Jeremia 30:3 - Tshwa Bible

³ Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 30:3 Mawu Ofanana

Ezra 3:1

Hi siku yi nga woneka a hweti ya wu 7, a va ka Israeli lava va nga wa hi lomu mitini yabye, va lo tsombana le Jerusalema, kukotisa loku va hi munhu munwe. Vala. 20:1; Neh. 8:1

Ezra 3:12

Kanilezi a vapristi vanyingi ni vaLevi, ni tihosana ta tiyindlu ta vadadani: a zikhosana lezi zi nga wonile a yindlu ya kale, laha va nga wona a xiseketelo xa yona, va lo rila va xilila mihloti hi ku wona a yindlu leyo; kanilezi a talo wa vanwani va lo kanyuluka hi kutsaka.

Ezra 3:8

Makunu hi lembe ga wumbiri ga kuwuya kabye lomu ndlwini ya Jehova le Jerusalema, lomu ka hweti ya wumbiri, Zerubabeli nʼwana Xealtieli, na Jexua nʼwana Jozadake, ni vanakulobye lava va nga wa hi vapristi, ni va ka Levi, ni vontlhe lava va nga tlhelela Jerusalema na va huma hi le kukhonweni, va lo sangula ku tira; ku lo yimiswa vaLevi kusukela ka va 20 wa malembe kuya mahlweni, kasi ku fambisa a ntiro wa yindlu ya Jehova.

Tisimu 126:4

Jehova, wuyisa a vakhonwiwa va hina, Kukotisa micongo ya le Dzongeni.

Tisimu 53:6

O, loku ku wo khwatsi a kuhanyisa ka Israeli ku wa ta huma hi le Zioni! Laha Nungungulu a tlhelisako vanhu vakwe hi le kukhonweni; Zonake Jakobe i ta tsaka, na Israeli i ta nengela. Gen. 49:18; Lu. 10:24

Jeremia 16:15

kanilezi va taku: Jehova wa hanya, loyi a humesileko a vanana va ka Israeli hi le tikweni ga Nwalungu, ni le matikweni wontihe lawo a nga va hlongolele kona. Nzi ta va wuyisa kambe tikweni gabye legi nzi nga nyika vararu vabye.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 27:11

Kanilezi a tiko legi gi to vumela a muyoka wa hosi ya Babuloni, gi yi tirela, nzi ta gi tsika tikweni ga gona, ku wula Jehova, va ta gi rima ni ku ti akela lomo.

Jeremia 27:22

Zi ta yisiwa Babuloni, zi ya tshama kona kala siku nzi to zi lava ha gona, ku wula Jehova, nzi zi wuyisa ka legi wutshamu. 2 Kro. 36:22; Ezra 1:1, 7

Jeremia 29:10

Hakuva Jehova i ngalo: Loku ku hunzile a 70 wa malembe le Babuloni, nzi ta mu alakanya, nzi mu mahela a mhaka ya mina yinene, nzi mu wuyisa ka legi wutshamu. Ezra 1:1; Dan. 9:2; Zak. 1:12

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 30:18

Jehova i ngalo: Nzi ta wuyisa a vakhonwi va matenda ya Jakobe, Nzi ta zwela wusiwana wuakelo gakwe; A muti wu ta akiswa nhulwini ya wona, A yindlu ya wuhosi yi ta tshama kota kutolovela.

Jeremia 30:4

Hi tona timhaka leti Jehova a nga ti wula xungetano hi Israeli na Juda.

Jeremia 31:16

Kanilezi Jehova aku: U nga ha rili, A mahlo ya wena ma nga halati mihloti; Hakuva mitiro ya wena yi ta hakheliwa, ku wula Jehova; Va ta wuya hi le tikweni ga valala.

Jeremia 31:23

Jehova wa tiyimpi, Nungungulu wa Israeli, i ngalo: Va ha ta wula gezu legi a tikweni ga Juda ni lomu mitini yabye, loku nzi wuyisile lavava nga wukhumbini, vaku: Jehova a ku katekise, wena wuako ga nongameto, Wena xitsunga xi basileko!

Jeremia 31:27

Langutani, a masiku ma hata, ku wula Jehova, lawa nzi to byaleta a tiko ga ka Israeli ni tiko ga ka Juda hi mbewu ya vanhu ni mbewu ya zihari.

Jeremia 31:31

Languta, a masiku ma tata, ku wula Jehova, Lawa nzi to maha a xivumelwano xiswa ni yindlu ya Israeli, ni yindlu ya ka Juda.

Jeremia 31:38

Languta, a masiku mata, ku wula Jehova, lawo a muti wu to akeliwa Jehova ha wona, a kusukela khokholeni ga Hananeli kala nyangweni ya khuzu.

