Jeremia 31:12 - Tshwa Bible

¹² Va tata na va yimbelela hi litsako le xitsungeni xa Zioni, Va tsutsumela a wunene ga Jehova; A ka tirigo, ni vinya, ni mafura, A ka tiyivana ni marole; A muhefemulo wabye wu ta fanana ni simu gi tsakamisilweko, Cima va nga ha ta hleleleka kambe.

Jeremia 31:12 Mawu Ofanana

Tisimu 130:4

Kanilezi a kutsetselelwa ku le ka wena, Lezaku wena u chabyiwa. Dan. 9:9

Isaya 1:30

Hakuva mu ta fanana ni sinya ya nkuhlu leyi a matluka ya yona ma wutlako, mu ku khwatsi mu simu legi gi nga hiko na nzhongo.

Isaya 35:10

Ina, lava va tirulweko hi Jehova va ta tlhela, Vaya Zioni hi tisimu ta litsako; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:22; Kuv. 21:4

Isaya 51:11

Hikwalaho a vatirulweko va Jehova va ta tlhela, Va wuya Zioni hi tisimu ta migiyo; A kutsaka ka pinzukelwa ku tava tihlokweni tabye, Va ta kuma makatekwa ni litsako, A hlomulo ni kutsikwila zi ta tsutsuma. Joh. 16:20, 22; Kuv. 21:4

Isaya 52:8

A varinzeli va wena va ta kanyuluka, va yimbelela vontlhe hi gezu ginwe, Hakuva hi mahlo yabye va ta wona a kuwuya ka Jehova le Zioni.

Isaya 58:11

Lezo Jehova i ta ku rangela xontlhe xikhati, I ta xurisa muhefemulo wa wena matshanwini ma womileko, Ni ku tiyisa a marambu ya wena; U ta fanana ni simu gi cheletelweko mati, Ni xibuka lexi a mati ya xona ma nga pswhiko,

Isaya 60:20

A gambo ga wena cima gi nga ta ha pela, Ni hweti ya wena yi nga ta hafa kambe; Hakuva Jehova i tava kuwonekela ka wena ka pinzukelwa, Ni masiku ya nkosi wa wena ma ta mbhela.

Isaya 65:19

Mina nzi ta tsaka hi Jerusalema. Nzi tsakela vanhu va mina; Cima ku nga ta ha zwala ka yena a gezu ga kurila, Hambu gezu ga tihuwa.

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 31:24

A va ka Juda ni va miti yontlhe va ta aka lomo khatiginwe; a varimi ni varisi va mitlhambi.

Jeremia 31:25

Hakuva nzi mahile a muhefemulo wu kareleko wuku retsevele, ni mihefemulo yontlhe yi xanisekako nzi yi xurisile. Tis. 107:9; Mat. 11:28

Jeremia 31:4

Nzi ta ku aketa, u tava u akilwe, wena nhwana wa Israeli; U ta tlhela u ti longisela a zikhitsi, U huma u ya kina hi kutsaka. Ekso. 15:20; Vala. 11:34; Tis. 68:25

Jeremia 31:6

Hakuva ku ta chikela a siku legi a varinzeli va le migangeni ya Efraime va to vitana ha gona, vaku: Sukani, a hi yeni Zioni ka Jehova, Nungungulu wa hina.

Jeremia 31:7

Hakuva Jehova i ngalo: Yimbelelani hi litsako ha Jakobe, Khanelani loyi a nga hosi ya matiko; Yimbelelani tisimu, muku: Jehova, hanyisa vanhu va wena, a misalelwa ya Israeli.

Jeremia 32:15

Hakuva Jehova wa tiyimpi, a Nungungulu wa ka Israeli, i ngalo: Ma ha ta xava a tiyindlu ni masimu ni zivina a tikweni legi.

Jeremia 33:12

Jehova wa tiyimpi i ngalo: A ka legi wutshamu gi mahileko xiwula, gi nga hiko na munhu hambu xihari, ni ka miti yontlhe ya gona, ka ha tava kona a wuako ga varisi lava va mahako a mitlhambi yabye yi zumba kona.

