Jeremia 32:39 - Tshwa Bible

³⁹ Nzi ta vaha mbilu yinwe nzi va gonzisa ndlela yinwe, ya ku nzi chava kala kupinzuka; va ta kateka, vona ni vana vabye anzhako kabye,

Jeremia 32:39 Mawu Ofanana

Genesisi 17:7

Nzi ta tiyisa a xivumelwano xa mina zinwe na wena, ni ka pswalo wa wena anzhako ka wena ni ka zizukulwana za wena, xi tava xivumelwano xi nga gumesiko, nzi tava Nungungulu wa wena ni wa pswalo wa wena anzhako ka wena.

Genesisi 18:19

Hakuva nzi mu hlawulile lezaku i ta laya a vanana vakwe, ni ngango wakwe a nzhako kakwe, kasi va hlayisa a ndlela ya Jehova, va maha kululama ni zinene; kala Jehova a mu nyika lezi a mu tsumbisileko zona.

Genesisi 22:12

Yiku ngalo: U nga tlhateki a canja ga wena ka mufana, u nga mahi nchumu ka yena; hakuva makunu nza zi tiva lezaku wa mu chava Nungungulu, lezi u nga kala ku ala ni nʼwana wa wena wa munwe. Jak. 2:21

2 Kronekele 30:12

A canja ga Jehova gi wa hi zinwe ni vanhu va tiko ga ka Juda, gi va nyika a mbilu yinwe ya ku maha khwatsi hi lezi a hosi ni tihosana va leleteleko hi gezu ga Jehova.

Tisimu 112:1

Dumisani Jehova! I katekile a munhu loyi a chavako Jehova, Loyi a tsakelako nguvu milayo yakwe.

Tisimu 128:6

Futsi, u ta wona a vana va vana va wena. A kurula a kuve hehla ka Israeli. Joba 42:16; Gal. 6:16

Tisimu 86:11

Jehova, nzi gonzise a ndlela ya wena, Nzi ta famba zineneni za wena; Maha mbilu ya mina yi chava vito ga wena.

Mavingu 23:17

U nga vumeli a mbilu ya wena yi va ni makangwa hi za vaonhi; anilezi chava Jehova gontlhe siku.

Isaya 35:8

A gonzo gi tava kona laho, ni ndlela, Leyi yi ta nga vitanwa aku i Ndlela yi basileko; A vangahlazekangiko va nga ta hunza ha yona, Yi tava ya vona voce; Lava va ta nga famba ndleleni leyo, Hambu loku va hi zipumbu va nga ta lahleka. Joh. 14:6; Kuv. 21:27

Isaya 52:8

A varinzeli va wena va ta kanyuluka, va yimbelela vontlhe hi gezu ginwe, Hakuva hi mahlo yabye va ta wona a kuwuya ka Jehova le Zioni.

Isaya 65:23

Va nga ta ti karatela mahala, Va nga ta beleka vanana kasi ku fela khombyeni, Hakuva va tava lixaka leli li katekisilweko hi Jehova; A vana vabye va ta hanya zinwe navo. 1 Kor. 15:38

Jeremia 24:7

Nzi ta vaha timbilu to nzi tiva lezaku hi mina Jehova; vona va tava vanhu va mina, mina nzi tava Nungungulu wabye, loku va tlhelela ka mina hi mbilu yabye yontlhe. Deut. 30:6; Maheb. 8:10

Jeremia 31:33

Kanilezi lexi hi xivumelwano nzi to xi maha ni yindlu ya ka Israeli Anzhako ka lawo masiku, ku wula Jehova: Nzi ta veka nayo wa mina nzeni kabye, Nzi wu tsala timbilwini tabye; Nzi tava Nungungulu wabye, Na vona va tava vanhu va mina. Ezek. 11:19; 2 Kor. 6:16

Jeremia 32:40

Nzi ta maha navo a xivumelwano xi nga gumelwiko, lezaku nzi nga ta va fularela, nzi nga tsiki ku va katekisa; nzi veka xichawo xa mina timbilwini tabye, lezaku va nga ha nzi fulareli.

