Jeremia 31:6 - Tshwa Bible

⁶ Hakuva ku ta chikela a siku legi a varinzeli va le migangeni ya Efraime va to vitana ha gona, vaku: Sukani, a hi yeni Zioni ka Jehova, Nungungulu wa hina.

Jeremia 31:6 Mawu Ofanana

2 Kronekele 13:4

Zonake Abija i lo yima le hehla ka xitsunga xa Zemaraime, xi nga le zitsungeni za ka Efraime, aku: Wena Jeroboamu, na nwina nwentlhe va ka Israeli, nzi ingiseni!

Ezra 1:5

Zonake a tihosi ta tiyindlu ta Juda na Benjamini, ni vapristi, ni vaLevi, zinwe ni lava a timbilu tabye ti vuxilweko hi Jehova, lezaku va ya aka yindlu ya Jehova le Jerusalema.

Tisimu 84:5

Va katekile a vanhu lava a ntamu wabye wu nga ka wena, Lava va xuvako a tindlela ta wena.

Isaya 27:13

Masikwini lawo ku ta biwa a punzu wa hombe, Zonake lava va nga wa lahlekile tikweni ga Assiria Ni lava va nga tsutsumele tikweni ga le Gipite, Va tata va ta khizamela Jehova xitsungeni xi basileko le Jerusalema.

Isaya 40:9

Kanzihani xitsungeni xo tlakuka Nwina lava mu nehelako Zioni a mahungu yo saseka, Tlakusani magezu ya nwina hi ntamu, Nwina lava mu nehelako Jerusalema mahungu yo saseka. Tlakusani magezu ya nwina, mu nga chavi, Byelani miti ya ka Juda, muku: Langutani Nungungulu wa nwina.

Isaya 62:6

Nzi vekile varinzeli makhurisini ya wena Jerusalema, Cima va nga ta miyela hlikanhi ni wusiku. Nwina lava mu nga vakhumbuxeti va Jehova mu nga dzuki mu humula;

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 31:12

Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Jeremia 50:19

Nzi ta tlhelisa Israeli a wuya wuriselweni gakwe, i ta gela lomu Karmeli ni lomu Baxani, i ta xura lomu zitsungeni za Efraime ni Gileade. Dan. 9:2; Mika 7:14

Jeremia 6:17

Nzi vekile varinzeli xikari ka nwina, nziku: Ingisani a gezu ga mpunzu. Kanilezi va hlamule, vaku: Hi nga ta gi ingisa.

Ezekieli 3:17

Nʼwana wa munhu, nzi ku mahile murinzeli wa yindlu ya ka Israeli. U tazwa a magezu ma humako nonwini wa mina, zonake u ta va tlharihisa vitweni ga mina.

Ezekieli 33:2

Nʼwana wa munhu, wulawula ka vanhu va tiko ga wena, uku ka vona: Loku nzi neha a supado hehla ka tiko go kari, loku a vanhu va tiko va hlawula munhu munwe xikari kabye va mu maha murinzeli;

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Hosea 9:8

Efraime i wa hi nala a nga xiyelela Nungungulu wa mina. A muprofeti a dembelwa tizinga tindleleni takwe tontlhe, va mu venga ni lomu ndlwini ya Nungungulu wakwe.