Jeremia 30:14 - Tshwa Bible

¹⁴ A varanziwa va wena vontlhe va ku rivele, A va ku khataleli. Hakuva nzi ku porongetile kota nala, Hi tsayiso wu hlokisako; Hi kota ya wukulu ga kubiha ka wena, Ni wunyingi ga zionho za wena.

Jeremia 30:14 Mawu Ofanana

Joba 16:9

I nzi hanzulele zangeni yakwe: A getsela meno yakwe hehla ka mina, Ni nala wa mina wa nzi tlhava hi mahlo.

Joba 19:11

I nzi vindlusele a zanga yakwe, A nzi hlaya nala wakwe.

Joba 30:21

A ka mina u hunzukile u maha wa lunya; Hi canja ga wena ga ntamu wa nzi vukela.

Tisimu 107:17

Zipumbu hi kota ya zihambunyeto zabye, Va lo xanisiwa hi kota ya zigoho zabye.

Isaya 57:13

Loku u rila ngha a xidlemo xa zifananiso za wena xi ku ponisa! Kanilezi a mheho yi ta zi kukuleta zontlhe, A moya wu ta zi yisa kule. Kanilezi loyi a nzi tsumbako i taga tshomba ya tiko, A xitsunga xa mina xa kubasa xi ta mu lumba.

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 2:36

Hikuyini u hatlisako nguvu ku hunzula a ndlela ya wena ke? Hi Gipite kambe u ta wisiwa tingana Kotisa lezi u nga wisiwa tingana hi Assiria. 2 Kro. 28:20

Jeremia 22:20

Kanziha Lebanoni, u kanyuluka, Tlakusa gezu ga wena le Baxani! Kanyuluka na u hi le Abarime, Hakuva a varanziwa va wena vontlhe va lobyisilwe.

Jeremia 22:22

A varisi va wena va ta hahisiwa hi mheho, Ni varanziwa va wena va ta yiswa wukhumbini; Zonake u taku koyo tingana, U xeveka hloko hi kota ya kubiha ka wena.

Jeremia 30:15

Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

Jeremia 32:29

A maKaldea ma vimbezelako muti lowu, va ta enghena ka wona va wu hisa hi nzilo, va hisa ni tiyindlu tontlhe leti ku hiselweko ka tona a tibani ka Baali, ni ku nyikelwa a minyikelo ya kunwa ka vanungungulu vanwani, kasi ku nzi zangarisa.

Jeremia 32:30

Hakuva a kusukela wusweni gabye a vana va Israeli ni vana va ka Juda va mahile kubiha ntsena mahlweni ka mina, hakuva a vana va Israeli va nzi zangarisile ntsena hi mitiro ya mandla yabye, ku wula Jehova.

Jeremia 32:34

Kanilezi va yimisile a manyala yabye a ndlwini leyi yi vitwako hi vito ga mina, va yi nyenyezisa. 2 Tih. 21:4; Jer. 7:30

Jeremia 32:35

Va akele Baali a matshamu yo tlakuka le koveni wa nʼwana Hinnome, lezaku kasi va hisela Moloki a vana vabye va xinuna ni va xisati; lezo nzi nga va rumangiko zona, hambu a kuva kupimeni ka mina lezaku va maha manyala lawa, va maha Juda a onha.

Jeremia 38:22

Languta, a vavasati vontlhe lava va seleko a ndlwini ya hosi ya ka Juda va ta yiswa ka tihosana ta hosi ya Babuloni; a vavasati lavo va taku: A vanghana va wena va ku kanganyisile, Ve ku hlulile; A milenge ya wena yi kari yi njhibila maropeni, Vona na va tlhelele nzhako! Obad. v. 7

Jeremia 4:30

U ta maha yini lezi xana, wena loyi u hahlulweko? Hambu loku u ambala xiwunguwungu, U ti bombisa hi wuhati-hati ga nzalama, Ni loku u sasisa a mahlo ya wena hi antimonio, Wo ti bombisela mahala. A zigango za wena za ku nyenya, zi lava ku ku daya.

