Jeremia 30:21 - Tshwa Bible

²¹ A hosana yabye yi ta huma ka vona venyi, Ni mufumeli wabye i ta huma xikari kabye wutsumbu, Nzi ta mu tshineta, i tata ka mina; Hakuva himani a nga tiyako a tshinela ka mina ke? Ku wula Jehova.

Jeremia 30:21 Mawu Ofanana

Genesisi 18:27

Abrahama i lo hlamula, aku ngalo: Languta, makunu nzi tiyile ku wulawula ni Hosi ya mina, mina loyi nzi nga tshuri ni khuma.

Genesisi 18:30

Yena i te ngalo: Ngha Hosi ya mina yi nga zangari, loku nzi engeta ku wulawula: Ahati loku ku kumiwa lomo 30? Yena i te ngalo: Nzi nga ta maha nchumu loku nzi kuma 30.

Genesisi 18:32

Yena i te ngalo: Ngha a Hosi ya mina yi nga zangari, nzi ta wulawula khatiginwe basi: Ahati loku ku kumiwa a va khume? Nzi nga ta wu lovisa hi kota ya lavo va khume.

Genesisi 49:10

A wuhosi Cima gi nga ta suka ka Juda, Ni nhonga ya wuhosi xikari ka milenge yakwe, A kala a chikela Xilo, Zonake ni vamatiko va ta mu ingisa.

2 Samueli 7:13

Yena i ta akela vito ga mina a yindlu, minawu nzi ta yimisa xitshamu xakwe xa wukosi xa mufumo wakwe kala kupinzuka.

Ezra 2:2

lava va nga wuya na Zerubabeli na Jexua, Nehemia, Seraia, Reelaia, Mordekai, Bilxani, Mispare, Bigvai, Rehuma, Baana. A tsengo wa vavanuna va ka Israeli hi lowu:

Nehemia 7:2

nzi lo yimisa nakulori Hanani na Hanania, a nduna ya khokhola, a kuva vahlayisi va Jerusalema, hakuva i wa hi wanuna a tsumbekileko, na a hunza vanyingi hi ku chava Nungungulu;

Tisimu 65:4

I katekile a munhu loye wena u mu hlawulako, loye u mu tshinelako ka wena, Kasi a fela ku tshama ziluvelweni za wena. Hina hi ta xura hi malongo ya yindlu ya wena, Le wutshanwini go basa ga tempeli ya wena.

Tisimu 89:29

Nzi ta maha lixaka lakwe li simamisa kala kupinzuka, Ni xitshamu xakwe xa wuhosi khwatsi hi masiku ya tilo.

Eksodusi 3:5

Nungungulu aku: U nga tshineli laha! Susa zilato mikonzweni ya wena, hakuva a wutshamu legi u yimileko ka gona mbutshamu go basa.

Isaya 63:1

Himani loyi a tako hi le Edome, Na huma hi le Bozra, a ambeleko tinguwo to pswhuka to khazamula, A fambako hi wukulu ga ntamu wakwe? Hi mina loyi nzi wulawulako hi kululama, nzi nga ni ntamu wa ku hanyisa.

Jeremia 30:9

Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

Jeremia 33:15

A ka lawo masiku ni ka lexo xikhati nzi ta vuxela Davida a Hluke ga kululama; yena i ta lamula hi nongameto ni kululama lomu tikweni. Isa. 11:1; Zak. 3:8; 6:12

Jeremia 49:19

Languta, i tata kota nghala yi humako hi lomu xihlahleni xa Jordani, yiya wugehveni go nyuka. Nzi ta mu hlongola xikanwe; ni wihi loye nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Jeremia 50:44

Languta, i tata kota nghala yi humako hi lomu xihlahleni xa Jordani, yiya wugelweni go nyuka. Nzi ta mu hlongola xikanwe; ni wihi loyi nzi mu hlawulako, nzi ta mu yimisa hehla ka gona. Hakuva himani a kotako mina? Himani a ta nga nzi yimisela xikhati ke? Himani murisi a ta nga tiya mahlweni ka mina ke?