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Ezekieli 36:26

Nzi ta mu nyika a mbilu yiswa, nzi mu chela a moya muswa. Nzi ta susa ambilu ya ribye nyameni ya nwina, nzi mu nyika a mbilu ya nyama. Jer. 31:33; 32:39; Maheb. 10:16

Ezekieli 37:22

Nzi ta va maha mufumo munwe laha tikweni, hehla ka zitsunga za ka Israeli, vontlhe va ta fumelwa hi hosi yinwe; va nga ha ta kuva matiko mambiri kambe, va nga ha ta avanyiswa hi mifumo mimbiri. Hos. 1:11; Joh. 10:16

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Ezekieli 37:25

Va ta aka tikweni legi nzi gi nyikileko Jakobe a nanza ga mina, lomu ku nga wa akile a vakoko va nwina. Va ta aka lomo, vona ni vana vabye, ni vazukulu vabye kala kupinzuka. Davida a nanza ga mina i tava hosi yabye kala kupinzuka.

Johani 14:6

Jesu aku kakwe: Mina nzi ndlela, ni zinene, ni wutomi; a nga kona a tako ka Dadani, loku a ngati ha mina. Xip. 1:4; 8:32; 10:9; Maheb. 9:8

Johani 17:21

aku kasi vontlhe va fela kuva munwe, kota lezi wena Dadani u nga ka mina, na mina nzi nga ka wena, lezaku na vona va fela ku tshama ka hina; kasi a tiko gi ta kholwa lezaku u nzi rumile. Xip. 10:38; Rom. 12:5; Gal. 3:28

Mitiro 13:33

lezaku Nungungulu i xi tatisile ka hina, vana vabye, hilezi a nga vuxa Jesu; kota lezi ku tsalilweko lomu ka Lisimu la wumbiri, ku ngalo: Wena u Nʼwana wa mina, nzi ku psweleko nyamutlha. Tis. 2:7; Maheb. 5:5

Mitiro 2:39

Hakuva xitsumbiso xi ka nwina, ni ka vana va nwina, ni vontlhe lava va nga le kule, ka munwe ni munwani loyi Hosi Nungungulu wa hina a ta nga mu vitana. Rom. 9:8; Joeli 2:28; Efe. 2:13

Mitiro 3:26

Nungungulu i sangulile hi nwina, a mu humesela a Nanza gakwe Jesu, a mu rumela a ku ta mu katekisa, hi ku mu hunzulukisa nwentlhelele, mu tsika a zionho za nwina.

Mitiro 4:32

Hi linyingi la vona lava va kholilweko va wa hi va mbilu yinwe ni muhefemulo munwe; ku wa nga hi kona ni munwe a ngaku ngalo, a zilo a nga nazo za yena yece; kanilezi va lo hlengela zilo zontlhelele. Rom. 15:5; Fil. 1:27; 1 Ped. 3:8; Xip. 2:24

Mitiro 9:31

Lezo a handla gi wa hi ni kurula a Judia gontlhe, ni le Galilea, ni le Samaria; gi lo akiswa gi famba kuchaveni ka Hosi ni kutangalisweni ka Moya wa ku Basa. Tis. 119:165

Va le Roma 11:16

Loku a xibaba xo sangula xi basile, yi basile ni mbila yontlhe; ni loku a mutsu wu basile, ma maha lezo ni maravi. Levi 23:10

1 Va le Korinte 7:14

Hakuva a wanuna loyi a nga kholwiko i basisilwe hi kota ya sati wakwe, ni wasati loyi a nga kholwiko i basisilwe hi nuna. Loku zi wa nga hi lezo ngha vanana va nwina va nga hlazekangi, kasike lezi va basile. Mal. 2:15

2 Va le Korinte 13:11

Hi kugumesa vamakabye, tsakani mu mbheleliswa, ni ku tangalisana. Ngha mu hi ni kupima kunwe, mu tshama hi kurula; Nungungulu wa liranzo ni wa kurula i tava na nwina. Rom. 12:16; 1 Kor. 1:10; 1 Ped. 3:8

Deuteronome 5:29

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Deuteronome 6:2

kasi u fela ku chava Jehova Nungungulu wa wena, na u kari u hlayisa yontlhe milayo yakwe, ni zileletelo zakwe lezi nzi ku byelako; u ta zi hlayisa wontihe masiku ya wutomi ga wena, wena ni nʼwana wa wena, ni zukulu wa wena, kasi masiku ya wena ma ta anza.

Deuteronome 6:24

Na Jehova i hi leletele ku hlayisa yontlhe milayo leyi ni ku yi maha, na hi kari hi chava Jehova Nungungulu wa hina, kasi hi fela ku tshameka xontlhe xikhati, kasi wa fela ku hi hlayisa hi hanya kala nyamutlha lezi.

Maheberu 10:20

hi ndlela leyi a hi longiseleko yona, a ndlela yiswa yi hanyako yo tsemakanya a xisirelo, lezo hi ku ngalo, hi nyama yakwe; Joh. 14:6