Jeremia 33:11 - Tshwa Bible

¹¹ ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 33:11 Mawu Ofanana

1 Kronekele 16:34

Dumisani Jehova, hakuva i nene. Hakuva a wuxinji gakwe gi tshamile kala kupinzuka.

1 Kronekele 16:8

Dumisani Jehova, mu khongela hi vito gakwe! Banani hungu xikari ka matiko hi mitiro yakwe ya hombe!

2 Kronekele 20:21

Laha a nga wa bohile xikungo ni vanhu, i lo hlawula lava va ta nga yimbelela mahlweni ka Jehova ni ku mu dumisa, na va ambele tinguwo ti basileko, va ranga mahlweni ka yimpi, vaku: Dumisani Jehova, hakuva a wuxinji gakwe gi tshamile kala kupinzuka!

2 Kronekele 29:31

Zonake Hezekia i lo wulawula, aku: Kota lezi mu ti nyikeleko ka Jehova, makunu tshinelani mu neha a miphahlelo ni minyikelo ya kubonga lomu ndlwini ya Jehova! Wontihe tlhangano wu lo neha a miphahlelo ni minyikelo ya kubonga; a vanyingi lava va nga wa zi ranza va lo nyikela muphahlo wa kuhiswa.

2 Kronekele 5:13

A vabi va mipunzu ni vayimbeleli va lo yimbelela khatiginwe, hi gezu ginwe a ku dumisa ni ku bonga Jehova. Laha va nga waba mipunzu ni tingoma, ni tinwani timbila, na va kari va yimbelela vaku: Dumisani Jehova hakuva i lulamile, hakuva a wuxinji gakwe gi simamisile kala kupinzuka! a yindlu ya Jehova yi lo tatiswa hi refu,

2 Kronekele 7:3

Laha vontlhe va ka Israeli va nga wa wonile a nzilo ni kungangamela ka Jehova, na zi relela lomu ndlwini, va lo korama lahasi liranzabyeni, va khizama va dumisa Jehova, vaku: Hakuva yena i lulamile, hakuva a wuxinji gakwe ga kala kupinzuka.

Ezra 6:22

Va lo maha a mubuzo wa zibaba zi nga hiko na comelo, 7 wa masiku na va tsakile; hakuva Jehova i wa va tsakisile, ni ku kucetela a mbilu ya hosi ya Asiria lezaku yi tiyisa a mandla yabye mitirweni ya yindlu ya Nungungulu wa ka Israeli.

Nehemia 12:43

Lego siku va lo nyikela miphahlo ya hombe, va tsaka, hakuva Nungungulu i wa va nyikile litsako la hombe; a vavasati ni vanana va lo tsakawu. Hikwalaho a litsako la Jerusalema ku lo zwala kule.

Nehemia 8:12

A vanhu vontlhe va lo ti fambela va yaga, vanwa, va rumela zakuga ka vanwani, va ti tsakela, hakuva va wa ti pimile a timhaka leti ti nga wa tlhatlhambutelwe kabye.

Tisimu 106:1

Dumisani Jehova! Khesani Jehova, hakuva i nene; Hakuva a wuxinji gakwe gi simamisa kala kupinzuka.

Tisimu 107:1

Bongani Jehova, hakuva i nene, Hakuva a wuxinji gakwe gi simamisa kala kupinzuka.

Tisimu 107:22

A va humese a miphahlo ya kubonga, Va tlhatlhambutela mitiro yakwe hi kutsaka.

Tisimu 116:17

Nzi ta nyikela ka wena a muphahlo ya kubonga, Nzi ta khongela vitweni ga Jehova.

Tisimu 147:13

Hakuva i tiyisile a zikwinyaro za tinyangwa ta wena, I katekisile a vana va wena va nga xikari ka wena.

Tisimu 85:7

Jehova, hi kombise a wuxinji ga wena, U hi nyika kuhanyisa ka wena.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 51:3

Hakuva Jehova i ta zwela wusiwana Zioni, I ta zwela wusiwana a marumbi yakwe wontihe; A xiwula xakwe i ta xi maha xi fanana ni Edeni, Ni mapanya yakwe ma ta fanana ni simu ga Jehova. Ku tava kona kutsaka ni migiyo lomo, A zigingi ni magezu ya wucenje. Tis. 102:25; Lu. 21:33

Isaya 52:8

A varinzeli va wena va ta kanyuluka, va yimbelela vontlhe hi gezu ginwe, Hakuva hi mahlo yabye va ta wona a kuwuya ka Jehova le Zioni.

