Jeremia 33:6 - Tshwa Bible

⁶ Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Jeremia 33:6 Mawu Ofanana

Tisimu 147:3

Wa tangalisa lava va timbilu ti tshovekileko, A bohelela timbanga tabye.

Tisimu 37:11

Kanilezi lava va rulako va taga tshomba ya tiko, Va ta xalaliswa hi kurula ka hombe. Mat. 5:5

Tisimu 67:2

Kasi a ndlela ya wena ya tibyiwa laha misaveni, Ni kuhanyisa ka wena xikari ka matiko wontihe. Isa. 60:3; Lu. 2:30

Tisimu 72:7

A masikwini yakwe a wakululama i ta hluka; Ni kurula ku ta anza, kala a hweti yi ngave kona. Lu. 2:14

Eksodusi 34:6

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Mutshawuteli 3:3

ku nani xikhati xa ku daya, ni xikhati xa ku chuma; a xikhati xa ku khungumula, ni xikhati xa ku aka;

Isaya 2:4

I ta lamula xikari ka mifumo, a tsema timhaka ta matiko manyingi. Va ta tlomba tisupado tabye ti maha zikomu, hi matlhari yabye va ta fula mibhera. A tiko gi nga ha talwa ni ginwani, ge hambu a ku gonza kulwa. A siku ga Jehova.

Isaya 30:26

A nweti wu ta fanana ni kuwonekela ka gambo, ni kuwonekela ka gambo ku ta engetelwa hi ka ntlhanu ni kumbiri, kukotisa kuwonekela ka ntlhanu wa masiku ni mambiri, hi siku legi Jehova a ta nga bohelela a timbanga ta tiko gakwe, a holisa a timbirimbi ta kubiwa kabye.

Isaya 39:8

Hezekia aku ka Isaya: A mhaka ya Jehova leyi u yi wulileko yi nene! A engeta aku: Hakuva ku tava kona kurula ni kutshameka masikwini ya mina.

Isaya 54:13

Vontlhe a vana va wena va ta maha vapizani va Jehova, A vana va wena va tava ni kurula ka hombe. Joh. 6:45; Rom. 5:1

Isaya 55:7

A wa kubiha ngha a tsika ndlela yakwe, Ni loyi a nga lulamangiko a tsike maalakanyo yakwe; Ngha a tlhelela ka Jehova, na yena i tava ni tipswalo kakwe, Ni ka Nungungulu wa hina, hakuva i ta tsetselela hi matsenya.

Isaya 57:18

Nzi wonile tindlela takwe, Kanilezi makunu nzi ta mu hanyisa; Nzi ta mu rangela nzi mu chavelela ni lava a rilako navo.

Isaya 57:19

Nzi ta veka kukhesa milonwini ya vanhu: Kurula ka loyi a nga le kule, Ni kurula ka loyi a nga kusuhani! Ku wula Jehova: Nzi ta mu hanyisa. Efe. 2:17; Maheb. 13:15

Isaya 58:8

Zonake a kuwonekela ka wena ku ta woneka kota wuronga, Ni xilonza za wena zi ta hatlisa ku hola, A kululama ka wena ku ta ku rangela Ni wukulu ga Jehova gi ta ku vikela lenzhako.

Isaya 66:12

Hakuva Jehova i ngalo: Nzi ta mu nehela, kurula ko khwatsi i congo, Ni wukosi ga matiko ko fanana ni congo wu hlatako; Zonake mu ta anwa, mu tlakuliwa, mu wukarelwa.

Jeremia 17:14

Nzi chume Jehova, nzi tava nzi chumilwe, Nzi hanyise, nzi tava nzi hanyisilwe; Hakuva hi wena a wudzunzo ga mina.

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Hosea 7:1

Loku nziku hi ku chuma Israeli, zonake ku woneka a zigoho za Efraime ni kubiha ka Samaria, hakuva va tira kukhohlisa. A makhamba ma enghena ni ntlawa wa vaphangi wa phanga hi lahandle.

Mika 4:3

I ta lamula matiko manyingi, a kawuka a matiko laʼya ntamu ma nga le kule. Va ta betha tisupado tabye ti maha zikomu, a matlhari yabye ma maha tipanga. A tiko ginwe gi nga ta vukela ginwani hi matlhari, cima va nga ta ha gonza kulwa kambe.

Mika 7:20

U ta tsumbeka ka Jakobe, Abrahama u mu mahela Wuxinji legi u nga gi hlambanyela a vadadani va hina kaleloko.

Malaki 4:2

Kanilezi nwina lava mu chavako vito ga mina mu ta tsuwukelwa hi gambo ga kululama, na gi hi ni kuhanyisa tipapeni ta gona. Mu ta huma mu khana ku fanana ni marole ma tlhatlhekileko rangeni.

Johani 10:10

A khamba gi tela ntsena ku ta yiva, ni ku tlhava, ni ku daya. Mina nzi tile kasi ti fela ku kuma wutomi, tiva nago hi kuteleko.

Va le Efesusi 6:23

A kurula a kuve ni vamakabye, ni liranzo zinwe ni kukholwa ka le ka Nungungulu a Dadani, ni Hosi Jesu Kristu.

Deuteronome 32:39

Cuwukani makunu lezaku hi mi na nzoce nzi nga Nungungulu, Lezaku a ku kona munwani nungungulu ahandle ka mina. Hi mina nzi dayako, hi mina nzi hanyisako; Nza balesa phanja, nzi tlhela nzi holisa; A ku na munhu loyi a tlhatlhisako canjeni ga mina. 1 Sam. 2:6; Isa. 45:5; Hos. 6:1

1 Pedro 1:3

A khesiwe Nungungulu tlhelo Dadani wa Hosi ya hina Jesu Kristu, loyi hi kota ya wuxinji gakwe ga hombe a nga hi beleka luswa, hiva ni kutsumba ku hanyako hi kuvuka ka Jesu Kristu hi ka vafileko, 1 Kor. 15:20; 1 Tes. 4:14; Jak. 1:18