Jeremia 32:18 - Tshwa Bible

¹⁸ wena loyi u maheleko wuxinji ka makume mazana, u tlhelisa a kubiha ka vadadani zifuveni za vana vabye anzhako kabye; u wa hombe, Nungungulu nyamintamu, Jehova wa tiyimpi hi vito ga wena. Ekso. 20:5; 34:7; Deut. 5:9

Jeremia 32:18 Mawu Ofanana

Genesisi 49:24

Kanilezi a wura gakwe gi tshamile gi tiyile; Mawoko ni mandla yakwe zi tiyisilwe Hi mandla ya Nyamintamu wa Jakobe, Loyi a nga Murisi tlhelo Ribye ga Israeli.

2 Tihosi 9:26

Hizinene, kota lezi nzi wonileko a nkhata wa Nabote tolo, ni nkhata wa vana vakwe, nzi ta tlhelisela ka wena kota zalezo ka legi simu. Hikwalaho mu tlakule u mu hoxa lomu ka gona, khwatsi hi lezi Jehova a wulileko.

Nehemia 1:5

nziku: Nza ku khongotela Jehova, wena Nungungulu wa tilo, Nungungulu wa hombe a chavekako, loyi a hlayisako a xivumelwano, a mahela wuxinji lava va mu ranzako va hlayisako zileletelo zakwe, Ekso. 20:6; Mitse. 14:18; Dan. 9:4

Tisimu 50:1

Nungungulu, a nga Nungungulu Jehova, i wulile, Na vitana misava kusukela Mutsuwuka-gambo kala Muhlwa-gambo.

Tisimu 89:9

U fumela a kutikukumuxa ka bimbi, Loku a mabyandlati ya gona ma vindluka, wa ma rutisa.

Eksodusi 34:6

Zonake Jehova i lo hunza mahlweni kakwe, na aku: Jehova, Jehova, Nungungulu wa wuxinji ni tipswalo, loyi a nonokako ku zangara, loyi a teleko hi wuxinji ni kutsumbeka; Mitse. 14:18; Neh. 9:17; Joeli 2:13; Jona 4:2

Eksodusi 34:7

loyi a nga ni wuxinji ka khume ga mazana, loyi a tsetselelako munhu wa kubiha, ni wa kuhambuka ni kuonha; kanilezi lava va nga ti soliko hi milanzu leyi va nga nayo a nga va rivaleli; kanilezi i tsayisa a vanana ni vazukulu kala ku chikela ka xizukulwana xa wunharu ni xa wumune, hi kota ya kuonha ka vapswali vabye. Joba 9:2; Jer. 32:18; Nah. 1:3

Isaya 10:21

A misalela yi ta hunzuluka, A misalela ya Jakobe yi ta tlhelela ka Nungungulu wa ntamu.

Isaya 57:15

Hakuva Loyi a Tlakukileko a nga le hehla-hehla, Loyi a tshamako kala kupinzuka, Loyi a vitwako A Basileko, i ngalo: Nzi tshama wutshanwini gi tlakukileko, ga kubasa, Nzi tshama kambe zinwe ni loyi a ti solisako, A nga ni moya wa ku ti koramisa; Kasi ku vuxa a mimoya ya lava va ti koramisako, Nzi vuxa timbilu ta lava va ti Solisako. Tis. 34:18; Lu. 1:48

Isaya 9:6

Hakuva hi pswalelwe nʼwana, hi nyikilwe a nisanyana, A wuhosi gi vekilwe makatleni yakwe; Yena i ta vitanwa ku Sungukati gi Hlamalisako, Nungungulu Nyamintamu, Dadani wa Pinzukelwa, Hosi ya Kurula. Lu. 1:31; Rom. 8:32; Efe. 2:14

Jeremia 10:16

Loyi a nga xiavelo xa ka Jakobe a nga fanani na zona; Hakuva hi yena muvangi wa zilo zontlhe; Israeli lixaka la tshomba yakwe, Jehova wa tiyimpi hi vito gakwe. Deut. 4:19; 32:9

Jeremia 10:6

A nga kona a fananako na wena, O Jehova; U wa hombe, a vito ge wena ga hombe hi ntamu.

Jeremia 20:11

Kanilezi Jehova i zinwe na mina Kota a nhenha yi chavisekako; A vaxanisi va mina va ta khungu vanyeka, va nga nzi hluli; Kanilezi va ta si koyo tingana, hakuva a va mahangi hi wutlhari; Ti tava tingana ti nga mbheliko, leto ti nga hiko na ku rivalwa.

Jeremia 31:35

Jehova loyi a nyikako a gambo a ku woningela ni mumu, Loyi a vekileko a hweti ni tinyeleti a kuva zi woninga wusiku, Loyi a vindlusako a bimhi kasi a mabyandlati ya gona ma dzinza-dzinza; Jehova wa tiyimpi hi vito gakwe; i ngalo;

Jeremia 33:2

Ku wula Jehova loyi a tirako ntiro wakwe, Jehova loyi a wu longisako ni ku wu maha; Jehova hi vito gakwe: Ekso. 15:3

Jeremia 50:34

Kanilezi a mutiruli wabye ngwa ntamu, loyi a vito gakwe a nga Jehova wa tiyimpi. Hizinene i ta va yimela mhakeni yabye, kasi a vanga kurula laha misaveni, a vindlukisa a vaaki va le Babuloni.

Danieli 2:45

Lezi za komba a ribye legi u nga gi wona na gi lemuka laha xitsungeni, gi ta fayetela a xiketse, ni suku, ni wumba, ni siliva, ni nzalama. A Nungungulu wa hombe i tivisile hosi lezi zi ta nga maheka anzhako ka lezi. A noro wu tiyisile, ni tlhamuselo wa wona wu wula zinene.

Habakuka 1:12

Kasi a ku sukeli kupinzukeni, wena Jehova Nungungulu wa mina, Loyi a Basileko wa mina ke? Hi nga tafa! Jehova, wena u va vekele kulamulwa; wena u nga Ribye ga hina, u va yimisele a kutsayiswa.

Mitsengo 14:18

Jehova wa nonoka ku zangara, i tele hi wuxinji, wa tsetselela a zionho ni zihambuko; kanilezi a vaonhi a nga va khomi kota lava va nga hiko ni nanzu, kanilezi wa tlhelisela kuonha ka vadadani hehla ka vanana vabye, kala ka xizukulwana xa wunharu ni xa wumune.

Mateu 27:25

A vanhu vontlhe va lo hlamula, vaku: A nkhata wakwe a wuve hehla ka hina, ni hehla ka vana va hina. Deut. 19:10; Jox. 2:19; 2 Sam. 1:16

Luka 6:38

Nyikani, ku ta nyikiwa ka nwina; va ta mu nyika xifuveni xa nwina a xiringaniso xi nene, xi kanyetelweko, lexi xi kuhlungelweko xi halakela. Hakuva hi lipimo lolu mu pimelako vanwani ha lona, mu ta pimelwawu ha lona. Tis. 79:12; Mav. 19:17; Mar. 4:24

Deuteronome 10:17

hakuva Jehova Nungungulu wa nwina i Nungungulu wa vanungungulu, ni Hosi ya tihosi, i Nungungulu wa hombe, wa mintamu, ni loyi a chavekako, loyi a nga hlawuliko a nghohe ya munhu, loyi a nga amukeliko ku rengelelwa; 2 Kro. 19:7; Joba 34:19; Miti. 10:34

Deuteronome 7:21

Wena u nga dzukiswi ha vona, hakuva Jehova Nungungulu wa wena i kona xikari ka wena, i Nungungulu wa hombe, wo tshisa.