Jeremia 32:5 - Tshwa Bible

⁵ i ta yisa Zedekia le Babuloni, a ya tshama kona kala mina nzimu enzela, ku wula Jehova. Loku muiwa ni maKaldea mu nga ta humelela?

Jeremia 32:5 Mawu Ofanana

2 Kronekele 13:12

Makunu langutani, Nungungulu i na hina a hi rangela, zinwe ni vapristi vakwe, ni mipunzu leyi Va bako kasi ku mu hangalasa. O, va ka Israeli, mu nga hlomi yimpi muiwa na Jehova Nungungulu wa vararu va nwina, hakuva cima mu nga ta hlula.

2 Kronekele 24:20

A Moya wa Nungungulu wu lota ka Zakaria nʼwana mupristi Jehoiada; i lo yima mahlweni ka vanhu, aku kabye: Nungungulu i ngalo: Hi kuyini mu hambunyetako milayo ya Jehova? Cima mu nga ta vuvuma, hakuva kota lezi mu tsikileko Jehova, yenawu i mu tsikile. Vala. 6:34; Lu. 24:49

Mavingu 21:30

A gi kona wutlhari, kutani kupima, e hambu wusungukati legi gi hlulako Jehova.

Jeremia 2:37

Na zona u ta huma kona na u tlhatekile a mandla ya wena hlokweni, Hakuva Jehova i alile lava u va tsumbako, U nga ta humelela ha vona. 2 Sam. 13:19

Jeremia 27:22

Zi ta yisiwa Babuloni, zi ya tshama kona kala siku nzi to zi lava ha gona, ku wula Jehova, nzi zi wuyisa ka legi wutshamu. 2 Kro. 36:22; Ezra 1:1, 7

Jeremia 32:24

Hi nga wona a tigingisi va vimbezeleko muti ha tona kasi ku wu teka; a muti wu nyikelwe mandleni ya maKaldea lava va lwako nawo, hi kota ya tisupado ni ndlala ni ntungu. Lezi u nga zi wula za tatiseka, wa zi wona.

Jeremia 32:6

Jeremia aku: A mhaka ya Jehova yi tile ka mina, yiku:

Jeremia 33:5

Va enghena ka tona kasi kulwa ni maKaldea, kanilezi ti ta tala ni zirumbi za vanhu lava nzi va dayako a zangeni ya mina, ni xiviti xa mina, lava nzi fihleleko muti lowu a nghohe ya mina hi kota ya kubiha kabye.

Jeremia 37:10

Hakuva hambu loku mu wa lo hihirita a yimpi yontlhe ya maKaldea lawa ma mu vukelako, na ku sele ntsena vo bayisiwa, a munwe ni munwani wabye i wa ta huma hi lomu tendeni gakwe, a ta hisa lowu muti hi nzilo.

Jeremia 39:4

Kute loku Zedekia hosi ya ka Juda, ni vontlhe vavanuna va yimpi va va wonile, va lo pfowola va kinzimuka mutini ni wusiku, hi ndlela ya xivina xa hosi, hi nyangwa yi nga xikari ka makhurisi mambiri, va huma hi ndlela ya Araba.

Jeremia 39:5

Kanilezi a yimpi ya maKaldea yi lo va hlongolisa, vaya kamanyeta Zedekia le minkoveni ya Jeriko, va mu yisa ka Nebukadrezzare hosi ya Babuloni, le Ribla a tikweni ga Hamate, a ya lamuliwa kona.

Jeremia 39:7

I lo thodola a mahlo ya Zedekia, a mu roja hi mangenje kasi ku mu yisa le Babuloni.

Mikosi 1:14

A muyoka wa zihambunyeto za mina wu bohilwe hi canja gakwe, Zi bohene khatiginwe nhanwini ya mina, a mbheta ntamu wa mina. A Hosi yi nzi nyikele mandleni ya lava nzi nga zi kotiko kulwa navo.

Ezekieli 12:12

A hosana leyi yi nga xikari kabye yi ta rwala a nhunzu ya yona makatleni ni wusiku, yi huma. Va ta bhoxa a ligingisi kasi a huma ha kona ni nzhwalo wakwe; i ta fenengeta a nghohe yakwe kasi a nga woni misava hi mahlo yakwe.

Ezekieli 12:13

Nzi ta mu phasa hi likoka la mina; nzi mu yisa Babuloni, a tikweni ga maKaldea. Kanilezi a nga ta gi wona, hambu lezi a to fela kona. 2 Tih. 25:4; Jer. 52:11

Ezekieli 17:15

Kanilezi i yi hluwukile hi ku rumela a mitsukano le Gipite, kasi va fela ku mu nyika mahaxi ni yimpi ya hombe. I ta kula ke? A nga pona loyi a mahako a zakunghaho ke? A nga tshova a xivumelwano a wuya a pona ke?

Mitsengo 14:41

Zonake Mosi aku: Mu hambunyetela yini kuleletela ka Jehova? Cima mu nga ta humelela!