Jeremia 27:9 - Tshwa Bible

⁹ Hikwalaho mu nga dzuki mu ingisa a vaprofeti va nwina, ni vavumbi va nwina, ni miloro ya nwina, ni zitumbe za nwina, ni vangoma va nwina, ioku zi wula ka nwina, ziku; Mu nga tireli a hosi ya Babuloni!

Jeremia 27:9 Mawu Ofanana

Eksodusi 22:18

U nga tsiki a xitumbe xa wasati xi hanya.

Eksodusi 7:11

Zonake Faro i lo vitana a titlhari ni tinʼanga; vonawu kota ti nga hi titlhari ta le Gipite, va lo maha zalezo hi wutlhari gabye. 2 Tim. 3:8

Mavingu 19:27

Nwananga, tsika ku ingisela gonziselelo, oku yi ku maha u huma timhakeni ta wutlhari.

Isaya 8:19

Loku vaku ka nwina: Wutisani lava va humesako mimoya ya vafileko, ni vavumbi lava va hlevako ni ku nʼununʼuta, hlamulani, muku: A vanhu a va faneli ku wutisa a Nungungulu wabye ke? ku nga wutisiwa a vafileko a timhaka ta laʼva hanyako ke? Deut. 18:11; 1 Sam. 28:11

Jeremia 14:14

Jehova i lo nzi hlamula, aku: A vaprofeti va profeta mawunwa vitweni ga mina. A nzi va rumangi, a nzi va layangi; a nzi wulawulangi nchumu kabye. Va profeta ka nwina a miwoniso ya mawunwa ni kuvumba, a zilo za mahala za kukhohlakala ka timbilu tabye.

Jeremia 23:16

Jehova wa tiyimpi i ngalo: Mu nga ingisi a timhaka ta vaprofeti lava va profetako ka nwina, hakuva va mu kanganyisa; va kanela a miwoniso ya timbilu tabye wutsumbu, na zi nga humi nonwini wa Jehova. Ezek. 13:2; Mat. 7:15

Jeremia 23:25

Nzi zwile lezi a vaprofeti va zi wulako, lava va profetako mawunwa hi vito ga mina, vaku: Nzi lorile, nzi lorile!

Jeremia 23:32

Ina, nza vukela lava va profetako miloro ya mawunwa, ku wula Jehova, loku va yi hlawutela va hambukisa a vanhu va mina hi mawunwa yabye ni kubyabyatsa kabye. Kasi mina a nzi va rumangi, hambu ni ku va laya; a va vuni nchumu ka lava vanhu, ku wula Jehova.

Jeremia 29:8

Hakuva Jehova wa tiyimpi, a Nungungulu wa Israeli i ngalo: Mu nga khohliswi hi vaprofeti va nwina lava va nga xikari ka nwina, ni vavumbi va nwina, mu nga dzuki mu ingisa a miloro leyi mu yi lorako.

Ezekieli 21:29

Na va kari va ku wonela miwoniso ya hava, va ku hlahluvela mawunwa, kasi u vekiwa tinhanwini ta laʼvo biha va delweko, lava a siku gabye gi chikelako xikhatini xa kugoha ka magumo.

Danieli 4:7

Zonake ku lota a tinʼanga, ni vangoma, ni titlhari, ni zitumbe, nzi va hlawutela a noro lowo, kanilezi a va nzi byelangi a tlhamuselo wa wona.

Mika 3:7

A zitumbe zi tawa tingana, a vangoma va ta kanganyiseka; vontlhe va ta vala milomu, hakuva ku hava hlamulo wu tako hi ka Nungungulu. Levi 13:45

Zakaria 10:2

Hakuva a materafime ma wulawula zahava, ni vangoma va vumba mawunwa; vanyamilorwani va lora zahava, va tangalisa hi lezi zi nga nyawuliko. Hikwalaho a vanhu va penga kota a ntlhambi wa tiyivu, va xaniseka hi ku vumala murisi. Isa. 8:19; Mat. 9:36

Malaki 3:5

Nzi ta tshinela ka nwina a ku ta lamula. Nzi tava kustumunyu yi hatlisako ku vukela zitumbe, ni zibhayi, ni lava va hlambanyako hi mawunwa, ni lava va kanganyisako a xitiri hakhelweni ya xona, ni lava va tsimbeketako tinoni ni zisiwana, ni lava va gohako a mhaka ya muluveli, ni lava va nga nzi chaviko, ku wula Jehova wa tiyimpi. Ekso. 22:21; Levi 19:12; Deut. 14:17

Mitiro 8:11

Va wa mu ingisa hakuva i wa va hlamalisile a xikhati xa hombe hi wungoma gakwe.

Va le Efesusi 5:6

Ngha mu nga dzuki mu kanganyiswa hi timhaka ta hava; hakuva hi kota ya zionho zo maha lezo gata a khulo ga Nungungulu hehla ka lava va nga ingisiko. Jer. 29:8; Mat. 24:4

Deuteronome 13:2

ni loku ku humelela a xikombiso ni xihlamaliso lexi a xi wulileko, aku ngalo: A hi lanzeleni vanwani vanungungulu lava u nga va tiviko, hi va khozela:

Deuteronome 18:14

Hi lezi a matiko lawo u ta nga ma hlongola, ma ingisa vangoma ni zitumbe, kanilezi Jehova Nungungulu wa wena a nga vumeli wena a ku maha lezo.

Joxua 13:22

Na Balami a nʼwana wa Beori loye a nga hi xitumbe, a vanana va ka Israeli va lo mu daya hi tlhari; zinwe ni vanwani lava va delweko.

Kuvululelwa 18:23

A kuwonekela ka kandiya cima ku nga ha ta woninga ka Wena; ni magezu ya muteki ni mutekiwa cima ma nga ha ta zwiwa ka wena: hakuva a vamahungani va wena va wa hi tihosi ta misava, hakuva a matiko wontihe ma khohlisilwe hi kuloya ka wena. Isa. 23:8; Jer. 7:34; 25:10

Kuvululelwa 21:8

Kanilezi a matoya, ni vangakholwiko, ni va manyala, ni vadayi, ni zibhayi, ni valoyi, ni vakhozeli va zifananiso, ni vontlhe vahembi, va ta kuma xiavelo xabye le tiveni legi gi vurako hi nzilo ni solufa; hi kona a kufa ka wumbiri. 1 Kor. 6:9; Gal. 5:19-21; Efe. 5:5

Kuvululelwa 22:15

Lava va nga timbyana va tshamile lahandle, zinwe ni valoyi, ni zibhayi, ni vadayi, ni vakhozeli va zifananiso, ni vontlhe lava va ranzako mawunwa va tira ha wona. 1 Kor. 6:9, 10; Gal. 5:19; Kol. 3:6

Kuvululelwa 9:21

A va hunzulukangi kudayeni kabye, ni kuloyeni kabye, ni kubhayeni kabye, ni kuyiveni kabye. Xip. 22:15