakimu hosi ya ka Juda; kambe ku lo engetelwa a timhaka tinyingi to fanana nato.

Jeremia 36:6

Hikwalaho enghena wena lomu ndlwini ya Jehova hi siku ga kuyila, u ya gonza a bhuku legi u gi tsalileko hi nomu wa mina, ma nga magezu ya Jehova, u ma gonza tindleveni ta vanhu ni ta vontlhe vaJuda lava va humeleko hi mitini yabye.

Jeremia 43:3

Kanilezi hi Baruke a nʼwana Neria a ku kucetelako akuva u hi vukela, kasi ku hi nyikela mandleni ya maKaldea, va fela ku hi daya hambu ku hi yisa wukhumbini le Babuloni.

Jeremia 51:59

A mhaka leyi muprofeti Jeremia a nga yi leletela ka Seraia a nʼwana Neria wa Maaseya, a xikhati lexi a nga famba na Zedekia a hosi ya ka Juda le Babuloni, hi lembe ga wumune ga kufuma kakwe. Seraia i wa hi nduna ya varinzeli va wugovelo.

Jeremia 51:60

Jeremia i lo tsala lomu bhukwini hi makhombo wontihe ma ta nga wela Babuloni, ti nga timhaka tontlhe leti ti xungetako Babuloni.

Ezekieli 2:9

Laha nzi nga cuwuka, nzi lo wona a woko na gi nawulutilwe ka mina, na gi khomile a bhuku gi songilweko.

Danieli 7:1

Hi lembe go sangula ga kufuma ka Belxazzare a hosi ya Babuloni. Danieli na hi sangweni gakwe i lo lora na wona miwoniso. Zonake i lo tsala a noro wa kona, a hlawutela a tihloko ta wona.

Zakaria 5:1

Zonake nzi lo tlakusa a mahlo ya mina kambe, nzi wona a papilo gi nga haha.

Va le Roma 16:22

Mina Tertiusi, a mutsali wa legi papilo, nza mu rungula Hosini.