Jeremia 3:1 - Tshwa Bible

¹ Ve ngalo: Loku a wanuna a hlongola sati wakwe, loye wasati a ti fambela, a ya tekiwa hi munwani wanuna, xana loyi wanuna a nga zi kota ku mu tlhelela kambe ke? A tiko lego gi nga ta swariswa hi ku maha lezo ke? Kanilezi wena loyi u gengileko hi wubhayi ni zigango zo tala, xana u ta tlhelela ka mina, ku wula Jehova. Deut. 24:4

Jeremia 3:1 Mawu Ofanana

Tisimu 106:38

Va halata nkhata wu nga hiko na nanzu, A nkhata wa varisanyana ni vanhwana vabye; Va phahlela ha vona ka zifananiso za le Kanani, Ni tiko gi nyenyeziswa hi nkhata. Mitse. 35:33

Isaya 24:5

Ni misava yi nyenyezisilwe hi vaaki va yona, Hakuva va hambunyetile milayo, va hunzule ziyimiso; Va tshova xivumelwano xa kala kupinzuka.

Jeremia 2:20

Hakuva hi kale na u tshovile muyoko wa wena, U phewulela a tingoti ta wena, uku: Nzi nga ha ta tira. Hakuva u baramile zitsungeni zontlhe zo tlakuka. Ni lomu hasi ka tontlhe tisinya to nyuka, u maha wubhayi.

Jeremia 2:23

Xana u nga wutisa kuyini, uku: A nzi nyenyeziswangi, A nzi lanzelangi Baali? Hi nga wona a ndlela ya wena le nzhelelweni, Alakanya lezi u zi mahileko. Wena u kameli ga mazambo, legi gi tsutsumelako lahaya ni lahaya.

Jeremia 2:7

Nzi lo mu neha a tikweni ga pfuno. Kasi mu taga mihanzu ya gona ni kunanziha ka gona. Kanilezi loku mu enghenile ka gona, mu nyenyezisile a tiko ga mina, Ni tshomba ya mina mu yi mahile manyala.

Jeremia 22:20

Kanziha Lebanoni, u kanyuluka, Tlakusa gezu ga wena le Baxani! Kanyuluka na u hi le Abarime, Hakuva a varanziwa va wena vontlhe va lobyisilwe.

Jeremia 3:22

Wuyani, nwina vanana va hluwukileko, Mina nzi ta chuma a kuhambuka ka nwina. Hi hina valava, hi tile ka wena; Hakuva wena u Jehova a Nungungulu wa hina.

Jeremia 3:9

Yena i lo nyenyezisa a tiko hi wubhayi gakwe go tshisa, hakuva i lo rembana ni maribye ni zibho.

Jeremia 31:22

Xana u ta pepetseka kala rini, wena nhwana wo tlula milayo? Hakuva Jehova i ta vanga xilo xiswa le misaveni, A wasati i ta hlayisa wanuna.

Jeremia 4:1

Loku u hunzuluka, O Israeli, wuya ka mina, ku wula Jehova; Loku u susa manyala ya wena mahlweni ka mina, Zonake u nga ta ha nzulanzula kambe.

Jeremia 4:14

Jerusalema, basisa a mbilu ya wena kubiheni, Kasi wa fela ku hanyiswa. A maalakanyo ya wena ya kubiha ma ta tshama na wena kala rini ke?

Mikosi 1:2

Wa rila ni wusiku, a mihloti yakwe yi xilila marameni yakwe; Xikari ka ziranzwa zakwe zontlhe a ku na munwe a nga mu tangalisako. A vanghana vakwe vontlhe va mu tsikile, va hunzukile va maha valala vakwe.

Ezekieli 16:26

U mahile wuoswi ni vaGipite kambe, a vaakelane va wena va nga ni nyama ya hombe; u vindlusile a zanga ya mina hi kutala ka wuoswi ga wena. Ekso. 32:1; Ezek. 20:7

Ezekieli 16:30

Ku kulisile kuyini a kunavela ka mbilu ya wena, ku wula Hosi Jehova, lezi u mahako zontlhe lezi, wu nga ntiro wa xibhayi xo tshisa;

Ezekieli 16:35

Hikwalaho wena xibhayi, zwana a gezu ga Jehova!

Ezekieli 33:11

Wula kabye uku: Nza hlambanya hi kuhanya ka mina, ku wula Hosi Jehova, a nzi xalaliswi hi kufa ka wakubiha; kanilezi nzi xalaliswa hi kuhunzuluka ka wakubiha a ndleleni yakwe a hanya. Hunzulukani, hunzulukani mu suka tindleleni ta nwina to biha! Mu ta lova hikuyini, nwina va yindlu ya ka Israeli?

Hosea 1:2

Laha Jehova a nga ranga a wulawula na Hosea, aku: Famba, uya teka a sati wa wubhayi ni vanana va wubhayi, hakuva a tiko ga maha wubhayi gi fularela Jehova. Vala. 8:33; Ezek. 16:15

Hosea 2:2

Khongotelani a nyine wa nwina, hakuva yena a hi sati wa mina, minawu a nzi nuna wakwe. A suse wubhayi gakwe nghoheni yakwe, ni wuoswi gakwe maveleni yakwe.

Mika 2:10

Sukani mu famba, hakuva a mu na wuhumulelo laha, hi kota ya ku nga hlazeki loku ku yisako kulobyisweni ka hombe.

Zakaria 1:3

Hikwalaho va byele uku: Jehova wa tiyimpi i ngalo: Tlhelelani ka mina, ku wula Jehova wa tiyimpi, na minawu nzi ta tlhelela ka nwina, ku wula Jehova wa tiyimpi.

Mateu 5:31

Ku wa wulilwe kambe ku ngalo: Loku munhu a hlongola sati wakwe, a mu nyike a papilo ga kuhambana. Deut. 24:1; Jer. 3:1; Mar. 10:2

Deuteronome 22:21

va ta mu humesa laha nyangweni ya yindlu ya raru wakwe, zonake a vanhu va muti wabye va ta mu gandla hi maribye, kala afa, hakuva i mahile a zilo zo nyenyeza nguvu ka Israeli hi ku bhaya lomu ndlwini ka raru wakwe. Hikwalaho u ta susa kubiha xikari ka nwina.

Valamuli 19:2

A mundlukulu loyi wakwe i lo bomba hi wuoswi, a suka aya ka raru wakwe le Betlehema-Juda, a ya tshama leyo Xipimo xa mune wa tihweti.