Jeremia 31:21 - Tshwa Bible

²¹ Ti yimisele a zikombiso, u zimeka zikomba-ndlela; A mbilu ya wena yi kongoma a gonzo, A ndlela leyi u fambileko ha yona. Hunzuluka, wena nhwana wa Israeli, Wuya mitini ya wena.

Jeremia 31:21 Mawu Ofanana

1 Kronekele 29:3

Tlhatakumbiri, hi kuranza ka mina a yindlu ya Nungungulu wa mina, lezi nzi nga nazo za nzalama ni siliva, lezi zi lumbako mina, nza zi nyikela a kuva ziva za yindlu ya Nungungulu wa mina, ahandle ka lezi nzi zi longiseleko a yindlu ya ku basa.

2 Kronekele 11:16

A va ka Levi va lo lanzelwa hi vanhu vanyingi va tontlhe tixaka ta ka Israeli, lava va nga wa ranza ku hlota Jehova Nungungulu wa ka Israeli. Va lota Jerusalema a ku ta phahlela ka Jehova Nungungulu wa vadadani vabye.

2 Kronekele 20:3

Jehoxafate i lo chava, a ti longisela ku hlota Jehova; i lo laya vontlhe va ka Juda lezaku va yila.

Tisimu 62:10

Mu nga tsumbi tihanyi, Ge hambu ku ti kulisa hi wukhamba; Loku kufuma ku enzeleka, mu nga zi khataleli. Joba 31:24; Lu. 12:16; 1 Tim. 6:17

Tisimu 84:5

Va katekile a vanhu lava a ntamu wabye wu nga ka wena, Lava va xuvako a tindlela ta wena.

Mavingu 24:32

Zonake nzi lo zi wona, nzi ehleketa, zi lo zi cuwukisisa, nzi kuma gonzo ka zona.

Isaya 48:20

Humani lomu Babuloni, mu chavela kule ni maKaldea, Zi tlhatlhambuteni na mu yimbelela hi kutsaka, Muba hungu kala magemetamusi ya misava, muku: Jehova i tirule nanza gakwe Jakobe! Jer. 50:8; Kuv. 18:4

Isaya 57:14

Aku: Bhoxani ndlela, ecanyetani misava, Basisani ndlela, Mu susa zikhunguvanyiso lomu ndleleni ya vanhu va mina.

Isaya 62:10

Humani, humani tinyangweni, mu lulamisa a ndlela ya tiko! Bhoxani ndlela, ecanyetani a gonzo, susani maribye; Tlakuselani a mujeke a ka matiko.

Jeremia 3:12

Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Jeremia 46:11

Kanziha uya Gileade u ya teka muri, Wena nhwana, nʼwana wa Gipite! U tirisa a miri yo tala mahala, A ku na kuchumiwa.

Jeremia 50:5

Va ta wutisa ha Zioni, a tinghohe tabye na ti cuwuka kona, vaku: Tanani mu ta boha zinwe na Jehova a xivumelwano xa pinzukelwa lexi xi to kala xi nga rivaliwi.

Jeremia 51:50

Nwina lava mu ponileko a supado, tsutsumani mu nga yimi; alakanyani Jehova na mu hi kule, mu alakanya Jerusalema timbilwini ta nwina.

Jeremia 51:6

Humani Babuloni mu tsutsuma, a munwe ni munwani a ponise wutomi gakwe, kasi mu nga lobyiswi hi kota ya xigoho xakwe; hakuva hi xona a xikhati xa kuphota ka Jehova, i ta muha a nchachazelo wakwe. Isa. 34:8; Kuv. 18:4, 6

Jeremia 6:16

Jehova i ngalo: Yimani tindleleni, mu languta; mu wutisela a tindlela ta kale, muku: Xana a ndlela yinene hi yihi ke? zonake fambani ha yona, mu ta kuma kuhumula ka mihefemulo ya nwina. Kanilezi vona va lo hlamula, vaku: A hi vumeli ku famba ha yona. Isa. 28:12; Mat. 11:29; 23:37

Ezekieli 40:4

A munhu loye ite ka mina: Nʼwana wa munhu, Cuwukisisa hi mahlo ya wena, u ti zwela hi tindleve ta wena, u xiyisisa zontlhe lezi nzi ta nga ku kombisa zona; hakuva u tisilwe laha a ku kasi nza ku kombisa zona; u ta tlhatlhambutela ka yindlu ya ka Israeli zontlhe lezi u zi wonako.

Hagai 1:5

Hikwalaho Jehova wa tiyimpi i ngalo: Ehleketani hi tindlela ta nwina!

Zakaria 10:9

Nzi ta va xwanya xikari ka matiko, va ta nzi alakanya matikweni ya le kule. Va ta hanya ni vanana vabye, va ta tlhela va wuya.

Deuteronome 32:46

Hlayisani lomu timbilwini ta nwina a timhaka tontlhe leti nzi kustumunyako ha tona legi siku mahlweni ka nwina; mu ta leletela a vanana va nwina, va tazwa ni ku maha tontlhe timhaka ta lowu nayo.