Jeremia 25:30 - Tshwa Bible

³⁰ Hikwalaho u ta profeta kabye leti timhaka, uku: Jehova wa dzuma-dzuma hi le hehla, A zwata gezu gakwe hi lomu ndlwini yakwe yo basa; Wa dzumela wuriselo gakwe hi kuchavisileko, Waba huwa kukotisa vakhuwuti va mauva, Na vukela vaaki vontlhe va misava. Joeli 3:16; Am. 1:2

Jeremia 25:30 Mawu Ofanana

2 Samueli 15:25

Zonake a hosi yi te ngalo ka Zadoki: Tlhelisa a arke ga Nungungulu le Jerusalema. Loku mina nzi kuma thomo mahlweni ka Jehova, i ta nzi tlhelisa a ya nzi kombisa gona ni yindlu yakwe.

1 Tihosi 9:3

Jehova i te ngalo kakwe: Nzi zwile a mukhongelo wa wena ni kukombela loku u ku kombelileko mahlweni ka mina. Mina nzi basisile a yindlu leyi u yi akileko, a kuva yi lumba a vito ga mina kala kupinzuka; a mahlo ya mina ni mbilu ya mina zi tava kona kala kupinzuka. Deut. 12:11; Tis. 132:14

2 Kronekele 30:27

Zonake a vapristi va nga vaLevi, va lo suka va katekisa vanhu, ni gezu gabye gi lo ingiswa; a mukombelo wabye wu lo chikela wutshanwini ga Jehova go basa le tilweni.

Tisimu 11:4

Jehova i lomu tempeleni yakwe yo basa, A xitshamu xa wuhosi xa Jehova xi le tilweni; A mahlo yakwe ma wona, Ni tikohe takwe ti kamba a vanana va vanhu. Isa. 66:1; Hab. 2:20; Mat. 5:34

Tisimu 132:14

Aku: Legi wuhumulelo ga mina kala kupinzuka, Nzi ta aka kwalaha, hakuva nzi ku navele.

Tisimu 46:6

A matiko ma maha pfilupfilu, ni mifumo yi tsekatsekiswa, I lo zwata gezu gakwe, misava yi nyeka.

Tisimu 58:5

Lezaku gi ngazwi a gezu ga muyimbeleli, Ge, ni ku ingisa a mungoma a tlharihileko.

Tisimu 78:65

Zonake a Hosi yi lo khindlimuka khwatsi yi wa hi kuetleleni, Khwatsi hi nhenha yi kanyulukiswako hi byala.

Isaya 16:9

Hikwalaho zinwe na Jazera nzi ta rilela a xivina xa le Sibna; Nzi ta ku tsakamisa hi mihloti ya mina, wena Hexboni na Eleale; Hakuva a huwa ya mutshoveli yi wele hehla ka mihanzu ya wena ya ximumu ni kutshovela ka wena.

Isaya 33:3

Hi kota ya guwa ga gezu ga wena a vamatiko va tsutsuma, Loku u vuka, a matiko ma hangalaka.

Isaya 42:13

Jehova wa huma kota nhenha, Wa ti vuxa khwatsi hi munhu a yako yimpini; I kanyuluka, aba huwa, A kombisa ntamu wakwe ka valala vakwe.

Jeremia 17:12

A wutshamu ga hina go basa xitshamu xa wukosi xi tlakukileko Xi vekilweko hehla kusukela kusanguleni.

Jeremia 25:38

Yena i humele kota nghala yi humako nghuleni ya yona. A tiko gabye gi mahile marumbi, Hi kota ya kutshisa ka supado ya Jehova, Ni kota ya kuhisa ka zanga yakwe.

Jeremia 48:33

A kutsaka ni kunengela zi susilwe lomu masinwini, Ni le tikweni ga Moabi. Nzi mbhetisile a vinya lomu maphisweni; A nga hi kona a to gi kamela hi tisimu, A kuyimbelela ku tava tihuwa.

Hosea 11:10

Va ta lanzela Jehova loyi a ta nga dzumadzuma khwatsi i nghala. Hakuva i ta dzuma, a vanana va tata kakwe hi kururumela, na va huma hi Mupela-gambo.

Hosea 5:14

Hakuva ka Efraime nzi ta fanana ni nghala, nzi fanana ni xinghalana a ka yindlu ya ka Juda. Mina wutsumbu nzi ta hanzula nzi ti fambela; nzi ta rwala a pfimba, ku nga hi kona a to nzi wutlela wona.

Joeli 3:16

Jehova wa dzuma le Zioni, a zwata a gezu gakwe hi le Jerusalema; a tilo ni misava zi tsekatseka. Kanilezi Jehova i tava wuchavelo ga vanhu vakwe, ni khokhola ga vana va ka Israeli. Hos. 11:10; Am. 1:2

Amosi 1:2

Aku: Jehova i ta dzuma hi le Zioni, a zwata a gezu gakwe hi le Jerusalema; a wuriselo ga varisi gi ta rila, ni xixungwe xa Karmeli xi ta wuna. Jer. 25:30; Hos. 11:10; Joeli 3:18

Amosi 3:8

Loku a nghala ya dzumadzuma, himani a to kala a nga chavi? Loku Hosi Jehova a wulawula, himani a to kala a nga profeti?

Zakaria 2:13

A nyama yontlhe ngha yi miyela mahlweni ka Jehova; hakuva i vukile wutshanwini gakwe gi basileko. Hab. 2:20; Zef. 1:7

Deuteronome 26:15

Cuwuka na u hi kwaleyo tilweni wutshanwini ga wena ga kubasa, u katekisa vanhu va wena va Israeli, ni misava leyi u hi nyikileko yona, yi maha tiko legi gi khulungako masi ni wulombe, khwatsi hi lezi u hlambanyileko ka vararu va hina.

Kuvululelwa 19:15

Ku huma nonwini wakwe a supado yo kariha, leyi a ta ngaba matiko ha yona. I ta ma fumela hi nhonga ya xiketse; i ta kamela xigowolweni xa vinya ga zanga yi tshisako ya Nungungulu Nyamintamu. Tis. 2:9; Isa. 11:4; 3:3; Xip. 1:16; 2:27