Jeremia 25:6 - Tshwa Bible

⁶ Mu nga lanzeli vanwani vanungungulu, kasi mu va tirela ni ku va khizamela, mu nga vindlusi a khulo ga mina hi mitiro ya mandla ya nwina, kasi mina nzi nga mu maheli kubiha.

Jeremia 25:6 Mawu Ofanana

1 Tihosi 14:22

A va ka Juda va lo maha lezi zi bihileko mahlweni ka Jehova, va mu zangarisa ku hunza vadadani vabye hi zionho lezi va zi mahileko.

2 Tihosi 17:35

Jehova i mahile a xivumelwano navo, a va leletela, aku: Mu nga khozeli vanwani vanungungulu; mu nga va khizameli ge hambu ku va khozela mu phahlela ka vona. Ekso. 23:13; Vala. 6:10

Eksodusi 20:23

Mu nga ti maheli vanungungulu va siliva ni va nzalama, ahandle ka mina.

Eksodusi 20:3

U nga ta kuva ni vanwani vanungungulu mahlweni ka mina.

Jeremia 32:30

Hakuva a kusukela wusweni gabye a vana va Israeli ni vana va ka Juda va mahile kubiha ntsena mahlweni ka mina, hakuva a vana va Israeli va nzi zangarisile ntsena hi mitiro ya mandla yabye, ku wula Jehova.

Jeremia 35:15

Mina nzi mu rumele kambe ni kambe wontihe a malanza ya mina a vaprofeti, nziku: Hunzulukani munwe ni munwani ndleleni yakwe yo biha, mu chukhwatisa a zimaho za nwina, mu nga lanzeli a vanungungulu vanwani a ku va tirela; zonake mu ta tshama ka tiko legi nzi nga nyika nwina ni vararu va nwina. Kanilezi a mu riyangi tindleve hambu ku nzi ingisa. 2 Tih. 17:13; Jer. 18:11

Jeremia 44:7

Hikwalaho Jehova, a Nungungulu wa tiyimpi tlhelo Nungungulu wa Israeli, i ngalo: Hikuyini mu ti mahelako a khombo legi ga hombe, kala ku lobyiswa a vavanuna; ni vavasati, ni vanana ni zihlangana xikari ka Juda, ku nga sali ni munwe wa nwina?

Jeremia 44:8

Mu vindlusela yini a zanga ya mina hi mitiro ya mandla ya nwina, mu hisela vanwani vanungungulu a tibani lomu tikweni ga Gipite, lomu mu tileko mu ta luvela, kasi mu fela ku susiwa mu mahiwa xiruko, mu tseketselwa xikari ka matiko wontihe ya misava ke?

Jeremia 7:6

loku mu nga xanisi a muluveli, a xisiwana ni noni, loku mu nga halati a nkhata wa va nga hiko na nanzu ka legi wutshamu, hambu ni ku lanzela vanwani vanungungulu, muva ni makhombo hi kota ya vona; Ekso. 22:21

Jeremia 7:9

Xana ma ha ta yiva, mu daya, mu bhaya, mu hlambanya mawunwa, mu hisa miphahlo yo nuhela ka Baali, ni ku lanzela vanwani vanungungulu lavo mu nga va tiviko?

Hosea 1:7

Kanilezi nzi tava ni wuxinji ka yindlu ya ka Juda, nzi va ponisa ha Jehova a Nungungulu wabye; nzi nga ta va ponisa hi mawura, kutani tisupado ni kulwa, hambu mahaxi ni vakhileli va mahaxi.

Deuteronome 13:2

ni loku ku humelela a xikombiso ni xihlamaliso lexi a xi wulileko, aku ngalo: A hi lanzeleni vanwani vanungungulu lava u nga va tiviko, hi va khozela:

Deuteronome 28:14

ni loku u nga hambuki xineneni hambu xibhabheni a ka timhaka tontlhe leti nzi ku leletelako tona inyamutlha, kasi u nga lanzeli vanwani vanungungulu ni ku va khozela.

Deuteronome 6:14

Mu nga dzuki mu lanzela vanwani vanungungulu, lava va nga xikari ka vanungungulu va matiko lawa ma mu ranzeleko.

Deuteronome 8:19

Ku taku laha u ta nga rivala Jehova Nungungulu wa wena, u lanzela vanwani vanungungulu u va tirela, ni ku khizama mahlweni ka vona, nza tiyisa hakunene mahlweni ka nwina inyamutlha lezaku mu ta lova futsi.

Joxua 24:20

Hi lezi loku ma nga fularela Jehova, mu ya khozela vanwani vanungungulu, yena i ta hunzuluka a mu mahela kubiha, a mu lovisa, laha ka kuva i wa mu mahele kusasa.