Jeremia 36:26 - Tshwa Bible

²⁶ Zonake a hosi yi lo laya lezaku Baruke, a mutsali, na Jeremia muprofeti, va khonwa hi Jerahmeeli a nʼwana wa hosi, na Seraia nʼwana Azrieli, na Xelemia nʼwana Abdeeli, kanilezi Jehova i lo va fihla.

Jeremia 36:26 Mawu Ofanana

1 Tihosi 17:3

Suka u famba, u komama tlhelo ga Mutsuwuka-gambo, u ya fihlala le xicongwaneni xa Kerite, lexi xi nga le tlhatukweni wa Jordani.

1 Tihosi 17:9

Suka uya le Zarefate ga Sidoni, u ya tshama kona. Languta, mina nzi leletele a noni a kuva yi ku phamela a zakuga leyo. Lu. 4:25

1 Tihosi 18:4

hakuva xikhatini lexo Jezebeli a nga hlasela a vaprofeti va Jehova, Obadia i wa tekile a zana ga vaprofeti, a va avanyisa hi mitlawa mimbiri ya 50 a munwe, a va fihla lomu muhumeni, a va phamela ni ku va nwisa.

1 Tihosi 19:10

I lo hlamula, aku: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele a vaprofeti va wena hi supado, hi mina nzoce nzi seleko, na vona va lava ku nzi daya! Rom. 11:2

1 Tihosi 19:14

Yena i te ngalo: Mina nzi pangamele Jehova Nungungulu wa tiyimpi, hakuva a vanana va ka Israeli va tsikile a xivumelwano xa wena, va khungumule a maalati ya wena, va dele vaprofeti va wena hi supado, hi mina nzoce nzi seleko, na vona va lava ku nzi daya.

1 Tihosi 22:26

A hosi ya ka Israeli yi te ngalo ka ginwani nanza: Khoma Mikaia u mu heleketa ka Amoni a nduna ya muti, ni ka Joaxi a nʼwana wa hosi, u ya ku ngalo kabye:

2 Tihosi 11:2

Kanilezi Jehoxeba, a nhanyana wa hosi Joramu nakulobye wa Ahazia, i lo nyemukisa Joaxi nʼwana Ahazia, a mu susa xikari ka vana va hosi lava va nga wa dawetelwa, a ya mu fihla ni muwundli wakwe lomu ndlwini ya kuetlela. Va lo fihlela Atalia, hikwalaho a nga mu dayangi.

2 Kronekele 18:26

mu ya ku ngalo ka vona: A hosi yi ngalo: Enghenisani inaloyi paxweni, mu mu phamela zakuga za tsheku ni mati ya tsheku, kala nzi wuya hi kurula.

Tisimu 105:15

Aku: Mu nga khumbeni vatotilweko va mina, Mu nga lamati vaprofeti va mina.

Tisimu 121:8

Jehova i ta ku hlayisa kuhumeni ka wena ni kuwuyeni ka wena, Kusukela lezi ni kala kupinzuka. Deut. 28:6

Tisimu 27:5

Hakuva i ta nzi fihla xiluvelweni xakwe hi siku ga kuxaniseka, A nzi fihla xihundleni xa tenda gakwe; A nzi kanzihisa hehla ka ribye. Jer. 36:26

Tisimu 32:7

Wena u wuchavelo ga mina, wa nzi lonzowota zikaratweni; U ta nzi ranzela hi tisimu ta kuponiswa. (Sela.)

Tisimu 57:1

Nzi zwele wuxinji, Nungungulu, nzi zwele wuxinji, Hakuva a muhefemulo wa mina wu chavela ka wena; Ina, nzi ta chavela nzhutini wa tipapa ta wena, Kala ma hunza makhombo laya.

Tisimu 64:2

Nzi vikele makungweni ya vakubiha, Ni ka xidlemo xa vangalulamangiko.

Tisimu 91:1

Yena loyi a tshamileko xihundleni xa loyi a Hunzeleleko Kutlakuka, A humula nzhutini wa Nyamintamu,

Isaya 26:20

Yana, tiko ganga, enghena ti ndlwini ta wena, u ti valela; Fihlala xikhatanyana, kala a zanga yi hunza.

Jeremia 1:19

Va talwa na wena, kanilezi va nga ta ku hlula; ihakuva mina nzi zinwe na wena, kasi ku ku ponisa, ku wula Jehova.

Jeremia 2:30

Nzi bile mahala a vanana va nwina, A va vumelangi ku kawukiwa. A supado ya nwina yi khadamule a vaprofeti va nwina, Khwatsi i nghala yi hlakahlako. 1 Tih. 19:10; Mat. 23:34

Jeremia 26:24

Kanilezi a woko ga Ahikamu, a nʼwana Xafani, gi wa hi zinwe na Jeremia, lezaku a nga nyikelwi mandleni ya vanhu a dawa. 2 Tih. 22:12, 14

Jeremia 36:19

Zonake a tihosana tiku ka Baruke: Famba u ya fihlala, wena na Jeremia; mu nga byeli ni munhu laho mu tova kona.

Jeremia 36:5

Jeremia i lo leletela Baruke, aku; Mina nzi khotselwe, a nzi zi koti ku enghena ndlwini ya Jehova.

Jeremia 38:6

Zonake va lo khoma Jeremia va mu chikisa a rinzini ga Malkia a nʼwana wa hosi, legi gi nga hi lomu hubyeni ya vanyakasani; va relelisa Jeremia hi tingoti. Lomu rinzini ku wa nga hi na mati, saseka marope; na Jeremia i lo njhibila maropeni.

Johani 11:57

Kanilezi a vapristi va hombe ni vaFarisi va wa layile ku, loku munhu a ku tiva laha a nga kona, a va tivise, kasi va fela ku ya mu khoma.

Johani 7:32

A vaFarisi va lozwa a vanhu na va kari va wula lezi ha yena; zonake a vapristi va hombe ni vaFarisi va lo ruma vanyakasani ku ya mu khoma.

Johani 8:20

A timhaka leti i lo ti kanela laha ka bhako ga minyikelo, na a kari a gonzisa tempeleni. Ku wa nga hi kona munhu a nga mu khoma, hakuva a xikhati xakwe xi wa nga se ku chikela. Xip. 7:8, 30

Johani 8:59

Hikwalaho va lo rola maribye, a kuva va mu cukunyetela ha wona; kanilezi Jesu i lo ti fihla a huma tempeleni. Lu. 4:30; Xip. 10:31, 39; 11:8

Mitiro 12:11

Laha Pedro na a tilimukile, aku ngalo: Makunu nza zi tiva hakunene, lezaku a Hosi yi rumile a ngelosi ya yona, yi ta nzi tlhatlhisa canjeni ga Herodi, ni ka zontlhe lezi va nga zi langutele a vaJuda. Tis. 34:7; 2 Ped. 2:9