Jeremia 35:2 - Tshwa Bible

² Famba a ka vana va Rekabe uya wulawula navo, u va heleketa ndlwini ya Jehova a ka ginwe ga matsawo, u va nyika a vinya vanwa. 1 Kro. 2:55

Jeremia 35:2 Mawu Ofanana

1 Tihosi 6:10

Zonake i lo aka a zitezi lomu matlhelweni wontihe ya yindlu; a kutlakuka ka yinwe ni yinwani ku wa hi ntlhanu wa mikono, zonake a tlhanganyisa zitezi laha ka yindlu hi timhanze ta sedare.

1 Tihosi 6:8

A nyangwa ya kwarutu ya xitezi xa lahasi yi wa hi tlhelo ga xinene ga yindlu, va lo kanziha hi mayingo ma renzetekelako a kuya ka xitezi xa lomu xikari; zonake va suka laho va kanziha ka xitezi xa wunharu.

1 Kronekele 2:55

A mingango ya vatsali lava va nga wa tshama le Jabeza: hi va ka Tirate, ni va ka Ximeate, ni va ka Sukate. Lava hi vaKeni lava va ngata hi le ka Hamate, a raru wa yindlu ya Rekabe. Vala. 1:16; Jer. 35:2

1 Kronekele 23:28

Hakuva va yimisilwe kusuhani ni vana va ka Aroni ntirweni wa kukhozela ndlwini ya Jehova; va wa hi vahlayisi va tihubye ni tikwarutu, va basisa a zilo zontlhe zi hlazekileko, va tira mitiro ya yindlu ya Nungungulu;

1 Kronekele 28:12

I lo mu nyika a xikombiso xa zontlhe lezi a nga wa hi nazo lomu mbilwini yakwe, xa mahubye ya yindlu ya Jehova, ni xa tikwarutu ta wontihe matlhelo, ni xa yindlu ya titshomba ta Nungungulu, ni zilo zi nyikelweko;

1 Kronekele 9:26

hakuva a vahlayisi lava va hombe va mune va vaLevi va wa hi ni ntiro wa ku hlayisa a tikwarutu ta mali ya yindlu ya Nungungulu.

1 Kronekele 9:33

Lava hi vayimbeleli, a tihosana ta tiyindlu ta vararu vabye, a vaLevi; va wa tshama lomu tikwarutwini, va wa nga hi na ntiro wunwani, hakuva mumu ni wusiku va wa khoma a ntiro wabye.

2 Kronekele 3:9

A kutika ka tikhokho ku wa hi 50 wa maxekeli ya nzalama. Ni tikwarutu ta le hehla i lo ti nameketela nzalama.

2 Kronekele 31:11

Zonake Hezekia i lo leletela a kuva ku longiswa tikwaruto lomu ndlwini ya Jehova; va maha lezo.

Ezra 8:29

Cuwukisisani, mu zi hlayisa kala a siku lego mu ta nga ya pima kutika ka zona mahlweni ka vapristi va hombe, ni vaLevi, ni tihosana ta tinyangwa ta vadadani va ka Israeli le Jerusalema, lomo zi hlayiswako kona ndlwini ya Jehova.

Nehemia 13:5

I lo mu longisela a kwaruto ya hombe, leyi kusanguleni yi nga hi wuhlayiselo ga minyikelo ya mapa, ni mipepo, ni zibya, ni za wukhume za mavele, ni vinya, ni mafura, lezi a nayo wu nga leletela ku nyika vaLevi, ni vayimbeleli, ni varinzeli va tinyangwa, ni minyikelo ya kunziwitela ya vapristi.

Jeremia 35:3

Zonake nzi lo teka Jazania a nʼwana Jeremia, nʼwana Habazzinia, ni vanakulobye ni vana vakwe vontlhe ni yontlhe a yindlu ya va ka Rekabe,

Jeremia 35:4

nzi lo va yisa ndlwini ya Jehova, a tsawini ga vanana va Hanani, nʼwana wa Igdalia, a munhu wa Nungungulu, legi gi nga gamekene ni tsawu ga tihosana, a hehla ka tsawu ga Maaseya nʼwana Xallume, a murinzeli wa nyangwa.

Jeremia 35:8

Hi ingisile a gezu ga Jonadaba nʼwana Rekabe, a dadani wa hina, ka zontlhe lezi a hi layileko zona; lezaku hi nganwi vinya ni siku ni ginwe, hina ni vasati va hina, ni vana va hina va xinuna ni va xisati;

Ezekieli 40:16

A matsawu ma wa hi ni tinjhanela ti valilweko hi tisimbi, ni lomu timhanzeni ta wona, ma wa ranzele lomu xikari ka nyangwa ni ka ligumbagumba; a tinjhanela ti wa hi matlhelo wontihe hi lomu nzeni; hehla ka mhanze yinwe ni yinwani ku wa hi ni mifananiso ya micinzu.