Jeremia 34:20 - Tshwa Bible

²⁰ nzi ta va nyikela canjeni ga valala vabye, ni canjeni ga lavo va va xuvelako a kufa, a zirumbi zabye zi ta giwa hi tinyanyani ta tilo ni zivanza za misava. Deut. 28:26; Jer. 7:33

Jeremia 34:20 Mawu Ofanana

1 Tihosi 14:11

Kani hi wihi munhu wa ka Jeroboamu a ta nga fela laha mutini, i ta giwa hi timbyana; ni loyi a ta nga fela khwatini, i ta giwa hi tinyanyani ta tilo, hakuva Jehova i wulile lezo.

1 Tihosi 16:4

A munhu wa ka Baaxa a ta ngafa laha mutini i ta giwa hi timbyana, ni loye a ta nga fela khwatini i ta giwa hi tinyanyani ta tilo.

Tisimu 79:2

Va nyikile a zirumbi za malanza ya wena akuva zi giwa hi tinyanyani ta tilo, Ni nyama ya vabasileko va wena ka zivanza za misava.

Jeremia 11:21

Hikwalaho zakunghahi a wulako Jehova hi vanhu va le Anatoti, lava va lavako ku ku daya, vaku: U nga profeti vitweni ga Jehova, kasi u ngafi mandleni ya hina!

Jeremia 12:9

Xana a tshomba ya mina yi ka mina kukotisa a makoti ya mivalavala? Loku zi hi tano a makoti ma ta yi vukela hi matlhelo wontihe. Yanani, mu ya tsombanyisa zontlhe zihari za khwati, zi ta yi khadamula.

Jeremia 16:4

Hakuva va tafa hi kufa ku chavisekako; va nga ta rilelwa, hambu ku lahliwa; va ta ku khwatsi i koho misaveni. Va ta dawa hi supado ni ndlala; a zirumbi zabye zi ta giwa hi tinyanyani ta tilo ni zihari za khwati.

Jeremia 19:7

A ka legi wutshamu nzi ta hangalasa a makungo ya Juda ni ya Jerusalema; nzi ta va maha vawa hi supado ya valala vabye, hi mandla ya lava va hlotako wutomi gabye. A zirumbi zabye zi ta giwa hi tinyanyani ta tilo ni zihari za khwati.

Jeremia 21:7

Anzhako ka lezo, ku wula Jehova, nzi ta nyikela Zedekia, a hosi ya ka Juda, ni malanza yakwe, zinwe ni vanhu lavo va ta ngava va ponile ntungu a mutini lowu, ni ku pona a supado ni ndlala, nzi va nyikela canjeni ga Nebukadrezzare hosi ya Babuloni, ni canjeni ga valala vabye ni ga lava va hlotako wutomi gabye. Yena i ta va lamata hi supado, a nga ta va nyenyeletela, hambu a ku va zwela, hambu ni kuva ni tipswalo havona.

Jeremia 22:25

Nzi ta ku nyikela canjeni ga vona lava va hlotako a wutomi ga wena, ni canjeni ga lavo u rurumelako mahlweni kabye, a nga yena Nebukadrezzare a hosi ya Babuloni ni mandleni ya maKaldea.

Jeremia 38:16

Zonake hosi Zedekia i lo hlambanya ka Jeremia xihundleni, aku: Ha Jehova a hanyako, loyi a hi nyikileko wutomi legi, nzi nga ta ku daya, hambu a ku ku nyikela a mandleni ya vanhu lava va hlotako wutomi ga wena.

Jeremia 39:6

A hosi ya Babuloni yi lo daya a vana va Zedekia a mahlweni kakwe le Ribla; ni vahombe vontlhe va vaJuda a hosi ya Babuloni yi lo va daya.

Jeremia 4:30

U ta maha yini lezi xana, wena loyi u hahlulweko? Hambu loku u ambala xiwunguwungu, U ti bombisa hi wuhati-hati ga nzalama, Ni loku u sasisa a mahlo ya wena hi antimonio, Wo ti bombisela mahala. A zigango za wena za ku nyenya, zi lava ku ku daya.

Jeremia 44:30

Jehova i ngalo: Nzi ta nyikela Faro Hofra a hosi ya Gipite mandleni ya valala vakwe, ni mandleni ya lava va hlotako wutomi gakwe, khwatsi hilezi nzi nga nyikela Zedekia a hosi ya ka Juda mandleni ya Nebukadrezzare a hosi ya le Babuloni a nala wakwe, loyi a nga hlota wutomi gakwe.

Jeremia 49:37

Nzi ta maha Elami a mbhela ntamu mahlweni ka valala vabye, a mahlweni ka lavo va hlotako wutomi gabye. Nzi ta va nehela khombo, yi nga zanga ya mina, ku wula Jehova. Nzi ta ruma a supado yi va lanzela kala vontlhe vaku bhi.

Jeremia 7:33

A zirumbi za lava vanhu zi ta giwa hi tinyanyani ta tilo ni zihari za khwati; a nga kona a to zi hlongola.

Ezekieli 23:28

Hakuva Hosi Jehova i ngalo: Nzi ta ku nyikela mandleni ya lava u va vengako, lava a moya wa wena wu hambeneko navo.

Ezekieli 29:5

Nzi ta ku hoxa xiwuleni, wena ni zidluwani za micongo ya wena, u ta wela lomu mafuzini; u nga ta tsomhanyiswa hambu ku rolelwa. Nzi ta ku nyikela akuva u giwa hi zihari za misava ni tinyanyani ta tilo.

Ezekieli 32:4

Nzi ta ku tsika le muhanzeni, nzi ku hoxa mafusini, Nzi maha tinyanyani tontlhe, ta tilo ti khapama hehla ka wena, Nzi xurisa zontlhe a zihari za misava ha wena.

Deuteronome 28:26

Ni zirumbi za nwina zi ta kuva kuga ka tontlhe tinyanyani ta tilo, ni zivanza zontlhe za misava, ni laho ku nga tava kona munhu wo zi hlongola.

1 Samueli 17:44

A muFilistia i te ngalo ka Davida: Hi ngata! Nzi ta nyikela a nyama ya wena ka tinyanyani ta tilo ni zivanza za khwati.

1 Samueli 17:46

Inyamutlha Jehova i ta ku nyikela canjeni ga mina. Nzi ta ku tlhava nzi tsema hloko ya wena. Inyamutlha nzi ta nyikela a zirumbi za tiyimpi ta vaFilistia ka tinyanyani ta tilo ni ka zivanza za misava, kasi a misava yontlhe yi ta zi tiva lezaku i kona Nungungulu wa ka Israeli.