Jeremia 31:16 - Tshwa Bible

¹⁶ Kanilezi Jehova aku: U nga ha rili, A mahlo ya wena ma nga halati mihloti; Hakuva mitiro ya wena yi ta hakheliwa, ku wula Jehova; Va ta wuya hi le tikweni ga valala.

Jeremia 31:16 Mawu Ofanana

Genesisi 43:31

Loku a hlambile nghohe i lo huma a ti khoma, aku: Nehani zakuga.

Genesisi 45:1

Zonake Josefa i wa nga zi koti ku ti khoma mahlweni ka vona vontlhe lava va nga wa mu ranzele, i lo kanyuluka, aku: Vontlhe vanhu lava va nga laha a va hume! Ku wa nga hi kona munhu a nga sele naye laha a nga ti tivekisa ka vanakulobye.

2 Kronekele 15:7

Makunu nwina, ngha muva ni ntamu, mu nga tsiki a mandla ya nwina mava ni gome, hakuva mu tava ni nchachazelo ntirweni wa nwina.

Tisimu 126:5

Lava va byalako na va kari va rila mihloti, Va ta hula hi litsako.

Tisimu 30:5

Hakuva a zanga yakwe nja xikhatanyana ntsena, Kanilezi a thomo gakwe gi enela kuhanya kontlhe. A kurila ku ngava kona laha gambyeni, Kanilezi laha mixweni kuva kona litsako. Isa. 54:7; Joh. 16:20; 2 Kor. 4:17

Mutshawuteli 9:7

Famba, u yaga kuga ka wena hi kutsaka, unwa vinya ga wena hi mbilu yi tsakileko; hakuva Nungungulu i sina a amukele a mitiro ya wena. Lu. 12:19; 1 Kor. 15:32

Isaya 25:8

I ta fuvisa kufa kala ku pinzuka; Hosi Nungungulu i ta hlanguta mihloti tinghoheni tontlhe; I ta susa tingana ta vanhu vakwe misaveni yontlhe, Hakuva Jehova i wulile lezo. 1 Kor. 15:26, 54; 2 Tim. 1:10; Kuv. 7:17

Isaya 30:19

Hakuva wena tiko u akileko lomu Zioni ni Jerusalema, u nga ha rili! Loku u kanyuluka i ta ku tsetselela; loku azwa gezu ga wena i ta ku hlamula.

Isaya 40:10

Langutani, Hosi Jehova i tata khwatsi i nhenha, A ku ta fuma hi canja gakwe. Langutani, wata ni nchachazelo wakwe, Ni muphango wakwe wa mu rangela.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 33:11

ku ta zwala a gezu ga nkulungwani ni ga litsako, a gezu ga muteki ni ga mutekiwa, ni gezu ga lava vange: Khesani Jehova wa tiyimpi, hakuva i nene, hakuva a wuxinji gakwe ga kala kupinzuka; ni magezu ya lava va nehako minyikelo ya kubonga a ndlwini ya Jehova. Hakuva nzi ta wuyisa lava va khomilweko ka legi tiko, va ta kotisa xikhatini xa kale, ku wula Jehova.

Jeremia 33:7

Nzi ta wuyisa a vakhonwiwa va ka Juda na Israeli, nzi ta va akisa kota kale.

Ezekieli 37:21

U ta wula ka vona, uku: Hosi Jehova i ngalo: Langutani, nzi ta humesa, a vanana va ka Israeli lomu matikweni lawa va yileko ka wona, nzi ta va tsombanyisa hi ka matlhelo wontihe, nzi va wuyisa a tikweni gabye,

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

1 Va le Tesalonika 4:14

Hakuva loku hi kholwa lezaku Jesu i lofa a tlhela a vuka, hizalezo ni lava va etleleko, Nungungulu i ta va vuxa ha Jesu, a va wuyisa zinwe naye. 1 Kor. 15:13

Maheberu 11:6

Kanilezi ahandle ka kukholwa a zi koteki ku mu tsakisa; hakuva loyi a tshinelako ka Nungungulu i yimelwe hi ku kholwa lezaku ku kona Nungungulu, ni lezaku yena wa chachazela lava va mu lavako.

Maheberu 6:10

Hakuva Nungungulu a hi loyi a nga lulamangiko wo kala a rivala a mitiro ya nwina, ni liranzo leli mu nga li kombisa vitweni gakwe, laha mu nga vunetela lava vo basa, kota lezi ma ha vunetelako ni zalezi. Mat. 10:42; Joh. 13:20; 1 Tes. 1:3

Rute 2:12

Jehova a ku tlhelisele mitiro ya wena, u amukela nchachazelo wa hombe hi ka Jehova Nungungulu wa ka Israeli, loyi u tileko hasi ka tipapa takwe kasi ku ta kuma wuponelo. Tis. 17:8; Mat. 23:37