Jeremia 31:8 - Tshwa Bible

⁸ Nzi ta va wuyisa hi le tikweni ga Nwalungu, Nzi va tsombanyisela hi le magemeta-musi ya misava; Zinwe navo ku ni zikhumu ni zilema, A va tinyimba ni loyi a ha lunwako; Va ta wuya na va hi xidlemo xa hombe.

Jeremia 31:8 Mawu Ofanana

Tisimu 107:3

A va tsombanyisileko hi lomu matikweni: Hi le Mutsuwuka-gambo, ni le Muhlwa-gambo, le Nwalungu ni le Dzongeni. Deut. 30:3; Isa. 43:5

Tisimu 65:5

U hi hlamula a kululameni hi mitiro yi rewukisako, Nungungulu wa kuhanyiswa ka hina; Wena loyi u nga kutsumba ka kontlhe kugumelwa ka misava, Ni ka bimbi legi gi nga kule. 2 Sam. 7:23

Tisimu 98:3

I alakanyile a wuxinji gakwe ni kutsumbeka kakwe ka yindlu ya Israeli, A magemetamusi ya misava ma wonile a kuhanyisa ka Nungungulu wa hina. Lu. 1:54

Isaya 40:11

I ta gisa a tlhambi wakwe khwatsi hi murisi; I ta tsombanyisa a tiyivana mawokweni yakwe, A ti rwala laha xifuveni xakwe, A fambisa khwatsi leti ti anwisako. Tis. 23:1; Mika 7:14; Joh. 10:11, 14 Himani a ringanako na Nungungulu?

Isaya 42:16

Nzi ta fambisa a zikhumu a ndleleni zi nga yi tiviko, Nzi zi rangela mipfutleni zi nga yi tiviko; Nzi ta hunzula munyama wu maha kuwonekela mahlweni kabye, Ni matlhelo ma byekeleko ma ta lulametwa. Lezi zilo nzi ta zi maha, nzi nga ta zi tsika.

Isaya 43:6

Nzi taku ka Nwalungu: Humesa! Ni ka Dzonga: U nga alisi! Wuyisa a varisanyana va mina hi le kule, Ni vanhwana va mina hi le magemeta-musi ya misava;

Isaya 45:22

Tlhelelani ka mina mu hanyiswa, Nwina nwentlhe magemeta-musi ya misava; Hakuva mina nzi Nungungulu, a ku na munwani.

Isaya 52:10

Jehova i funungule a woko gakwe ga kubasa mahlweni ka matiko wontihe, A magemeta-musi ya misava ma ta wona a kuhanyisa ka Nungungulu wa hina.

Jeremia 16:15

kanilezi va taku: Jehova wa hanya, loyi a humesileko a vanana va ka Israeli hi le tikweni ga Nwalungu, ni le matikweni wontihe lawo a nga va hlongolele kona. Nzi ta va wuyisa kambe tikweni gabye legi nzi nga nyika vararu vabye.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 23:8

kanilezi va taku: Jehova wa hanya, loyi a nga rangela a vana va yindlu ya ka Israeli va huma hi le tikweni ga Nwalungu, ni le matikweni wontihe lawo a nga va hlongolela kona; va ta ta aka tikweni gabye.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Ezekieli 20:34

Nzi ta mu humesa lomu vanhwini, nzi mu tsombanyisa hi le matikweni lawa mu hangalakileko ka wona hi canja ga ntamu, ni woko gi nawulutilweko, ni zanga yi chululweko.

Ezekieli 20:41

Nzi ta mu tsakela loku nzizwa a masema yo nuhela ya miphahlo ya nwina, laha nzi ta nga mu humesa vanhwini, nzi mu tsombanyisa hi ka matiko lawa mu hangalakileko ka wona; nzi ta hlawuleka ha nwina kuwoneni ka vamatiko.

Ezekieli 34:12

Nzi ta lava a tiyivu ta mina kota lezi a murisi a lavako a tlhambi wakwe laha a nga xikari ka tiyivu takwe ti hangalakileko; nzi ti humesa matshanwini wontihe lawa ti hangalakileko ka wona hi siku ga dzuvi ni munyama, Jer. 31:10; Joeli 2:2; Lu. 15:4

Ezekieli 34:13

Nzi ta ti humesa xikari ka vanhu, nzi ti tsombanyisa hi le matikweni, nzi ti yisa tikweni ga tona wutsumbu. Nzi ta ti risa lomu zitsungeni za ka Israeli kusuhani ni micongo, a matshanwini wontihe ma akilweko ya tiko.

Ezekieli 34:16

Nzi ta lava leyi yi nga lahlekile, nzi wuyisa leyi yi nga pengisilwe, nzi bohelela leyi yi tshobyilweko, nzi tiyisa leyi yi babyako. Kanilezi nzi ta lovisa leti ti nonileko ni ta ntamu; nzi ta ti risa hi nongameto.

Mika 4:6

Jehova i ngalo: Hi siku lego nzi ta tsombanyisa lava va khwitako, nzi hlengeletela lava va hlongolweko, ni lava nzi va hlokisileko.

Zefania 3:19

A xikhatini lexo nzi ta tlhelisela vontlhe lava va ku hlokisako; nzi ta hanyisa lava va khwitako, nzi tsombanyisa lava va hlongolweko, nzi ta va nyika wudumo va khesiwa, lava a tingana tabye ti nga no fenemete misaveni yontlhe.

Zakaria 2:6

Ho, ho, tsutsumani hi lomu tikweni ga Nwalungu, ku wula Jehova; nwina lava nzi nga mu hangalasa matlhelweni ya mune wa timheho, ku wula Jehova.

Mateu 12:20

A lihlanga li khinyekileko a nga ta li tshova, A nga ta tima a ngoti ya kandiya yi fufunhako, A kala a yisa nongameto kuhloleni;

Johani 21:15

Lezo na va fihlule, Jesu aku ngalo ka Simoni Pedro: Simoni, nʼwana Johani, wa nzi ranza ku hunza lava ke? Aku ka yena: Ina, Hosi; wa zi tiva ku ngalo nza ku ranza. Jesu aku kakwe: Gisa tiyivana ta mina.

1 Va le Korinte 8:10

Hakuva loku munhu a ku wona, wena loyi u nga ni kutiva, na u tshamile a kugeni lomu tempeleni ya xifananiso, xana a livalo lakwe loyi a nga ni gome li nga ta tiyisiwa a kuva aga na yenawu lezi zi phahlelweko zifananisweni ke?

Deuteronome 30:4

Hambu loku a vanhu va wena va hlongolweko va wa hi ka magumeso ya tilo, Jehova Nungungulu wa wena i ta va tsombanyisela a va wuyisa ha kona.

1 Va le Tesalonika 5:14

Ha mu khongotela, vamakabye, hiku: Lulekani lava va vilinganya, mu tiyisa-hlana lava va timbilu ti rerekileko, mu vuna lava va nga ni gome, mu hi ni lihlaza-mbilu ka vanhu vontlhe.

Maheberu 12:12

Hikwalaho, tiyisani a mandla ma rerekileko, ni madzolo laya ma hlekahlekako; Isa. 35:3

Maheberu 4:15

Hakuva a mupristi wa hombe loyi hi nga naye, a hi loyi a tsanzekako ku hi zwela wusiwana hi kota ya gome ga hina; kanilezi munwe loyi a ringilweko hi matlhelo wontihe khwatsi hi hina, kanilezi a nga onhangi. Isa. 53:3; Lu. 22:28; 2 Kor. 5:21