Jeremia 29:7 - Tshwa Bible

⁷ Xuvani a makatekwa hehla ka muti lowu nzi mu yisileko ka wona kota vakhonwi, mu wu khongelela ka Jehova; hakuva loku wu humelela, mu ta humelela na nwinawu.

Jeremia 29:7 Mawu Ofanana

Ezra 6:10

kasi va fela ku nyikela ka Nungungulu wa le tilweni, a miphahlelo ya masema yo nanziha, ni ku kombelela a wutomi ga hosi ni vanana Va yona.

Ezra 7:23

Zontlhe lezo zi leletelweko hi Nungungulu wa le tilweni a zi mahelwe a yindlu yakwe hi ku chela kota, kasi a nga zangareli a mufumo wa hosi ni vanana va yona.

Tisimu 122:6

Kombelelani a kurula ka Jerusalema, Lava va ku ranzako va ta vuvuma.

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Ezekieli 11:16

Hikwalaho wula uku: Hosi Jehova i ngalo: Hambu lezi nzi va hangalasileko xikari ka vamatiko, nzi va yisa ka matiko manwani, nzi tava wuchavelo gabye a xikhatanyana lomu ka matiko lawa va yileko ka wona.

Danieli 4:19

Zonake Danieli, a nga vitwa Beltexazarre, aku kaye xikhatana laho, a xeveka maalakanyweni yakwe. A hosi yiku: Beltexazzare, u nga xeveki hi kota ya noro ni tlhamuselo wa wona. Beltexazzare aku: Hosi yanga, a noro lowu a wuve hehla ka lava va ku vengako, ni tlhamuselo wa wona a wu henye a valala va wena.

Danieli 4:27

Hikwalaho wena hosi, amukela wusungukati ga mina, susa a zionho za wena hi ku maha kululama, ni zigoho za wena hi ku hawukela lava va vumalako; kutani ku ta kuva a kukateka ka wena ku simama.

Va le Roma 13:1

Ngha na munwe ni munwani a ingisa a mufumo; hakuva a ku na mufumo wu nga yimiswangiko hi Nungungulu; a wuhosi legi gi nga kona gi yimisilwe hi Nungungulu. Dan. 2:21; Joh. 19:11; 1 Kor. 7:21

Va le Roma 13:5

Hikwalaho zi lavekile a kuva mu ingisa, na ku nga hi kota ya ku chava zanga ntsena, kanilezi kambe hi kota ya livalo. Mutsa. 8:2