Jeremia 44:22

Jehova i wa nga zi koti ku timisela hi kota ya kubiha ka zimaho za nwina, ni manyalataniso lawa mu nga ma maha. A tiko ga nwina gi hahlukile hi kota ya zona, giva marumbi ni xiruko, gi kala gi vumala ni muaki nyamutlha.

Jeremia 5:5

Nzi taya ka vahombe, nzi ta ya xuxa navo; Hakuva va tiva a ndlela ya Jehova, ni milayo ya Nungungulu wabye. Kanilezi vona vontlhe va wa panzile muyoko, ni ku phewula magota.

Jeremia 5:6

Hi lezo-ke a nghala ya lomu khwatini yi ta va daya, Ni hlolwa ga lomu xiwuleni gi ta va hlakahla, A yingwe yi ta nyanimela a miti yabye; Munwe ni munwani a ta nga huma handle i ta hanzulelwa. Hakuva a zihambunyeto zabye zi tele, Ni zigoho zabye zinyingi. Jer. 4:7; Hos. 13:7

Jeremia 50:42

Va ta welela mawura ni matlhari; va na ni lunya, a va na tipswalo. A guwa gabye gi khwatsi ga bimbi, va khilele mahaxi, na va hlomile a kulwa na wena nhwana wa Babuloni.

Jeremia 6:23

Va welela mawura ni matlhari, Va na ni lunya, a va na tipswalo. A guwa gabye gi khwatsi ga bimbi, Va khilele mahaxi, na va hlomile a kulwa na wena, O nhwana wa Zioni.

Mikosi 1:19

Nzi vitanile a vanghana va mina, kanilezi va nzi kanganyisile; A vapristi va mina ni masingalakati ya mina va lovile le mutini, Na va kari va lava vakuga lezi zi nga hanyisako wutomi gabye.

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Mikosi 2:1

Hosi yi khubhunyetisile kuyini a nhanyana wa Zioni hi refuga zanga ya yona! A wudzunzo ga Israeli yi gi reletile hi le hehla, a gi wisa misaveni, A sikwini ga zanga yakwe a nga hlayisangi a xikhegetelo xa mikonzo yakwe. 1 Kro. 28:2; Tis. 132:7

Ezekieli 23:22

Hikwalaho wena Oholiba, Hosi Jehova i ngalo: Languta, nzi ta ku vuxela a zigangu za wena, lezi u hambeneko nazo, nzi ta va tisa va ku vukela matlhelo wontihe:

Ezekieli 23:9

Hikwalaho nzi lo mu nyikela mandleni ya zigangu zakwe, a mandleni ya maAssiria va nga vona a nga va ranza nguvu.

Danieli 9:11

A vaIsraeli vontlhe va hambunyetile a nayo wa wena, va ku fularela, va nga ingisi a gezu ga wena. Hikwalaho a nzhukano yi chululwe hehla ka hina, ni xifungo lexi xi tsalilweko nayweni wa Mosi a nanza ga Nungungulu, hakuva hi mu onhele. Levi 26:14; Deut. 27:15; 28:15

Danieli 9:13

A khombo gontlhe legi gi hi wele khwatsi hilezi ku tsalilweko nayweni wa Mosi. Kanilezi a hi kombelangi a wuxinji ga Jehova a Nungungulu wa hina, hi ku tsika zigoho za hina, hi chela kota hi zinene za wena.

Danieli 9:5

hi onhile, hi hambunyetile, hi gohile, ni ku hluwuka, hi fularele a zilayelo za wena, ni zileletelo za wena.

Hosea 2:5

Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Obadia 1:7

Wontlhe matiko lawa u mahileko nawo xivumelwano, ma ku tlhelisele mbhinganweni wa wena; a vanghana va wena va ku khohlisile, va ku hlula. Lava va gako zakuga za wena va ta ku dembela ziyo laho u to kala u nga gi woni.