Jeremia 30:16 - Tshwa Bible

¹⁶ Vontlhe lava va ku khadamulako va ta khadamulwawo, Ni vontlhe a valala va wena va ta yiswa wukhumbini, Lava va ku phangako va ta phangiwawo, Ni lava va ku wutlelako va ta wutlelwawo.

Jeremia 30:16 Mawu Ofanana

Tisimu 129:5

A va khomiwe hi tingana, va tlhelela nzhako Vontlhe lava va vengako Zioni.

Eksodusi 23:22

Kanilezi loku u ingisa a gezu ga yona, u maha zontlhe lezi nzi ta nga ku byela, nzi ta maha a nala wa valala va wena, nzi ku lwela ka lava va ku vukelako.

Mavingu 22:23

Hakuva Jehova i ta va yimela, ta lovisa lava va va wutlelako.

Isaya 14:2

A vamatiko va ta va teka, va va yisa kaya kabye; kanilezi a yindlu ya ka Israeli yi ta va fumela lomu tikweni ga ka Jehova, va maha malanza ya xinuna ni ya xisati. Va ta mahiwa tikhumbi hi lava va nga hi tikhumbi tabye, va fumela lava va nga va xanisa.

Isaya 33:1

Khombo ka wena loyi u onhako na cima wena u nga onhiwangi; Wena muphangi, loyi u nga phangiwangiko; Loku u mbhetile ku onha, u ta onhiwawu, Ni loku u mbhetile ku phanga, u ta phangiwawu!

Isaya 54:15

Languta, va nga ku xiyelela, kanilezi a ziti hi ka mina; Ni wihi loyi a ku xiyelelako i tawa mahlweni ka wena.

Isaya 54:17

A gi kona tlhari gi fulelweko ku vukela wena gi ta nga humelela, Ni lihi lirimi li ta nga ku kecara li ta koneka. Leyi hi yona a tshomba ya malanza ya Jehova, Ni kululama kabye kuta hi ka mina, ku wula Jehova.

Jeremia 10:25

Chulula a khulo ga wena hehla ka vamatiko lava va nga ku tiviko, Ni hehla ka tixaka leti ti nga vitanako a vito ga wena. Hakuva va khadamule Jakobe, va mu mita, va mu heta, Ni muti wakwe va wu mahile rumbi.

Jeremia 12:14

Zakunghahi a wulako Jehova hi vaakelwani va mina vo biha lava va vukelako a tshomba leyi nzi hileko a vanhu va mina a vaIsraeli; Nzi ta va tsuwula tikweni gabye, ni yindlu ya ka Juda nzi ta yi tsuwula xikari kabye.

Jeremia 2:3

Israeli i wa basiselwe Jehova, A mbhanzu wo ranga wa kutshovela kakwe; Vontlhe lava va mu gako va tava ni nanzu, Va ta humelwa hi khombo, ku wula Jehova. Jak. 1:18

Jeremia 25:12

Kanilezi loku ku hunzile a 70 wa malembe, nzi ta tsayisa a hosi ya Babuloni ni tiko ga kona hi kota ya kusoholoka kabye, ku wula Jehova, ni tiko ga maKaldea nzi ta gi maha giva xiwula kala kupinzuka. 2 Kro. 38:21; Ezra 1:1; Dan. 9:2

Jeremia 30:15

Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

Jeremia 50:28

A gezu ga lava va ponako tikweni ga Babuloni ga zwakala le Zioni, gi tlhatlhambutela, a ku ti photela ka Jehova, a Nungungulu wa hina, loyi a photelako a tempeli yakwe.

Jeremia 8:16

A guwa ga mahaxi yakwe gi zwala le Dani; A tiko gontlhe gi rurumela hi kota ya kuyimba ka wona; Hakuva va tile va hetisa tiko ni zontlhe zi nga ka goha, A muti ni vontlhe va tshamako ka wona.

Mikosi 1:21

Va zwile lezaku nzi hefumuteka, kanilezi a nga kona ni munwe a nzi chavelelako; A valala va mina vontlhe va zwile hi khombo ga mina, va tsakela lezi u zi mahileko; Va ta fanana na mina loku ku chikele a siku legi u nga kanela ha gona.

Mikosi 1:22

A kubiha kabye kontlhe a kute mahlweni ka wena, U maha kabye kota lezi u mahileko ka mina hi kota ya zihambunyeto za mina zontlhe; Hakuva nzi hefemuteka nguvu, ni mbilu ya mina yi na ni gome.

