Jeremia 30:12 - Tshwa Bible

¹² Hakuva Jehova i ngalo: A mbanga ya wena a yi chumeki, Ni khoro ga wena a gi holi.

Jeremia 30:12 Mawu Ofanana

2 Kronekele 36:16

Kanilezi vona va lo rukatela a mitsumi ya Nungungulu, va xanza timhaka ta yena, va hlekula vaprofeti vakwe, kala a zanga ya Jehova yi vukela a vanhu vakwe laha ka kuva ku nga hi na kuhuluka.

Jeremia 14:17

U ta va byela, uku: A mahlo ya mina ma chilila mihloti a wusiku ni mumu, a yi yimi; Hakuva a nhwana wa vanhu va mina I panzekile hi mbanga ya hombe, ni khoro gi tshisako.

Jeremia 14:19

Xana Juda u mu tsikele magumo ke? Kutani u ngava u swirekile mbilu hi Zioni ke? Hikuyini u hi bileko lezaku hi nga zi koti ku chumiwa ke? Hi wa lavelele kurula, kanilezi a ku tangi kusasa; Hi lavelele xikhati xo chumiwa, kasi kuchava ku kona!

Jeremia 15:18

A kubayiseka ka mina ku simamisa hikuyini, Ni mbanga ya mina yi nga chumiwi, yi ala ku hola ke? Xana a ka mina u tava a hlowo yi khohlisako, Kutani a mati lawa ma pswhako ke?

Jeremia 30:15

Hikuyini u ketako hi kota ya mbanga ya wena ke? Ni lezi ku nga chumekiko a kubayisa ka wena? Hi kota ya wukulu ga kubiha ka wena, Ni wunyingi ga zionho za wena Nzi ku mahele lezi zilo.

Jeremia 6:7

Kotisa a hlowo yi humesako a mati, Wu humesisa lezo a kubiha ka wona. A kuholova ni kuphanga za zwala ka wona, A wubabyi ni timbanga zi kona mahlweni ka mina.

Jeremia 8:22

Xana a ku na muri le Gileadi, Ku hava nʼanga leyo ke? A mbanga ya nʼwana wa xisati wa vanhu va mina a yi holiswangi hikuyini ke?

Mikosi 2:13

Nzi ta ku kustumunyela yini? nzi ta ku fananisa ni yini, wena nhwana wa Jerusalema? Nzi ta ku ringanisa ni yini, wena nhwana wa Zioni, kasi nza ku chavelela? Hakuva a mole wa wena ngwa hombe ku fana ni bimbi, himani a nga zi kotako ku ku chuma?

Ezekieli 37:11

Zonake aku ka mina: Nʼwana wa munhu, a marambu lawa hi yindlu yontlhe ya ka Israeli. Languta, ve ngalo: A marambu ya hina ma womile, hi mbhelelwe hi kutsumba, hi lovele magumo.

Hosea 5:13

Laha Efraime a nga wona wubabyi gakwe, ni laha Juda a nga wona xilonza xakwe, zonake Efraime i loya le Assiria, a ya rumela ka hosi Jareba. Kanilezi na yenawu a nga zi koti ku mu chuma, a nga zi koti ku holisa xilonza xa wena. 2 Tih. 15:19; 16:7

Mika 1:9

Hakuva a timbanga takwe a ti chumeki, ti chikele ni le ka Juda, ti chikela ni le nyangweni ya tiko ga mina le Jerusalema. 2 Tih. 18:13; Jer. 15:18

Nahume 3:19

A mbanga ya wena a yi na ku kanzetelwa, i mbanga; ya kufa. Vontlhe lava va zwako ha wena va ta phakatela mandla hi litsako; hakuva himani a kiyeleko a kubiha ka wena?