Jeremia 29:11 - Tshwa Bible

¹¹ Hakuva nza alakanya lezi nzi xuvako ha nwina, ku wula Jehova: maalakanyo ya kurula, na ma nga hi ya khombo, lezaku mu tsumba a masiku ma ha tako.

Jeremia 29:11 Mawu Ofanana

Joba 23:13

Kanilezi i na ni kualakanya kunwe ntsena, himani a nga mu hunzulusako? Ni lezi a zi ranzako wa zi maha. Dan. 4:32

Tisimu 33:11

A xikungo xa Jehova xi ta tsonzoma kala kupinzuka; A maalakanyo ya mbilu yakwe ma su tsoma zizukulwaneni zontlhe.

Tisimu 40:5

Jehova, Nungungulu wa mina, yi tele a mitiro yi hlamalisako leyi u yi mahileko, Ni makungo ya wena ha hina. A ku na munwe loyi a fananako na wena, Nzi wa ta ranza ku yi tlhatlhambutela, Kanilezi a yi na ku hlayiwa. Ekso. 15:11

Tisimu 85:9

Hizinene, a kuhanyisa kakwe ku tshinele ka lava va mu chavako, Kasi kungangamela ka tshama tikweni ga hina. Joh. 1:14

Isaya 27:4

A nzi xi zangareli, Loku a zigetlwani ni mizwa zi wa talwa na mina, Nzi wa ta zi hlomela, nzi zi hisa zontlhe.

Jeremia 23:5

A masiku mata, ku wula Jehova, lawo nzi to vuxela Davida a Hluke gi lulamileko. I tava hosi ya ngoma, a humelela, yena i ta lamula hi nongameto ni kululama lomu tikweni.

Jeremia 23:6

Juda i ta hanyiswa masikwini yakwe, na Israeli i ta tshama hi kurula. Legi hi vito gakwe a to vitanwa ha gona: Jehova hi kululama ka hina.

Jeremia 24:5

Jehova a Nungungulu wa Israeli i ngalo: Kota lezi vanhu va tsakako hi makuwu laʼma nene, hizalezo nzi ta tsaka hi vaJuda lava va bohilweko, nzi hlayisa khwatsi lava nzi va humesileko wutshanwini legi nzi va yisa tikweni ga maKaldea.

Jeremia 30:10

Hikwalaho u nga chavi, wena Jakobe, nanza ga mina, ku wula Jehova; U nga dzukiswi, wena Israeli; Hakuva nzi ta ku humesa tikweni ga le kule, Ni vana va wena tikweni ga wukhumbi gabye. Jakobe i ta wuya, a tshameka khwatsi, Ku nga tava kona wo mu chavisa.

Jeremia 30:9

Kanilezi va ta tirela Jehova, Nungungulu wabye, Na Davida, hosi yabye, Loyi nzi to va vuxela yena.

Jeremia 33:6

Languta, nzi ta wu bohelela nzi wu chuma, ni ku va holisa; nzi ta va kombisa a wunyingi ga kurula ni zinene.

Mikosi 3:26

Zi sasekile akuva munhu a rinzela hi kurula A kuhanyisa ka Jehova.

Ezekieli 11:16

Hikwalaho wula uku: Hosi Jehova i ngalo: Hambu lezi nzi va hangalasileko xikari ka vamatiko, nzi va yisa ka matiko manwani, nzi tava wuchavelo gabye a xikhatanyana lomu ka matiko lawa va yileko ka wona.

Hosea 3:5

Anzhako ka lezo a vanana va ka Israeli va ta tlhela va hlota Jehova a Nungungulu wabye, na Davida a hosi yabye; a masikwini yo gumesa va ta chavela ka Jehova ni wuneneni gakwe. Isa. 2:2; Jer. 30:9; Mika 4:1

Mika 4:12

Kanilezi a va ma tivi a maalakenyo ya Jehova, ge hambu ku pima a xikungo xakwe. Hakuva i va hlengeletele kukotisa milumbi le wuhulelweni.

Zakaria 1:6

Kanilezi a timhaka ta mina ni zilayelo za mina, lezi nzi nga zi leletela ka vaprofeti a malanza ya mina, a zi kamanyetangi a vadadani va nwina ke? kasi va hunzuluka, vaku: Khwatsi hilezi Jehova wa tiyimpi a xuvileko ku maha zona ka hina, maringano ni tindlela ta hina ni zimaho za hina, i hi mahele lezo.

Zakaria 13:9

A xipanze lexi xa wunharu nzi ta xi enghenisa nzilweni, nzi va basisa ku fanana ni siliva yi nyekisilweko, nzi va ringa ku fanana ni nzalama. Va ta khongela vitweni ga mina, nzi va ingisa. Nzi taku: Vona mbanhu va mina. Vona vaku: Jehova i Nungungulu wa hina. Mal. 3:3; Joh. 20:28; 1 Ped. 2:6