Jeremia 3:3 - Tshwa Bible

³ Hikwalaho a tivula ti beletelwe, Zonake a vula yo ranga a yi nangi; Kanilezi a ximombo xa wena xi wa hi xa xibhayi, Lezaku u nga vumeli kuzwa tingana. Deut. 11:16; Ezek. 3:7

Jeremia 3:3 Mawu Ofanana

Genesisi 19:34

Zonake hi manziko wa kona loyi wa nhonzwa i te ngalo ka loyi wa nzisana: Languta, nzi etlele na dadani matolo; a hi engete kambe hi mu nwisa vinya wusiku legi, u enghenawu u etlela naye, kasi hiva ni tinyimba ha dadani.

Nehemia 9:17

va ala ku ingisa, hambu ku khatala hi zihlamaliso lezi u nga wa zi maha xikari kabye; kanilezi va lo nonohisa tinhamu tabye, kutialiseni kabye va ti hlawutela a murangeli, kasi ku va rangela va tlhelela wukhumbini. Kanilezi wena u Nungungulu loyi a tengileko ku tsetselela, u wa tipswalo, na u tele hi wuxinji; u nonoka ku zangara, na u tele hi wunene, a ku va fularelangi Ekso. 34:6; Joeli 2:13

Mavingu 21:29

A munhu wa kubiha wa boha nghohe yakwe; anilezi loyi a lulamileko wa tiyisa a tindlela takwe.

Isaya 5:6

Nzi ta xi maha fusi, xi nga ta theniwa, hambu ku rimiwa; Xi ta mila zigetlwani ni mizwa; Nzi ta leletela marefu lezaku ma nga ha nisi vula hehla ka xona.

Jeremia 14:1

A gezu ga Jehova gi ngata ka Jeremia xungetano ni ku kala vula.

Jeremia 14:22

Xana xi kona a xifananiso xikari ka vamatiko xi zi kotako ku nisa vula ke? Kutani tilo gi nga zi kota ku nisa vula ha goce ke? Xana a hi wena ke, Jehova Nungungulu wa hina? Hikwalaho hi ta ku rinzela, hakuva hi wena u mahileko zontlhe lezi.

Jeremia 14:3

A vahombe va kona va rumele laʼva tsongwani a ku ya lava mati, Loku vata tihlobyeni a va kumi mati, Va tlhela nitifuko tabye ta maphanga. Vazwa tingana vaku goo! na va fenengeta tihloko tabye.

Jeremia 14:4

A varimi va wiswa tingana, va fenengeta tihloko tabye, Hakuva misava yi khayekile, Hi kota yo kala vula laha tikweni. Joeli 1:11

Jeremia 36:2

Ti tekele a bhuku u tsala tontlhe timhaka leti nzi ku byelileko ha Israeli na Juda, ni xungetano hi wontihe matiko, a kusukela a siku lego nzi nga wulawula na wena a masikwini ya Josia kala nyamutlha lezi.

Jeremia 5:24

A va wuli timbilwini tabye ku: A hi chaveni Jehova Nungungulu wa hina, loyi a nyikako vula yo ranga ni ya wuxika hi tinguva ta yona, a wihi a hi hlayiselako a maviki ya kutshovela ka hina. Deut. 11:14; Miti. 14:17

Jeremia 5:25

Hi zionho za nwina zi hambukisileko lezi zilo, mu vumala makatekwa hi kota ya zigoho za nwina.

Jeremia 5:3

O Jehova, xana a mahlo ya wena a ma cuwukeli a zinene ke? Wena u va bile, kanilezi a va zwangi kubayisa. U va lovisile, kanilezi a va vumelangi ku layiwa. Va nonohisile a tinghohe tabye a ku hunza ni ribye, Va ala ku hunzuluka. Isa. 1:5; 9:13

Jeremia 6:15

Xana va zwile tingana loku va mahile manyala ke? Kokwihi, a va zwangi tingana, Ne, a va tivi ku koyama tingana. Hikwalaho va tawa zinwe ni vanwani; Va tawa a xikhati nzi va tsavisako, ku wula Jehova.

Jeremia 8:12

Va wa hi ni tingana hilezi va nga tirile manyala ke? A va na tingana, hambu ku pima lezaku xini ku wiswa tingana! Hikwalaho va tawa zinwe ni lava va wako: A xikhatini xa kutsayiswa kabye va ta khunguvanyeka, ku wula Jehova.

Jeremia 9:12

Himani a tlharihileko lezaku a pima lezi ke? Himani loyi a nomu wa Jehova wu wulawulileko kakwe, kasi a hi tivisa lezaku tiko gi onhisilwe hikuyini? Kala gi hisilwe ku fanana ni xiwula, ku nga ha hunzi ni munhu?

Ezekieli 3:7

Kanilezi a yindlu ya ka Israeli yi nga ta ku ingisa, hakuva a va ranzi ku nzi ingisa; yontlhe a yindlu ya ka Israeli mbanhu va tihloko to nonoha ni timbilu to sihalala.

Levi 26:19

Nzi ta tshova a kutikukumukisa ka ntamu wa nwina; nzi ta maha tilo ga nwina gi fanana ni xiketse, ni misava ya nwina yi fanana ni suku.

Amosi 4:7

Nzi mu tsonile vula na ka ha sele tihweti tinharu a kuva mu tshovela; nzi yi nisa ka muti munwe, a ka wunwani yi ngani; a simu ginwe gi nelwa, legi gi nga kala ku nelwa gi woma.

Amosi 4:8

Zinghaho a miti mimbiri ni miti minharu yi loya ka muti a ku yanwa mati, kanilezi yi nga kolwi. Hambu zi hi tano, a mu hunzulukangi ka mina, ku wula Jehova.

Zefania 2:1

Tsombanani, mu ti alakanyela, nwina tiko gi nga hiko na tingana,

Zefania 3:5

Jehova i lulamile xikari ka wona, a nga mahi kubiha; mixo ni mixo i humesa a nongameto wakwe kubaseni, a nga tindeki; kanilezi a vakubiha a va tivi tingana.

Hagai 1:11

Nzi nehile kubalela hehla ka tiko, ni le hehla ka zitsunga, ni le hehla ka mavele, ni le hehla ka vinya, ni le hehla ka mafura, ni le hehla ka zontlhe lezi zi humako misaveni, ni le hehla ka vanhu, ni le hehla ka zihari, ni le hehla ka mitiro yontlhe ya mandla ya nwina. 1 Tih. 17:1; 2 Tih. 8:1; Has. 2:18

Deuteronome 28:23

A tilo gi ta fanana na suku hehla ka hloko ya wena, ni misava lahasi ka wena yi tava xiketse.

Maheberu 12:25

Cuwukani a ku kala mu nga mu ali loyi a wulawulako. Hakuva loku a vakale va nga ponangi, laha va nga mu ala loyi a nga va laya na hi laha misaveni, nguvunguvu hina hi nga ta pona loku hi mu fularela loyi a layako hi le tilweni;