Jeremia 30:10 - Tshwa Bible

¹⁰ Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 30:10 Mawu Ofanana

Genesisi 15:1

Anzhako ka lezi zilo ni gezu ga Jehova gi lota ka Abrama hi kulora, giku: U nga chavi, Abrama! Nzi xitlhangu xa wena; a nchachazelo wa wena wa hombe nguvu.

Isaya 14:3

A sikwini lego Jehova a ta nga mu humuta kuxanisekeni ka nwina ni kuchava, ni ka mikhinyavezo leyi mu nga hlokiswa hi yona,

Isaya 35:9

Yi nga tava ni nghala, Ne ni zivanza zo leva zi nga tava kona, Zi nga ta kumeka lomo; Kanilezi yi ta famba lava va tlhatlhisilweko.

Isaya 43:5

U nga chavi, hakuva nzi zinwe na wena; Nzi ta neha a vanana va wena hi le Mutsuwuka-gambo, Nzi ku tsombanyisa u huma hi le Muhlwa-gambo.

Isaya 44:1

Makunu zwana, O Jakobe wena nanza ga mina, Wena Israeli, loyi nzi ku hlawuleko!

Isaya 44:2

I wula lezi Jehova loyi a ku mahileko, Loyi a nga ku wumba rumbyini ga nyine wa wena, a muvuni wa wena, Aku: U nga chavi nchumu Jakobe, nanza ga mina, Wena Jexuruni loyi nzi ku hlawulileko. Jer. 30:10; 46:27

Isaya 46:11

Nzi vitana a gama hi le Mutsuwuka-gambo, Ni munhu loyi a ta nga maha kuranza ka mina hi le tikweni ga le kule. Ina, nzi zi wulile, nzi ta zi maha zi tatiseka; Lezi nzi zi alakanyileko nzi ta zi maha.

Isaya 46:13

Nzi tshinetile a kululama ka mina, Ni kuhanyisa ka mina ku nga ta hlwela; Nzi ta veka kuhanyisa ka mina le Zioni, Ni wudzunzo ga mina ka Israeli.

Isaya 49:12

Langutani, vata hi le kule, A vanwani va huma hi le Nwalungu, ni le Muhlwa-gambo, A vanwani va huma hi le tikweni ga Sinima.

Isaya 49:25

Kanilezi Jehova e ngalo: Ina, a tikhumbi ta nhenha ti ta tlhatlhiswa, Ni muphango wa loyi a Wulileko wu ta wutliwa; Hakuva mina nzi talwa ni valala va wena, Nzi ponisa vana va wena.

Isaya 54:4

U nga chavi, hakuva u nga ta wiswa tingana; U nga kanganyiseki, hakuva u nga ta su koyo tingana; U ta rivala a tingana ta wuswa ga wena, U nga ta ha alakanya a xiruko xa wunoni ga wena.

Jeremia 23:3

Mina wutsumbu nzi ta hlengeleta a misalela ya tiyivu ta mina, ti huma matikweni wontihe lomu nzi ti hangalasileko kona, nzi ti tlhelisela marangeni ya tona; ti ta pswala ti enzeleka.

Jeremia 23:4

Nzi ta yimisa varisi hehla ka tona, lava va ta nga ti risa. Cima ti nga ta ha chava, hambu ku rurumela, ku nga ta vumaleka ni yinwe ya tona, ku wula Jehova. Isa. 40:11; Ezek. 34:11

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Jeremia 23:8

kanilezi va taku: Jehova wa hanya, loyi a nga rangela a vana va yindlu ya ka Israeli va huma hi le tikweni ga Nwalungu, ni le matikweni wontihe lawo a nga va hlongolela kona; va ta ta aka tikweni gabye.

Jeremia 29:11

Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 29:14

Nzi ta kumiwa ha nwina, ku wula Jehova, nzi ta tlhelisela a vakhonwi va nwina, nzi ta mu tsombanyisa hi matikweni wontihe ni matlhelweni wontihe lawa nzi mu hangalasileko kona, ku wula Jehova; nzi ta tlhela nzi mu wuyisa ka wutshamu legi nzi mu hlongoleko ka gona muya wukhumbini. Deut. 30:1; Tis. 106:45

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Jeremia 30:3

Hakuva ma hata masiku, ku wula Jehova,, lawo nzi to tlhelisela ha wona a vabohiwa va vanhu va mina va Israeli na Juda, ku wula Jehova. Nzi ta va wuyiseta tikweni legi nzi hileko a vakoko vabye, va ta gi fumela.

Jeremia 30:7

Yowe, mina zanga! A siku legi ga hombe, A ku na ginwani go fanana nago. Xikhati xa khombo a ka Jakobe, Hambu zi hi tano, i ta pona ka xona. Joeli 2:11; Am. 5:18; Zef. 1:15

Jeremia 33:16

Juda i ta hanyiswa masikwini lawo, ni Jerusalema i ta tshama hi kurula. Legi hi vito va to mu vitana ha gona, Jehova hi kululama ka hina.

Ezekieli 16:52

Wena loyi u nga sola vamakwenu, rwala a tingana ta wena hi kota ya zionho za wena lezi zi nyenyezileko ku hunza zabye, va lulamile ku hunza wena. Ina, kanganyiseka u rwala tingana ta wena, hakuva u basisile a vamakwenu.

Ezekieli 38:11

u taku: Nzi ta kanziha nziya tikweni ga miti yi nga bhiyelwangiko. Nzi taya ka vona lava va nga su cucululu, lava va tshamisekako, a miti yabye yi nga hiko na makhurisi, yi nga hiko na tibhingo hambu ni tinyangwa.

Danieli 12:1

Xikhatini lexo ku ta huma Mikaeli, a hosana leʼya hombe yi yimelako a vana va tiko ga wena; ku tava ni zikhati za zikarato lezi zi kalako zi nga se huma kusukela a kusanguleni ka mifumo kala xikhatini lexo. Xikhatini xwalexo a vanhu va wena va ta tlhatlhiswa, vontlhe lava va ta nga kunwa na va tsalilwe bhukwini. Mat. 24:1; Mar. 13:19

Hosea 2:18

Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.

Hosea 2:20

Nzi ta ku teka hi kutsumbeka, na wena u ta tiva Jehova.

Hosea 6:11

Na wenawu Juda, u yimiselwe a xikhati xa kutshovela, laha nzi ta nga tlhelisa a vanhu va mina hi le wukhumbini.

Joeli 2:21

U nga chavi wena tiko! Tsaka u nengela, hakuva Jehova i mahile a zilo za hombe.

Mika 4:9

Hikuyini u kanyulukako makunu ke? A wa ha hi na hosi ke? A sungukati ga wena gi lovile ke, lezi u khomilweko hi kubayiseka khwatsi wasati alunwako?

Zakaria 3:10

Hi siku lego, ku wula Jehova wa tiyimpi, munwe ni munwani i ta ramba muakelwane wakwe ku tshama naye lahasi ka xivina ni kuwu wakwe.

Johani 12:15

U nga chavi, nhanyana wa Zioni; languta, a Hosi ya wena yata, na yi khilele a role ga mbongola. Zak. 9:9