Ezekieli 37:24

A nanza ga mina Davida i tava hosi yabye; vontlhe va tava ni murisi munwe. Va ta lanzela zileletelo za mina, va hlayisa milayo ya mina, va yi maha. Isa. 40:11; Jer. 23:5; Joh. 10:11

Hosea 1:11

A vana va ka Juda ni vana va ka Israeli va ta tlhangana va ti yimisela hosi yinwe, va huma tikweni, hakuva gi tava ga hombe a siku ga Jezreeli. Joh. 10:16; Efe. 1:22

Mitsengo 16:40

ziva xialakanyiso ka vanana va ka Israeli; kasi ku nga dzuki kuva ni munhu munwe loyi a nga hiko wa lixaka la ka Aroni a ta nga tshinela a nyikela a libani mahlweni ka Jehova, ku nga taku a kota Kora ni ntlawa wakwe, khwatsi hilezi Jehova a wulileko ka yena hi nomu wa Mosi.

Mitsengo 16:5

aku ngalo ka Kora ni ntlawa wakwe: Manziko Jehova i ta kombisa lava va nga vakwe, ni lava va basileko a kuva va tshinela ka yena; zonake loyi Jehova a ta nga mu hlawula, i ta mu tshineta kakwe.

Mateu 2:2

Yi kwihi a hosi ya vaJuda leyi yi belekilweko? Hakuva hi wonile a nyeleti ya yona le Mutsuwuka-gambo, hi tile ku ta yi khozela. Mitse. 24:17; Lu. 2:11

Mateu 27:37

Va lo nameketa hehla ka hloko yakwe a mutsalo wa nanzu wakwe wu nge ngalo: Loyi hi Jesu, a hosi ya vaJuda. Mar. 15:26; Lu. 23:38; Joh. 19:19

Mateu 3:17

Zonake ku lo zwala a gezu gi huma matilweni, giku: Loyi hi Nʼwana wa mina a ranzekako, nzi xaleleko khwatsi ha yena. Tis. 2:7; Mar. 1:11; Lu. 9:35; Joh. 12:28; Efe. 1:6

Luka 24:26

Xana zi wa nga faneli lezaku Kristu a xaniseka kota lezi, a enghena kungangameleni kakwe ke? Miti. 17:3; 1 Ped. 1:1

Mitiro 5:31

Kanilezi Nungungulu i lo mu tlakusa hi canja gakwe ga xinene, a kuva Hosi ni Muhanyisi, kasi ku nyika kuhunzuluka ka Israeli, ni kutsetselelwa ka zionho. Xip. 2:33; Fil. 2:9; Isa. 9:6; Ezek. 34:24; Mat. 1:21; Efe. 1:7

Va le Roma 8:34

Himani loyi a ta nga va kona ke? Kristu Jesu loyi a ngafa a tlhela a vuka hi ka vafileko, loyi a nga canjeni ga xinene ga Nungungulu, hi yena loyi a hi khongelelako. Maheb. 7:23

Deuteronome 17:15

hi zona, wena u ta ti yimisela a hosi leyi Jehova Nungungulu wa wena a ta nga yi hlawula. U ta teka munwe xikari ka vamakabye va wena, u mu yimisa a kuva hosi hehla ka nwina; kanilezi u nga yimisi a wamatiko, loyi a nga hiko munwe wa vamakabye va wena.

Deuteronome 18:18

Nzi ta va vuxela muprofeti wo kota wena xikari ka vamakabye vabye, nzi ta enghenisa timhaka ta mina nonwini wakwe, zonake yena i ta va byela zontlhe lezi nzi ta nga mu leletela zona.

Deuteronome 33:5

Ku wa hi ni hosi ya Jexuruni, Laho a tihosana ta vanhu ti tlhangeneko Ni tontlhe tinyangwa ta ka Israeli ti tsombeneko.

Maheberu 1:3

Loyi hi kungangamela ka wudumo gakwe, a nga mu tekelela yena wutsumbu, a khoma zilo zontlhe hi gezu ga ntamu wakwe; laha na a mahile a ku-basisiwa ka zionho, i lo tshama reveni ga xinene ga Wukulu ga le hehla. Joh. 1:4, 14; 2 Kor. 4:4; Efe. 1:20; Xip. 7:27; 1 Ped. 3:22

1 Johani 2:2

Hi yena a nga nzhiho wa ku susa zionho za hina, na ku nga hi za hina ntsena, kanilezi ni za tiko gontlhe kambe: Joh. 1:29; 4:42; Rom. 3:25

Kuvululelwa 19:16

Laha ngubyeni yakwe hi laha xiwunwini ku wa tsalilwe a vito gaku: Hosi ya tihosi tlhelo Mufumeli wa vafumeli. Dan. 2:42; 1 Tim. 6:15; Xip. 17:4