Jeremia 28:15 - Tshwa Bible

¹⁵ Muprofeti Jeremia i lo engeta a wula ka muprofeti Hanania, aku: Ingisaka, Hanania; Jehova a nga ku rumangi; kanilezi u maha lezaku lava vanhu va tsumba mawunwa.

Jeremia 28:15 Mawu Ofanana

1 Tihosi 22:23

Hikwalaho Jehova i enghenisile a moya wa mawunwa milonwini ya vontlhe vaprofeti lava va wena. Jehova i wulawulile kubiha hi tlhelo ga wena.

Jeremia 20:6

Na wena Paxuri, ni vontlhe va tshamako ndlwini ya wena mu ta yiswa kukhonweni. Wena u taya Babuloni, laho u ta fela kona, ni ku lahlelwa kona zinwe ni maxaka ya wena wontihe, lawo u nga ma profetela mawunwa,

Jeremia 23:21

A nzi rumangi vaprofeti lavo, kanilezi va ti tsutsumele ha voce; a nzi xuxangi navo, kanilezi va lo profeta ha voce.

Jeremia 23:31

Nza vukela a vaprofeti, ku wula Jehova, lava va kanetako hi tirimi tabye, na vaku: Jehova i ngalo.

Jeremia 27:15

Hakuva a nzi va rumangi, ku wula Jehova, vo profeta mawunwa hi vito ga mina, kasi mina nzi fela ku mu papaxela, mu lova, nwina ni vaprofeti lava va mu profetelako.

Jeremia 28:11

Hanania i te ngalo mahlweni ka vontlhe vanhu: Jehova i ngalo: Nzi ta pfutlatisa zalezi a muyoko wa Nebukadnezzare, hosi ya Babuloni, tinhanwini ta matiko wontihe loku ku hunzile a malembe mambiri. Muprofeti Jeremia i lo ti fambela ndleleni yakwe.

Jeremia 29:23

Hakuva va mahile wupumbu lomu ka Israeli, va bhaya ni vasati va vaakelwane, ni ku wulawula timhaka ta mawunwa vitweni ga mina, leti nzi nga va layangiko. Mina nza zi tiva, niku nzi mboni, ku wula Jehova.

Jeremia 29:8

Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.

Jeremia 7:8

Kanilezi nwina mu tsumba a timhaka ta mawunwa ti nga mu vuniko nchumu.

Mikosi 2:14

A vaprofeti va wena va ku wonele a miwoniso yi nga nyawuliko ni ya wupumbu, A va tsetsulangi a zigoho za wena, kasi u pona u ngayi wukhumbini; Kanilezi va ku profetele zahava, lezi zi nga ku hambukisa.

Ezekieli 13:22

Kota lezi mu xanisileko a mbilu ya loyi wo lulama hi mawunwa ya nwina, loyi mina nzi nga mu xanisangiko, na mu tiyisa a mandla ya loyi wo biha, kasi a nga hunzuluki ndleleni yakwe ya kubiha, a hanyiswa,

Ezekieli 13:6

A miwoniso yabye nja hava, va vumba mawunwa, lavo va nge ngalo: Ku wula Jehova. Jehova a nga va rumangi, kanilezi va tsumba lezaku a gezu gabye gi ta tatiseka.

Ezekieli 13:9

A canja ga: mina gi ta vukela a vaprofeti lava va wonako miwoniso ya hava, ni lava va vumbako mawunwa. Va nga ta hlayiwa hubyeni ya vanhu va mina, va nga ta tsaliwa bhukwini ga yindlu ya ka Israeli, ge hambu ku enghena tikweni ga ka Israeli; zonake mu ta zi tiva lezaku hi mina Hosi Jehova.

Ezekieli 22:28

A vaprofeti va kona va ti tota hi mhemba, va wona miwoniso ya hava, va ti vumbela mawunwa, vaku: Ku wula Hosi Jehova, kasi lezo Jehova a nga wulangi nchumu.

Zakaria 13:3

Ku taku ni wihi a ta nga profeta, zonake a raru wakwe ni nyine wakwe lava va mu belekileko, va taku kakwe: U yimelwe hi kufa, hakuva u wulawula mawunwa vitweni ga Jehova! A raru wakwe ni nyine wakwe lava va mu belekileko va ta mu tlhava loku a profeta.

Deuteronome 13:6

Loku makabye wa wena, loyi a nga nʼwana wa mamani wa wena, kutani i nʼwana wa wena wa mufana, kutani i nhanyana wa wena, kutani i sati wa mbilu ya wena, kutani i nakuloni loyi u mu ranzako hi mbilu yontlhe ya wena, a ku kucetela hi le xihundleni, aku: A hi fambe hi ya khozela vanwani vanungungulu lava wena ni vararu va wena mu nga va tivangiko,

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.