Jeremia 34:14 - Tshwa Bible

¹⁴ nziku: A kumbheleni ka ntlhanu wa malembe ni mambiri a munwe ni munwani i ta tlhatlha muHeberu-kulobye loyi a ti xavisileko ka nwina; i ta ku tirela a ntlhanu wa malembe ni ginwe, zonake u ta mu tsika a tlhatlheka; kanilezi a vakoko va nwina a va nzi ingisangi, hambu ni ku panga tindleve. Ekso. 21:2; Levi 25:39; Deut. 15:12

Jeremia 34:14 Mawu Ofanana

1 Tihosi 21:25

Kunene, a ku na nga va kona a hosi yo kota Ahabi loyi a xavisileko wutsumbu gakwe hi ku maha lezi zi bihileko mahlweni ka Jehova, hi kota ya Jezebeli sati wakwe a nga mu kucetela.

1 Tihosi 9:22

Solomoni a nga tirisangi xibhalu ka vanana va ka Israeli, hakuva vona va wa hi vahlomi va matlhari ni malanza yakwe ni tinduna takwe, ni tinhenha takwe, ni tinduna ta tikareta takwe, ni vakhileli vakwe va mahaxi. Levi 25:39

2 Kronekele 28:10

Makunu lezi mu lava ku teka vanana lava va ka Juda ni va le Jerusalema mu va maha tikhumbi ta nwina ta xinuna ni ta xisati! Nwina a mu na nanzu mahlweni ka Jehova Nungungulu wa nwina ke?

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Nehemia 9:30

Kanilezi ku lo hunza malembe yo hlaya na u timisela ha vona, u va khongotela hi moya wa wena hi milomu ya vaprofeti va wena; kanilezi va nga pangi tindleve tabye; hikwalaho u va nyikela mandleni ya vanhu va matiko.

Isaya 50:1

Jehova i ngalo: Gi kwihi a papilo ga mamani wa wena ga kualana, legi nzi mu hlongoleko ha gona? Kutani nzi mu xavisile ka wihi wa vamangava va mina ke? Langutani, mu xavisilwe hi kota ya zionho za nwina, Ni mamani wa nwina i hlongolwe hi kota ya zihambunyeto za nwina. Deut. 24:1; Jer. 2:19

Isaya 58:6

A kuyila loku ku nzi tsakisako hi loku: Lezaku mu tlhatlha a mangenje ya mona, Ni ku tlhatlha a miyoka ya wukhumbi, Mu tlhatlha lava va tsimbeketilweko, Ni kuva mu tshova a miyoka yontlhelele.

Jeremia 11:7

Hakuva kusukela a siku lego nzi nga humesa ha gona a vararu va nwina tikweni ga Gipite, kala ku chikela nyamutlha, nzi va byelile na nza ha vinzuka ni mixo, nzi va laya nziku: Ingisani a gezu ga mina! 2 Tih. 17:13

Jeremia 32:30

Hakuva a kusukela wusweni gabye a vana va Israeli ni vana va ka Juda va mahile kubiha ntsena mahlweni ka mina, hakuva a vana va Israeli va nzi zangarisile ntsena hi mitiro ya mandla yabye, ku wula Jehova.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Ezekieli 20:4

U ta va lamula ke, nʼwana wa munhu, u ta va lamula ke? Va tivise a manyalataniso ya vararu vabye,

Ezekieli 20:8

Kanilezi va lo nzi hluwuka, va nga vumeli ku nzi ingisa; a munhu ni munhu a nga cukumetangi a manyalataniso ya mahlo yakwe, ge hambu ku tsika a zifananiso za Gipite. Zonake nziku, nzi ta chulula a zanga ya mina hehla kabye, nzi tira hi khulo ga mina kabye lomu tikweni ga Gipite.

Levi 25:10

Mu ta basisa a lembe ga 50, muba hungu ga kutlhatlheka ka vontlhe vanhu va lomu tikweni. Gi tava lembe ga kutsaka ka nwina, a lembe ga jubileu; loyi ni loyi i ta tlheliselwa a xipetso xakwe, ni lezaku loyi ni loyi i ta tlhelela ngangweni wabye.

Amosi 2:6

Jehova i ngalo: Hi kota ya zionho zinharu za Israeli, kutani mune wa zona, nzi nga ta susa a xitsayiso, hakuva va xavisile loyi a lulamileko hi ku fela siliva, ni muvumali hi ku fela a patswa wa zilato.

Amosi 8:6

Hi ta xava a zisiwana hi siliva, ni vavumali hi patswa wa zilato, hi xavisa ni makaha ya mavele.

Va le Roma 7:24

Munhu wa makhombo hi mina! Himani a ta nga nzi hlanguta mirini lowu wa kufa ke?

Deuteronome 15:1

A lembe ga wuntlhanu ni mambiri gi tava lembe go tlhatlheka. Ekso. 23:10; Levi 25:3

Deuteronome 15:12

Loku makabye wa wena wa xinuna kutani wa xisati xikari ka vaHeberu a ti xavisile ka wena, yena i ta ku tirela ntlhanu wa malembe ni ginwe; zonake hi lembe ga wu 7 u ta mu tsika a huma lomu ndlwini ka wena, hakuva i tlhatlhekile.

Deuteronome 15:9

Ti wonele lezaku lomu mbilwini ya wena ku ngave na maalakanyo ya kubiha, u sangula ku ngalo: A lembe ga wu 7, a lembe ga kutlhatlhisa gi tshinele, zonake u sangula ku wona makabye wa wena hi tihlo ga kubiha, u nga ha mu nyiki nchumu; tivake lezaku yena wa rila ha wena ka Jehova, na wena u ta kuma nanzu.