Isaya 52:9

Giyani, mu yimbelela khatiginwe, nwina marumbi ya Jerusalema; Hakuva Jehova i chavelele a vanhu vakwe, i tlhatlhisile Jerusalema!

Jeremia 16:9

Hakuva Jehova wa tiyimpi, a Nungungulu wa Israeli, i ngalo: Languta, a wutshanwini legi nzi ta miyeta a magezu ya litsako ni kunengela, ni ya muteki ni mutekiwa, a kuwoneni ka nwina a ka masiku laya.

Jeremia 17:26

Va tata hi le mitini ya Juda, ni le matlhelweni ya Jerusalema, ni le tikweni ga Benjamini, ni mikoveni, ni le zitsungeni, ni le Dzongeni, va neha minyikelo yo hiswa ni miphahlo, ni minyikelo ya mapa, ni hlakati, ni minyikelo ya ku khesa lomu ndlwini ya Jehova.

Jeremia 25:10

Nzi ta miyeta xikari kabye a gezu ga kutsaka ni kuhlakana, a gezu ga muteki ni mutekiwa, a guwa ga maribye ya xigayo, ni kuwonekela ka kandiya. Jer. 7:34; Kuv. 18:22

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 30:19

Ku ta huma kona a kukhesa ni magezu ya litsako; Nzi ta va anzisa, va nga hunguleki; Nzi ta va kulisa, va nga ta ha kanyiswa.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Jeremia 7:34

A mitini ya ka Juda ni lomu maruweni ya Jerusalema nzi ta miyeta a gezu ga kutsaka ni kuhlakana, a gezu ga muteki ni mutekiwa; hakuva a tiko gi ta maha rumbi. Isa. 24:7; Ezek. 26:13

Amosi 9:14

Nzi ta tlhelisela a vabohiwa va vanhu va mina va Israeli, va ta aketa a miti leyi yi nga hi marumbi va tshama ka yona; va ta byala zivina, vanwa a vinya ga zona; va rima masimu, vaga a mihanzu ya wona. Deut. 28:30, 39; Am. 5:11

Jona 2:9

Kanilezi nzi ta ku phahlela hi gezu ga kubonga, Nzi ta humesa lezi nzi zi fungileko. A kuhanyisa kuta hi ka Jehova. Tis. 50:14

Nahume 1:7

Jehova i nene, i khokhola a sikwini ga zikarato; wa va tiva lava va mu tsumbako.

Zefania 3:14

Yimbelela, wena nhanyana wa le Zioni! Khana wena Israeli! Tsaka, u nengela hi mbilu ya wena yontlhe, wena nhanyana wa Jerusalema!

Zakaria 10:7

A va ka Efraime va ta ku khwatsi tinhenha, a timbilu tabye ti ta tsaka khwatsi hi loku va nwile vinya. Ina, a vanana vabye va ta zi wona va tsaka; a timbilu tabye ti ta tsakela Jehova.

Zakaria 8:19

Jehova wa tiyimpi i ngalo: A masiku ya kuyila ka hweti ya wumune, ni ka ya wuntlhanu, ni ka ya wuntlhanu ni timbiri, ni ka ya wukhume, ma ta maha masiku ya litsako ni kunengela ka yindlu ya ka Juda ni mibuzo yo saseka; hikwalaho ranzani a zinene ni kurula.

Zakaria 9:17

Hakuva a kuvuvuma kabye ka hombe nguvu, ni wumbhuri gabye ga hombe nguvu! A mavele ma ta kulisa a majaha, ni vinya giswa a vanhwana. Deut. 33:28

Johani 3:29

Loyi a nga ni mutekiwa hi yena muteki; kanilezi a nyatsumi wa muteki, loyi a yimako kona a muzwa, wa tsaka nguvu hi kota ya gezu ga muteki; hi kona kutsaka loku ku tatisekileko ka mina. Mat. 22:2; Efe. 5:25; Kuv. 21:9

Maheberu 13:15

Hikwalaho a hi maheleni Nungungulu ha Jesu a muphahlo wa kubonga lowu wu simamisako, lezo hiku ngalo, a mbhanzo wa milomu leyi yi dumisako vito gakwe. Levi 7:12; Hos. 14:2; Efe. 5:20

Kuvululelwa 18:23

A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. Isa. 23:8; Jer. 7:34; 25:10