Jeremia 32:37

Langutani, nzi ta va tsombanyisela hi le matikweni wontihe, lawo nzi va hlongoleleko kona a zangeni ya mina ni xiviti xa mina ni khulo ga hombe; nzi ta tlhela nzi va wuyisa ka legi wutshamu, nzi va maha va tshamiseka. Deut. 30:3; Jer. 30:10

Jeremia 32:44

Va ta xava masimu hi mali, va tsala mapapilo ya xavo, va ma tiyisa, va vitana timboni, lomu tikweni ga Benjamini ni le matlhelweni ya Jerusalema, ni le mitini ya ka Juda, ni le mitini ya lomu zitsungeni, ni le mitini ya tiluwa, ni le mitini ya Dzonga; hakuva nzi ta wuyisa a vakhonwiwa vabye, ku wula Jehova.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Jeremia 51:60

Jeremia i lo tsala lomu bhukwini hi makhombo wontihe ma ta nga wela Babuloni, ti nga timhaka tontlhe leti ti xungetako Babuloni.

Ezekieli 20:42

Mu ta zi tiva lezaku hi mina Jehova, laha nzi ta nga mu wuyiseta tikweni ga ka Israeli, legi nzi nga gi hlambanyela lezaku nzi ta gi nyika a vadadani va nwina.

Ezekieli 34:13

Nzi ta ti humesa xikari ka vanhu, nzi ti tsombanyisa hi le matikweni, nzi ti yisa tikweni ga tona wutsumbu. Nzi ta ti risa lomu zitsungeni za ka Israeli kusuhani ni micongo, a matshanwini wontihe ma akilweko ya tiko.

Ezekieli 36:24

Nzi ta mu humesa lomu xikari ka matiko, nzi mu tsombanyisa hi le matikweni wontihe, nzi mu yisa tikweni ga nwina.

Ezekieli 47:14

A ziavelo za munwe ni munwani zi ta ringana, hakuva nzi hlambanyile hi ku tlakusa canja ga mina, lezaku nzi ta gi nyika ka vakoko va nwina; makunu gona tiko gi ta maha tshomba ya nwina. Gen. 12:7; 17:8; 26:3; 28:13

Joeli 3:1

Hakuva masikwini lawo, ni ka xikhati lexo nzi ta tlhelisela a vabohiwa va ka Juda ni va le Jerusalema.

Zefania 2:7

Gi tava tiko ga misalela ya ka Juda, va ta risela lomo a mitlhambi yabye. Laha gambyeni va ta etlela tindlwini ta ka Axkeloni, hakuva Jehova a Nungungulu Wabye i ta va alakanya, a tlhelisela a vakhonwi yabye.

Zefania 3:20

Xikhatini lexo nzi ta mu wuyisa nzi mu tsombanyisa, hakuva nzi ta mu nyika wudumo mu khesiwa xikari ka matiko wontlhe ya misava, a siku lego nzi ta nga wuyisa a vakhonwi va nwina mahlweni ka nwina, ku wula Jehova. Deut. 30:3

Luka 17:22

Aku ka vapizani: Ma tata masiku laha mu ta nga xuva ku wona a ginwe ga masiku ya Nʼwana wa munhu, kanilezi mu nga ta gi wena.

Luka 19:43

Hakuva a masiku ma tata hehla ka wena, laha a valala Va wena va ta nga ku bhiyela, va ku ranzela, va ku valela matlhelweni wontihe. Isa. 29:3, 4; Jer. 6:3, 6

Luka 21:6

Hi xungetano ni lezi mu zi wonako, a masiku ma tata lawa ku to kala ku nga siyiwi laha ni ribye ginwe hehla ka ginwani, legi gi ta nga kala ku khungumulwa.

Deuteronome 30:3

Jehova Nungungulu wa wena i ta hunzulusa wukhumbi ga wena, a ku hawukela, a engeta a ku tsombanyisela ka wontihe matiko lawa Jehova Nungungulu wa wena a nga wa ku hangalasile ka wona.

Deuteronome 30:5

Na Jehova Nungungulu wa wena i ta ku wuyisa ka tiko legi vararu va wena va nga wa gi fumela, zonake wenawu u ta gi fumela, na yena i ta ku katekisa, ni ku ku anzisa ku hunza vararu va wena.

Maheberu 8:8

Kanilezi Nungungulu i lo va sola, aku: Languta, a masiku ma tata, ku wula Hosi, Lawa nzi to maha a xivumelwano xiswa ni yindlu ya ka Israeli, ni yindlu ya ka Juda; Jer. 31:31-34