Jeremia 31:7 - Tshwa Bible

⁷ Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Jeremia 31:7 Mawu Ofanana

Tisimu 106:47

Hi hanyise, Jehova, Nungungulu wa hina, Hi hlengelete xikari ka vamatiko, Kasi ha fela ku bonga a vito ga wena go basa, Hi ku dumisa hi ku giya. 1 Kro. 16:35

Tisimu 126:2

Zonake a milomu ya hina yi wa tele hi mahleko, Ni tirimi ta hina hi kuyimbelela; Zonake xikari ka matiko a vaku: Jehova i va mahele zilo za hombe.

Tisimu 14:7

O, loku ku wo khwatsi a kuhanyisa ka Israeli ku wa ta huma hi le Zioni! Laha Jehova a tlhelisako vanhu vakwe hi le kukhonweni, Zonake Jakobe i ta tsaka, na Israeli i ta nengela. Tis. 126:1; Mat. 1:21

Tisimu 28:9

Hanyisa vanhu va wena, u katekisa a tshomba ya wena; Maha murisi wabye, u va tlakusa kala kupinzuka. Deut. 9:29

Tisimu 67:1

Nungungulu, ngha a hi ni wuxinji ka hina, a hi katekisa, Ni ku wonginga hi nghohe yakwe hehla ka hina. (Sela.) Mitse. 6:24

Tisimu 69:35

Hakuva Nungungulu i ta ponisa Zioni, I ta akisa a miti ya ka Juda; Kasi va tshama lomo va fumela tiko.

Isaya 1:9

Loku Jehova wa tiyimpi a wa nga hi siyelangi misalela, ngha hi wa kotile Sodoma, hi fanana na Gomora. Gen. 10:24; Mik. 3:22; Rom. 9:29

Isaya 11:11

A xikhatini lexo a Hosi yi ta engeta yi nawuluta a canja ga yona, kasi ku hlanguta a misalela ya vanhu va yona, lava va seleko Assiria, ni le Gipite, ni le Patrosi, ni le Kuxe, ni le Elame, ni le Xinari, ni le Hamate, ni lomu zihlaleni za bimbi.

Isaya 37:31

Ni misalela leyi yi ponileko ya yindlu ya ka Juda yi ta tlhava timitsu lahasi, yi pswala mihanzu.

Isaya 37:4

Kutani Jehova a Nungungulu wa wena i zwile tontlhe a timhaka ta Rabxake leti a nga rumiwa tona hi nwinyi wakwe, a hosi ya le Assiria, a ku ta rukatela a Nungungulu a hanyako; lezaku Jehova a Nungungulu wa wena i ta mu lamula hi kota ya timhaka leti a ti zwileko; hikwalaho kombelela a misalela yi nga kona.

Isaya 44:23

Yimbelelani nwina matilo, hakuva Jehova i zi tirile! Matshamu ya kueta ya misava, kanyulukani! Tlhavani zizimba nwina zitsunga, Na wena khwati ni tisinya to ntlhe ti nga ka wena; Hakuva Jehova i tlhatlhisile Jakobe, A ti dumisa ha Israeli.

Isaya 52:8

A varinzeli va wena va ta kanyuluka, va yimbelela vontlhe hi gezu ginwe, Hakuva hi mahlo yabye va ta wona a kuwuya ka Jehova le Zioni.

Isaya 61:9

A lixaka labye li ta tibyiwa xikari ka matiko, Ni vana vabye va ta tibyiwa xikari ka tixaka tinwani; Vontlhelele va ta nga va wona va ta va tiva Lezaku lixaka leli Jehova a li katekisileko.

Jeremia 20:13

Yimbelelani ka Jehova, Mu mu dzunza Jehova; Hakuva wa ponisa a muhefemulo wa loyi a vumalako A mandleni ya vobiha.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 3:23

Hizinene hi tsumbile mahala a kuhanyiswa loku ku tako hi lomu migangeni, Ni ngholovanya ya lomu zitsungeni a yi vuni nchumu. Hizinene a kuhanyiswa ka Israeli kuta hi ka Jehova a Nungungulu wa hina.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Mikosi 1:1

Hikuyini wu nga ni xiwunza a muti lowu wu nga tele hi vanhu! Loyi a nga hi wahombe xikari ka mifumo i mahile noni; Loyi a nga hi muzinza xikari ka matiko i mahile hlonga hikuyini?

Ezekieli 6:8

Ahembalokoke, nzi ta siya a misalela leyi yi ta nga pona a supado xikari ka matiko laha mu ta nga hangalaka xikari ka wona.

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Joeli 2:32

Ku ta maheka lezaku ni wihi a ta nga khongela vitweni ga Jehova i ta hanyiswa; hakuva le xitsungeni xa Zioni ni le Jerusalema ku tava kona lava va ponileko, khwatsi hilezi Jehova a wulileko zona, xikari ka lava va seleko ku tava ni lava va ta nga vitanwa hi Jehova. Obad. 17; Rom. 10:13

Amosi 5:15

Vengani kubiha, mu ranza zinene; mu tiyisa nongameto le hubyeni; kutani Jehova a Nungungulu wa tiyimpi i tava ni wuxinji hi misalela ya ka Josefa. Rom. 12:9

Mika 2:12

Nzi ta tsombanyisa a vanhu vontlhe va wena Jakobe, nzi hlengeletela a misalela ya ka Israeli, nzi ta va tlhanganyisa wutshamu ginwe khwatsi tiyivu lomu rangeni, kukotisa tlhambi laha wuriselweni ga wona, va ta maha guwa ga hombe hi kota ya wunyingi ga vona.

Mika 7:18

Hi wihi a Nungungulu loyi a fananako na wena, loyi a tsetselelako kubiha, a rivalelako a zihambunyeto za misalela ya tshomba yakwe ke? Wena a ku zangari kala kupinzuka, hakuva wa tsaka ku zwela wuxinji. Ekso. 15:11; Jer. 10:6; Miti. 10:43

Zefania 2:9

Hikwalaho nza hlambanya hi kuhanya ka mina, ku wula Jehova wa tiyimpi, a Nungungulu wa Israeli, Hizinene Moabi i ta fanana ni Sodoma, ni vana va ka Amoni va ta fanana ni Gomora, ku maha a tiko ga mizwa ni marinzi ya munyu, giva xiwula kala kupinzuka. A misalela ya vanhu va mina yi ta va phanga, a misalela ya tiko ga mina yi taga tshomba yabye. Gen. 19:24; Jer. 48:1

Va le Roma 11:5

Hizalezo ni ka lexi xikhati, yi kona a misalela yi hlawulilweko hi tipswalo. Xip. 9:27

Va le Roma 9:27

Na Isaya iba hungu ha Israeli, aku: Hambu loku a tsengo wa vanana va Israeli wuku khwatsi i seke ga bimbi, misalela basi yi ta nga hanyiswa. Isa. 10:22

Deuteronome 28:13

Jehova i ta ku yimisa a kuva hloko, na u nga hi nkila; wena u tava le hehla, na u nga hi lahasi, loku wena u ingisa a milayo ya Jehova Nungungulu wa wena, leyi rizi ku leletelako inyamutlha, a ku yi hlayisa ni ku yi maha;

Deuteronome 32:43

Bhumani nwina matiko, yimbelelani hi kutsaka zinwe ni vanhu vakwe, Hakuva Nungungulu i tlhelisele a nkhata wa malanza yakwe, Wa ti photela hehla ka valala vakwe, I maha nzhiho hi kota ya misava yakwe, ni vanhu vakwe. Tis. 9:13; Rom. 15:10; Kuv. 19:2