Jeremia 26:11 - Tshwa Bible

¹¹ A vapristi ni vaprofeti va lo byela a tihosana ni vanhu vontlhe, vaku: Loyi munhu i fanelwe hi kufa, hakuva i profetile a vukela lowu muti, kota mu zi zwileko hi tindleve ta nwina. Miti. 6:13

Jeremia 26:11 Mawu Ofanana

Jeremia 18:23

Kanilezi wena Jehova wa gi tiva A kungo gabye gontlhe go hlota ku nzi daya; U nga tsetseleli a kubiha kabye, Hambu a ku vinya a xionho xabye mahlweni ka wena; A va khunguvanyeka mahlweni ka wena, Va mahele lezi xikhatini xa zanga ya wena.

Jeremia 26:16

Zonake a tihosana ni vontlhe vanhu vaku ka vapristi ni ka vaprofeti: Loyi munhu a nga faneli kufa, hakuva i kanela ka hina hi vito ga Jehova a Nungungulu wa hina.

Jeremia 38:4

Zonake a vahombe va lo byela hosi, vaku: A munhu loyi a dayiwe, hakuva wa rera a mawoko ya tinhenha leti ti seleko mutini lowu, ni mawoko ya tiko gontlhe, hi ku va byela a timhaka ta kunghahi; a munhu loyi a nga xuveli a tiko wunene, kanilezi wa gi xuvela makhombo. Am. 7:10

Mateu 26:66

Mu alakanya yini nwina ke? Va lo hlamula vaku: Yena i fanelwe hi kufa. Levi 24:16; Joh. 19:7

Johani 18:30

Va lo hlamula, vaku ngalo kakwe: Loku munhu loyi a wa nga onhangi, ngha hi nga mu nehangi ka wena.

Johani 19:7

A vaJuda va lo hlamula, vaku; Hina hi na ni nayo, hi nayo lowu i yimelwe hi kufa, hakuva i ti mahile a Nʼwana wa Nungungulu. Levi 24:16; Mat. 26:65; Xip. 5:18

Mitiro 22:22

Vona va lo mu ingisa a kala a wula mhaka leyi; zonake va lo tlakusa a magezu yabye, vaku ngalo: Mu suseni misaveni a munhu wa kunghahi; hakuva a nga faneli ku hanya. Xip. 21:36; 25:24

Deuteronome 18:20

Kanilezi a muprofeti loye a ta nga ti kukumukisa hi ku wulawula hi vito ga mina, a timhaka leti nzi nga mu leletelangiko ku ti wulawula, ni loku a wulawula hi mavito ya vanwani vanungungulu, a muprofeti loye i tafa.

Valamuli 6:30

Zonake a vanhu va muti vaku ka Joaxi: Humesa a nʼwana wa wena kasi wafa, hakuva i khungumule a alati ga Baali, a tsemelela a xifananiso xa Axtarte.