Jeremia 34:8 - Tshwa Bible

⁸ Leyi hi mhaka ya Jehova yi ngata ka Jeremia anzhako na hosi Zedekia a mahile a xivumelwano ni vontlhe vanhu va nga hi Jerusalema, lezaku vaba hungu ga kutlhatlheka;

Jeremia 34:8 Mawu Ofanana

2 Tihosi 11:17

Jehoiada i lo maha xivumelwano xikari ka Jehova ni hosi ni vanhu, lezaku vona va tava vanhu va Jehova, a maha kambe xikari ka hosi ni vanhu.

2 Kronekele 23:16

Jehoiada i lo maha xivumelwano xikari kakwe ni vanhu ni hosi, lezaku vona va tava vanhu va Jehova.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

Nehemia 9:38

Hikwalaho ka zontlhe lezo, ha maha xivumelwano xi tiyileko, hi ku xi tsala; a tihosana ta hina, ni vaLevi va hina, ni vapristi va hina va xi tiyisa.

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Isaya 61:1

A Moya wa Hosi Jehova wu le hehla ka mina, Hakuva Jehova i nzi totile akuva nzi kanela a mahungu yo saseka ka lava va vumalako; I nzi rumile a ku chuma lava va nga ni timbilu ti tshovekileko, Ni kuba hungu ga kutlhatlheka ka laʼva bohilweko, Ni kutlhatlhiswa ka tiperesu; Mat. 11:5; Lu. 4:18

Jeremia 34:17

Hikwalaho Jehova i ngalo: Nwina a mu nzi ingisangi, a mu bangi hungu ga kutlhatlheka a munwe ni munwani ka makabye wakwe, ni munwe ni munwani ka muakelwane wakwe. Langutani, nza mu bikela kutlhatlheka, ku wula Jehova, nzi tlhatlha matlhari, ni ntungu, ni ndlala; nza mu nyikela mu xaniswa xikari ka yontlhe mifumo ya misava.

Levi 25:10

Mu ta basisa a lembe ga 50, muba hungu ga kutlhatlheka ka vontlhe vanhu va lomu tikweni. Gi tava lembe ga kutsaka ka nwina, a lembe ga jubileu; loyi ni loyi i ta tlheliselwa a xipetso xakwe, ni lezaku loyi ni loyi i ta tlhelela ngangweni wabye.

Deuteronome 15:12

Loku makabye wa wena wa xinuna kutani wa xisati xikari ka vaHeberu a ti xavisile ka wena, yena i ta ku tirela ntlhanu wa malembe ni ginwe; zonake hi lembe ga wu 7 u ta mu tsika a huma lomu ndlwini ka wena, hakuva i tlhatlhekile.