Jeremia 26:12 - Tshwa Bible

¹² Jeremia i lo hlamula tontlhe tihosana ni vanhu vontlhe, aku: Jehova i nzi rumile ku profeta hi yindlu leyi ni muti lowu, hi tontlhe a timhaka leti mu ti zwileko.

Jeremia 26:12 Mawu Ofanana

Jeremia 26:15

Ntsena tivani lezaku, loku mu nzi daya, mu neha a nkhata wu nga hiko na nanzu hehla ka wutsumbu ga nwina, ni hehla ka muti lowu, ni hehla ka vontlhe va akileko ka wona; hakuva hi Jehova a nzi rumileko a ku ta kanela ka nwina tontlhe leti timhaka. Mat. 23:35

Jeremia 26:2

Jehova i ngalo: Yima hi laha hubyeni ya yindlu ya ka Jehova, u wulawula ka vanhu ya miti ya ka Juda, lava va tako ku ta khozela ndlwini ya ka Jehova, a timhaka tontlhe leti nzi ku layileko a ku ti kanela kabye, u nga siyi yo siya. Deut. 4:2; Jer. 7:2

Ezekieli 21:7

Ku taku loku vaku ka wena: U hefemutekela yini? wena u taku: Nzi hefemutekela a mahungu lawa ma tako; a timbilu tontlhe ti ta nyekiswa, a mandla wontihe ma mbhela ntamu, a madzolo wontihe ma ta khuvatana. Langutani, ma hata zi ta maheka, ku wula Hosi Jehova.

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Mitiro 4:19

Kanilezi Pedro na Johani, va lo va hlamula, vaku: Kutani zi sasekile mahlweni ka Nungungulu a ku ingisa nwina ku hunza ku ingisa Nungungulu, lamulani ha nwece; Xip. 5:29; Gal. 1:10

Mitiro 5:29

Pedro ni vapostoli va lo hlamula vaku ngalo: Hi fanele ku ingisa Nungungulu ku hunza ku ingisa vanhu. Gal. 1:10