Jeremia 33:13

Lomu mitini ya le zitsungeni, ni le mitini ya tiluwa, ni lomu mitini ya Dzonga, ni le tikweni ga Benjamini, ni lomu matlhelweni ya Jerusalema, ni lomu mitini ya Juda, a mitlhambi ya ha ta hunza hi mandleni ya vahlayi, ku wula Jehova.

Ezekieli 17:23

Nzi ta gi byala xitsungeni leʼxo tlakuka xa ka Israeli. Gi ta chela tiravi gi pswala mihanzu, give sedare yi nene. Lahasi ka maravi ya yona ku ta aka a tixaka tontlhe ta tinyanyani, ti tshama nzhutini wa maravi ya yona. Isa. 2:2; Mat. 13:31

Ezekieli 20:40

Hakuva vontlhe va yindlu ya ka Israeli, vontlhe lava va nga lomu tikweni, va ta nzi khozela lomu xitsungeni xa mina xo basa, a xitsunga xo tlakuka xa ka Israeli, ku wula Hosi Jehova. Laho nzi ta va tsakela, nzi amukela kona a minyikelo ya nwina, ni milangelwa ya zinyikiwo za nwina, ni zontlhe lezi mu zi basiselako mina.

Ezekieli 34:14

Nzi ta ti gisa wuriselweni gi nene, a ranga gabye gi tava lomu zitsungeni zi tlakukileko za ka Israeli. Lomu ti ta etlela rangeni gi nene, tiga lomu wuriselweni gi nonileko le hehla ka zitsunga za ka Israeli.

Ezekieli 36:30

Nzi ta anzisa a mihanzu ya tisinya, ni pfuno wa masimu, kasi mu ngavi na xiruko xikari ka matiko hi kota ya ndlala.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Joeli 3:18

A xikhatini lexo a zitsunga zi ta dona a vinya, ni miganga yi ta khulunga masi, yontlhe micongwana ya ka Juda yi tava ni mati. Ku ta huma a xibuka hi ndlwini ya ka Jehova xi tsakamisa a nkova wa le Xittimu. Zak. 14:8; Kuv. 22:1

Hagai 2:19

Ya ha hi kona a mbewu lomu gombeni ke? ge hambu a xivina, ni mikuwu, ni sinya ya pomegranada, ni sinya ya maoliva, a zi na nga pswala nchumu. Kanilezi kusukela nyamutlha nzi ta mu katekisa.

Zakaria 8:12

A mbewu ya kurula yi tava kona; a vina wu ta humesa a mihanzu ya wona, ni misava yi ta humesa a pfuno wa yona, ni tilo gi ta vanga nzhokati ya gona. Zontlhe lezi nzi ta zi nyika ka misalela ya vanhu lava a kuva tshomba yabye.

Johani 16:22

Na nwina mu na ni kuxaniseka makunu, kanilezi nzi ta mu wona kambe, zonake a timbilu ta nwina ti ta tsaka, a nga kona loyi a ta nga mu tekela a kutsaka ka nwina. Miti. 2:46; 1 Ped. 1:8

Va le Roma 2:4

Kutani u kanyisa a kutala ka wunene gakwe ni kuhunisela ni kutimisela kakwe ke? A ku zi tivi lezaku a wunene ga Nungungulu gi lava ku ku kokela kuhunzulukeni ke? Ekso. 34:6; Efe. 1:7; 2 Ped. 3:9

Kuvululelwa 21:4

I ta kulula mihloti yontlhe mahlweni yabye. Ku nga ha ta va kona kufa, hambu ni hlomulo, kutani kurila ni kubayisa; hakuva a zilo zo sangula zi hunzile. Isa. 25:8; 35:10; 1 Kor. 15:26

Kuvululelwa 7:17

Hakuva a Yivana yi nga laha xikari mahlweni ka xitshamu xa wuhosi yi tava murisi wabye, yi va hletela tihlobyeni ta mati ya wutomi; Nungungulu i ta hlanguta mihloti yontlhe mahlweni yabye. Tis. 23:1; 36:8; Isa. 25:8