Ezekieli 29:6

Vontlhe vaaki va tiko ga Gipite va ta zi tiva lezaku hi mina Jehova, hakuva va wa hi nhonga ya lihlanga a ka yindlu ya ka Israeli. 2 Tih. 18:21; Isa. 36:6

Ezekieli 35:5

Hakuva u na ni livengo la simasima, ni kuva u nyikele a vanana va ka Israeli ntanwini wa supado xikhatini xa hlokiselelo yabye, xikhatini xa tsayiselelo wa magumo.

Joeli 3:8

Nzi ta xavisa a vafana va nwina ni vanhanyana va nwina mandleni ya vana va Juda, vonawu va va xavisa mandleni ya va le Xeba, va nga va tiko ga le kule; hakuva Jehova i wulile lezo.

Mika 4:11

Makunu a matiko yo tala ma ku tsombanele, me ngalo: Ngha a nyenyeziswa, kasi a mahlo ya hina ma fela ku xura ha Zioni.

Mika 7:10

A valala va mina va ta zi wona, vawa tingana, lava va nge ngalo: I kwihi Jehova a Nungungulu wa wena? A mahlo ya mina ma ta tsaka a kuwoneni kabye, hakuva va ta kanzihelelwa khwatsi i nzhope ya lomu tindleleni.

Nahume 1:8

Kanilezi i ta lovisa a muti wa kona hi congo wu hlatako, a valala vakwe i ta va; hlongola vaya munyameni,

Habakuka 2:16

U xurile hi tingana na ku nga hi wukosi. Nwana wena nwinyi kasi u kombisa a wukhuna ga wena. A gombe gi nga canjeni ga xinene ga Jehova gi ta hendleletwa ka wena, ni tingana ti ta nyenyezisa a wudumo ga wena.

Zefania 2:8

Nzi zwile a tinzhukano ta Moabi, ni tihlamba ta vana va ka Amoni, leti va rukateleko a vanhu va mina, va ti tekela tiko mimbhinganweni yabye.

Zakaria 1:14

A ngelosi leyi yi nga wulawula na mina, yiku ka mina: Kanela uku: Jehova wa tiyimpi i ngalo: Nzi na ni xiluse xa hombe ha Jerusalema na Zioni,

Zakaria 1:15

na nzi tsanwiswa nguvu hi matiko lawa ma te ku ti njha; hakuva laha nzi nga wa tsanwile kutsongwani ha Israeli, wona ma lo engetela kubiha.

Zakaria 12:2

Langutani, nzi ta maha Jerusalema a kuva gombe gi mahako matiko wontlhe ma gi ranzelekeleko ma dedereka, zive tano ni ka Juda laha Jerusalema gi ta nga vimbezelwa.

Zakaria 14:2

Hakuva nzi ta tsombanyisa a matiko wontlhe kasi kulwa ni Jerusalema, a muti wu ta tekiwa, a tiyindlu ti phangiwa, ni vavasati va pfinyiwa. A khihlanya ga vanhu va muti gi ta yiswa wukhumbini, kanilezi a misalela ya vanhu yi nga ta humeswa mutini.

Zakaria 2:12

Jehova i ta fumela Juda, ava tshomba yakwe a tikweni gi basileko, a engeta a ti hlawutela Jerusalema.

Zakaria 2:8

Hakuva Jehova wa tiyimpi i ngalo: Anzhako ka kungangamela i nzi rumile ka matiko lawa ma ku hlaseleko, hakuva loyi a mu khumbako i khumba a nzololwani ya tihlo gakwe.

Deuteronome 30:7

Na Jehova Nungungulu wa wena i ta veka wontihe lawa makhombo hehla ka valala va wena, ni hehla ka lava va ku vengako, lava va ku xanisako.

Kuvululelwa 13:10

Loyi a yisako vanwani wukhumbini, yenawu i ta mahiwa khumbi; loyi a dayako hi supado, i ta dayiwawu hi supado. Kwalaho ka woneka a kutimisela ni kukholwa ka vobasa. Gen. 9:6; Isa. 33:1; Mat. 26:52

1 Samueli 17:53

Zonake a vavanuna va ka Israeli va lo tlhela hi le ko hlongolisa vaFilistia va ta phanga a wugovelo gabye.