Jeremia 3:12 - Tshwa Bible

¹² Yana, u ya kanela mahungu laya le Nwalungu, uku: Wuya Israeli, wena loyi u hambukileko, ku wula Jehova. Nzi nga ta ha mu zangarela, hakuva mina nzi na ni tipswalo, ku wula Jehova, nzi nga ta simamisa nzi zangara kala kupinzuka.

Jeremia 3:12 Mawu Ofanana

Genesisi 4:7

Loku u maha khwatsi u nga ta tlakuswa ke? kanilezi loku u nga mahi khwatsi a xionho xi xiyelela nyangwe-ni, kuxuva ka xona ku ta kuva ka wena; kanilezi wena u ta xi fumela. Rom. 6:12

2 Tihosi 15:29

Masikwini ya Peka hosi ya ka Israeli, Tiglate-Pilesera a hosi ya le Asiria i lota a ta teka Ijoni, na Abelabete-Maaka, na Janoa, na Kedexe, na Hazora, na Gileade, na Galile, ni gontlhe a tiko ga ka Naftali, a va khoma va maha tikhumbi a va fambisa le Asiria.

2 Tihosi 17:23

kala Jehova a susa va ka Israeli mahlweni kakwe, khwatsi hi lezi a wulawulileko hi milomu ya malanza yakwe wontihe, va nga vona vaprofeti; i lo susa va ka Israeli lomu tikweni gabye a va yisa le Asiria, lomo va akileko kona kala nyamutlha. Deut. 28:36

2 Tihosi 17:6

Hi lembe ga wu 9 ga kufuma ka Hoxea, a hosi ya le Asiria yi lo teka a Samaria, yi yisa va ka Israeli tikweni ga le Asiria, yi ya va akisa le Hala ni le Habora, le Congweni wa Gozani, ni le mitini ya vaMedi.

2 Tihosi 18:1

Hi lembe ga wunharu ga kufuma ka Hoxea nʼwana Ela hosi ya ka Israeli, Hezekia nʼwana Ahaza a hosi ya ka Juda i lo sangula ku fuma.

2 Kronekele 29:10

Makunu mina nzi xuva ku maha xivumelwano na Jehova, Nungungulu wa ka Israeli, kasi a zanga yakwe yo chaviseka ya suka ka hina.

2 Kronekele 30:9

Hakuva loku nwina mu tlhelela ka Jehova, a vanakuloni ni vana va nwina va tava ni thomo mahlweni ka lava va va khomileko va yiswa wukhumbini, va ta wuyiswa lomu tikweni legi, hakuva Jehova Nungungulu wa nwina i tele hi tipswalo ni wuxinji; cima a nga ta mu fularela loku mu tlhelela ka yena.

Tisimu 103:17

Kanilezi a wuxinji ga Jehova ga kala kupinzuka Ka vona lava va mu chavako, Ni kululama kakwe ka vazukulu, Ekso. 20:6; Deut. 7:9; Lu. 1:50

Tisimu 103:8

Nungungulu i na ni wuxinji ni tipswalo, Wa nonoka ku zangara, i tele hi wunene. Ekso. 34:6; Joeli 2:13; Jona 4:2

Tisimu 103:9

A nga kawuki xontlhe xikhati, Ge hambu ku zangara kala ku pinzuka.

Tisimu 145:8

Jehova i na ni tipswalo, i tele hi wuxinji, Wa nonoka ku zangara, i na ni wunene ga hombe. Ekso. 34:6; Joeli 2:13; Jona 4:2

Tisimu 79:5

Ku ta kala kuva rini, Jehova, na wa ha zangarile? A xiluse xa wena xi ta vura khwatsi i nzilo kala rini?

Tisimu 86:15

Kanilezi wena Hosi, u Nungungulu loyi a hawukelako, u hi ni tipswalo; Wa timisela, u tele hi wuxinji ni kutsumbeka. Ekso. 34:6; Neh. 9:17

Tisimu 86:5

Hakuva wena Hosi, u nene, wa tsetselela, U maha wuxinji kanyingi ka lava va ku khongelako. Joeli 2:13; Jona 4:2

Mavingu 28:13

Loyi a fihlako zionho zakwe cima a nga ta kateka; anilezi loyi a zi wulelako, a zi tsika, i ta mahelwa wuxinji. 1 Joh. 1:9

Isaya 31:6

Hunzulukani ka yena loyi mu mu hluwukileko, Nwina vana va ka Israeli!

Isaya 44:22

Nzi vinyile a zihambunyeto za wena khwatsi i refu, Ni zionho za wena khwatsi i hunguva. Tlhelela ka mina, hakuva nzi ku tirule.

Jeremia 11:6

Zonake Jehova i lo wula ka mina, aku: Kanela tontlhe leti timhaka a mitini ya ka Juda, ni lomu maruweni ya Jerusalema, Uku: Ingisani a timhaka ta lexi xivumelwano, mu maha tona.

Jeremia 12:15

Kanilezi anzhako ka kuva na nzi va tsuwule, nzi ta tlhela nzi va zwela wusiwana, nzi ta va tlhelisa munwe ni munwani a tshombeni yakwe, munwe ni munwani a tlhelela tikweni gakwe.

