Jeremia 32:10 - Tshwa Bible

¹⁰ Nzi lo tsala a papilo ga xavo, nzi gi tiyisa, na nzi hi ni timboni; zonake nzi lo pima mali xikalweni.

Jeremia 32:10 Mawu Ofanana

Genesisi 23:16

Abrahama i lo ingisa ka Efroni; na Abrahama i lo ringanisela Efroni a siliva leyi a yi wulileko tindleveni ta vanana va Heti, 400 ya maxekeli ya siliva, a mali yi amukelekako ka vaxavisi.

Genesisi 23:20

Zonake a simu ni mhako ya gona, zi lo tiyiswa a kuva za Abrahama hi vanana va Heti, xi lo maha xilahla xakwe.

Joba 14:17

A zihambunyeto za mina zi lemilwe lomu kwameni, Wa veka xifungo ka zigoho za mina.

Xizimba xa ka Solomoni 8:6

Nzi nameketa mbilwini ya wena kota xifungo, Khwatsi hi xifungo laha wokweni ga wena; Hakuva a liranzo li nani ntamu wo fanana ni wa kufa; Ni xiluse xi nonoha kukotisa Xeoli; A kuhisa ka xona ku khwatsi kuhisa ka nzilo, I langavi ga Jehova.

Isaya 30:8

Makunu, famba u ya zi tsala lomu ka bakwa mahlweni kabye, u zi tsala ni lomu bhukwini, kasi za hlayiselwa zikhati zi tako, xiva xikombiso xa pinzukelwa.

Isaya 44:5

Munwe i taku: Mina nzi wa Jehova: A munwani i ta ti vitana hi vito ga Jakobe; A wa wunharu i ta tsala canjeni gakwe, aku: Nzi lumba Jehova, A ti vitana hi vito ga Israeli a kuva xibongo xakwe.

Jeremia 32:12

nzi lo hendleleta a papilo ga xavo ka Baruke a nʼwana Neria, a nʼwana Maseya, a mahlweni ka Hanameli a nʼwana raru tsongwani, wa mina, ni mahlweni ka vakustumunyu lava va sinarileko papilo ga xavo, ni mahiwani ka vontlhe vaJuda lava va nga tshama hubyeni ya vanyakasani.

Jeremia 32:25

Hosi Nungungulu, hambu zi hi tano, u wa te ngalo ka mina: Ti xavele a simu legi, u va ni timboni, kasi lezo a muti wu nyikilwe mandleni ya maKaldea.

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Danieli 8:26

A muwoniso lowu wu wulilweko wa mixo ni gambo ngwa lisine; kanilezi wu hlayise, hakuva ngwa masiku ma ha tako.

Mateu 27:66

Lezo va lo famba, va ya lavelela xilahla, va xi tiyisa hi ku veka xifungo laha ribyeni, va veka varinzeli laha nyangweni. Dan. 6:17

Johani 3:33

Loyi a amukelako a wukustumunyu gakwe, wa tiyisa lezaku Nungungulu i tsumbekile. Rom. 3:4; 1 Joh. 5:10

Johani 6:27

Mu nga tireli a zakuga lezi zi mbhelako, kanilezi tirelani a zakuga lezi zi simamisako wutomini ga pinzukelwa, lezi a Nʼwana wa munhu a ta nga mu nyika zona; hakuva hi yena loyi a vekilweko xifungo hi Dadani, loyi a nga Nungungulu. Mat. 3:17; 17:5; Xip. 4:14

2 Va le Korinte 1:22

i vekile ka hina a xifungo xakwe, a zima seve timbilwini ta hina hi Moya. Efe. 1:13, 14; 2 Tim. 2:19; Kuv. 2:12

Va le Efesusi 1:13

Nwina kambe laha na mu zwile a mhaka ya zinene, yi nga ivangeli ya kuhanyiswa ka nwina, na mu kholilwe mu lo fungiwa hi Moya wa ku Basa lowu wu tsumbisilweko, 2 Kor. 1:22

Va le Efesusi 4:30

Mu nga vangeli wusiwana a Moya wa ku Basa wa Nungungulu, lowu mu nga fungiwa ha wona hi kota ya siku ga kutirulwa. Isa. 63:10; Rom. 8:23

Deuteronome 32:34

Xana zontlhe lezi a zi hlayiswangi magombeni ya mina, A zi vekwangi lomu bakweni ga mina ke?

Joxua 18:9

A vavanuna lavo va lo famba va tsemakanya tiko va tsalela miti ya gona lomu ka mapapilo, va gi avanyisa hi 7 wa zipanze. Zonake va lo wuya ka Joxua le wugovelweni ga le Xilo.

Kuvululelwa 7:2

Zonake nzi lo wona yinwani ngelosi na yi huma hi le Mutsuwuka-gambo, yi hi ni xifungo xa Nungungulu a hanyako. Yi loba hungu hi gezu ga hombe ka tingelosi leti ta mune ti nyikilweko a ntamu wa ku onha a misava ni bimbi,

Kuvululelwa 9:4

Yi lo leletelwa lezaku yi nga onhi a byanyi ga misava, hambu ni zibyalo zo nyuka, hambu ni tisinya, sine vanhu lava va nga hiko na xifungo xa Nungungulu zimombyeni zabye. Ekso. 12:23; Ezek. 9:4; Xip. 8:7

Rute 4:1

Boazi i loya le hubyeni a ya tshama laho. I lo wona loyi wa xaka a nga mu wula na ata; aku kakwe: He sawe! Hi ngata u ta tshama laha! I lo hambuka a ya tshama laho.