Jeremia 30:8 - Tshwa Bible

⁸ Hi ka siku lego, ku wula Jehova wa tiyimpi, Nzi ta pfutlata a muyoko nhanwini ya Wena, Nzi ta phewula a magota ya wena, Cima a nga ta ha fumiwa hi vamatiko.

Jeremia 30:8 Mawu Ofanana

Tisimu 107:14

I lo va humesa munyameni ni le nzhutini wa kufa, A pulakanyisa makhotso yabye.

Isaya 10:27

A ka xikhati lexo a nzwhalo wa yena wu ta susiwa makatleni ya wena, ni muyoka wakwe wu ta susiwa nhanwini ya wena, hakuva muyoka wu ta tshoveka hi kota ya kutotiwa.

Isaya 14:1

Hakuva Jehova i ta hawukela Jakobe, a ti langela Israeli, a va akisa tikweni gabye. A valuveli va ta tlhanganyiswa zinwe navo, va namarela ka yindlu ya Jakobe.

Isaya 14:25

Nzi ta tshova Assiria lomu tikweni ga mina, Nzi mu kanzihela hi mikonzo lomu zitsungeni za mina; Zonake va ta ruliwa muyoka wakwe, Ni nzhwalo wakwe wu susiwa makatleni yabye.

Isaya 14:3

A sikwini lego Jehova a ta nga mu humuta kuxanisekeni ka nwina ni kuchava, ni ka mikhinyavezo leyi mu nga hlokiswa hi yona,

Isaya 9:4

Hakuva u tshovile a muyoka wa nzhwalo wakwe Ni limhika li ngaba hlana wakwe, A nhonga ya mutsimbeketi wakwe u yi tshovile kukotisa sikwini ga Midiani,

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 25:14

Hakuva na vonawu va ta khoziswa hi matiko manyingi ni tihosi ta hombe; nzi ta va tlhelisela ku ringana ni zimaho zabye ni mitiro ya mandla yabye.

Jeremia 27:2

Jehova i te ngalo ka mina: Ti mahele a magota ni miyoka, u zi tihomeka a nhanwini ya wena.

Jeremia 27:7

Wontihe matiko ma ta mu tirela, yena ni nʼwana wakwe ni zukulu wakwe, kala ku chikela a xikhati xa tiko gakwe, zonake yenawu i ta khoziswa hi matiko manyingi ni tihosi ta hombe.

Jeremia 28:10

Zonake muprofeti Hanania i lo teka a muyoko a nhanwini ya muprofeti Jeremia a wu tshoveletela.

Jeremia 28:13

Famba u ya byela Hanania, uku: Jehova i ngalo: U tshoveletele a muyoko wa sinya, kanilezi a wutshanwini ga wona u tava ni muyoko wa xiketse.

Jeremia 28:4

Kambe nzi ta wuyisa ka legi wutshamu Jekonia a nʼwana Jehoiakimu, hosi ya ka Juda, ni tontlhe tikhumbi ta ka Juda, ti yisilweko le Babuloni, ku wula Jehova; hakuva nzi ta pfutlata a muyoko wa hosi ya Babuloni. 2 Tih. 24:12

Ezekieli 30:18

Le Tehafnehesi a hlikanhi wu ta phuma, laha nzi ta nga tshova a miyoka ya Gipite, ni matshanza ya ntamu wakwe ma ta mbhela; i ta fenengetwa hi refu, ni vanhwana vakwe va taya wukhumbini.

Ezekieli 34:27

A tisinya ta lomu nkoveni ti ta pswala mihanzu ya tona, ni misava yi ta humesa mihanzu ya yona, va ta tshama hi kurula tikweni gabye. Va ta zi tiva lezaku hi mina Jehova laha nzi ta nga tshova a muyoka wabye, nzi va tlhatlhisa mandleni ya lava va nga va maha tikhumbi.

Nahume 1:13

Makunu nzi ta tshova a muyoka wakwe lowu wu nga ka wena, nzi phewula a mangenje ya wena.