Jeremia 23:8

kanilezi va taku: Jehova wa hanya, loyi a nga rangela a vana va yindlu ya ka Israeli va huma hi le tikweni ga Nwalungu, ni le matikweni wontihe lawo a nga va hlongolela kona; va ta ta aka tikweni gabye.

Jeremia 3:1

Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Jeremia 3:14

Wuyani, nwina vanana va hluwukileko, ku wula Jehova, hakuva nzi nwinyi wa nwina. Nzi ta mu tekela a munwe ka muti ni muti, ni vambiri ka lixaka ni lixaka; nzi ta mu yisa le Zioni.

Jeremia 3:18

A ka lawo masiku a yindlu ya ka Juda yi ta longoloka zinwe ni yindlu ya ka Israeli; va tata hi wumbiri gabye hi le tikweni ga Nwalungu, vata ka tiko legi nzi nyikileko vararu va nwina a kuva tshomba yabye.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Jeremia 3:5

Xana i tava ni khulo gakwe kala kupinzuka ke? I ta simamisa nago kala magumo ke? Wena u wulile a zakunghahi, Kanilezi u maha zilo zi bihileko u kala u zi mbhetisa.

Jeremia 3:7

Mina nzi wa alakanya nziku: Anzhako na mahile zontlhe lezi i ta wuya ka mina. Kanilezi a nga wuyangi. Makunu Juda, a makabye a nga tsumbekangiko, i lo zi wona.

Jeremia 30:11

Hakuva nzi zinwe na wena, Kasi ku ku hanyisa, ku wula Jehova. Hakuva nzi ta mbhetisa wontihe a matiko Lawo nzi ku hangalasileko ka wona; Kanilezi wena nzi nga ta ku mbhetisa; Nzi ta ku laya hi nongameto, A nzi zi koti ku ku tsika na u nga biwangi.

Jeremia 31:20

Xana Efraime hi nwananga a ranzekako ke? a xiranzwa hi mbilu ke? Hakuva hambu loku nzi mu vukela nza mu khumbula hi ku tlula mpimo; A marumbu ya mina ma divitana hi kota ya yena, Futsi, nzi ta mu hawukela, ku wula Jehova.

Jeremia 31:21

Ti yimisele a zikombiso, u zimeka zikomba-ndlela; A mbilu ya wena yi kongoma a gonzo, A ndlela leyi u fambileko ha yona. Hunzuluka, wena nhwana wa Israeli, Wuya mitini ya wena.

Jeremia 31:8

Nzi ta va wuyisa hi le tikweni ga Nwalungu, Nzi va tsombanyisela hi le magemeta-musi ya misava; Zinwe navo ku ni zikhumu ni zilema, A va tinyimba ni loyi a ha lunwako; Va ta wuya na va hi xidlemo xa hombe.

Jeremia 33:26

zonake nzi ta tsika a pswalo wa Jakobe ni wa Davida a nanza ga mina, lezaku nzi nga ha dzuki nzi teka xikari ka vana vakwe loyi a ta nga fumela a lixaka la Abrahama, Isaka na Jakobe, hakuva nzi ta wuyisa a vakhomiwa vabye nzi va hawukela.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Mikosi 3:22

Tipswalo ta Jehova lezaku hi nga se lova, Hakuva a wuxinji gakwe a gi mbheli.

Ezekieli 11:17

Hikwalaho u taku: Hosi Jehova i ngalo: Nzi ta mu hlengeletela hi ka matiko lawa mu nga hangalaswa ka wona, nzi ta mu nyika a tiko ga ka Israeli.

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Ezekieli 39:25

Hikwalaho Hosi Jehova i ngalo: Makunu nzi ta tlhelisa kambe a tikhumbi ta Jakobe, nzi ta yi mahela wuxinji yontlhe a yindlu ya ka Israeli, nzi ta pangamela a vito ga mina go basa.

Hosea 6:1

Tanani hi tlhelela ka Jehova; hi yena a hi hanzuleko, i ta hi chuma; hi yena a hi lamatileko, i ta bohelela a timbanga ta hina. Deut. 32:39; 1 Sam. 2:6

Levi 26:40

Kanilezi loku vona va wulela kuonha kabye, ni kuonha ka vadadani vabye loku va nzi goheleko; va vumela lezaku va hambene na mina;

Zakaria 1:4

Mu nge khwatsi hi vadadani va nwina, lava a vaprofeti va kale va nga kanyukelana kabye, vaku: Jehova wa tiyimpi i ngalo: Humani tindleleni ta nwina to biha, mu tsika a zimaho za nwina za hava! Kanilezi a va zwangi, hambu ku nzi ingisa, ku wula Jehova.

Deuteronome 30:2

loku wena u tlhelela ka Jehova Nungungulu wa wena, ni loku u ingisa a gezu gakwe hi mbilu yontlhe ya wena, ni muhefemulo wontihe wa wena, wena ni vanana va wena, khwatsi hi lezi nzi ku leletelako zilo zontlhe legi siku ga nyamutlha;